Среди всего разнообразия акафистов есть песни, которые олицетворяют мужество и стойкость духа. К таковым относится и акафист 40 мученикам Севастийским. Из статьи вы узнаете историю его создания, а также каким образом он может помочь православному христианину.
Описание и значение
По преданию, страж Аглаий и 39 православных воителей были однажды замучены на озере неподалеку от армянского города Севас. Теперь они увековечены в религиозном тексте и являются олицетворением истинной мужественности, духовной силы и стойкости. Считается, что этим воинам предложили предать себя в жертву языческим богам, но те отказались это сделать.
Однако кара за непослушание оказалась жестокой, и православных христиан заключили в тюрьму. Там они день и ночь молились, после чего на них снизошло откровение: кто сможет вытерпеть все страдания до конца, будет спасен. Спустя 7 дней над воинами состоялся суд, где все они защищали свою веру и не собирались от нее отрекаться.
Сначала люди пытались закидать 40 воинов булыжниками. Однако те не могли долететь к ним, как будто их оберегали от гибели. После тюремного заключения воинов замучили на озере. Сначала их оставили на голом льду, а рядом растопили парилку, чтобы те отреклись от Господа и только потом смогли обрести долгожданное тепло. Однако только один из воинов не выдержал и бросился к бане, но не смог до нее добраться, так как просто упал бездыханный.
Считается, что на следующий день один из стражников, проснувшись, увидел над головами воинов нимбы, после чего сбросил с себя всю одежду и заявил, что он тоже христианин, поэтому занял свое место среди них. Мученикам в этот день перебили ноги, а затем предали тела огню. Когда же после этого наказания прошло около трех дней, митрополит Петр Севастийский увидел сон: к нему пришли трое святых воителей, которые попросили, чтобы их останки были преданы земле. Священник сделал все, что от него требовалось: захоронил тела погибших и произнес при этом молебен.
Православные христиане могут взывать к этим святым, если им вдруг понадобилась помощь. И делать это желательно в следующих случаях:
- когда необходимо обрести стойкость;
- научиться достойно претерпевать все невзгоды и беды, которые встречаются на пути;
- чтобы вернуть утраченную веру;
- чтобы побороть охватившее вновь отчаяние;
- чтобы укрепить душевную стойкость и быть убежденным в своей правоте.
В православном христианстве также существует день памяти 40 мучеников Севастийских. Отмечается он 22 марта. Что интересно, этот праздник не относится к переходящим, он имеет фиксированную дату, а потому не зависит от строгого поста. Православные христиане также могут не только читать акафист, но и взывать к иконе с изображением мучеников. Ее можно найти в нескольких российских храмах. На иконе изображены 40 полуобнаженных воинов разного возраста, которые стоят в ледяной воде, обхватив себя руками от невыносимого холода. Тем не менее их лица нельзя назвать страдальческими: на них запечатлена истинная мужская стойкость и твердость характера, поскольку они намерены вынести все беды до конца.
Считается, что если день памяти 40 мучеников Севастийских припадает на Великий пост, христианам разрешаются кое-какие послабления (в этот праздник некоторые пекут булочки в виде жаворонков – символ мучеников, вынужденных доказывать свою любовь к Господу в настоящих страданиях).
Видео «Акафист 40 мученикам Севастийским»
В этом видео вы можете прослушать аудио запись акафиста 40 мученикам Севастийским.
Акафист святым сорока мученикам Севастийским
Кондак 1
Избраннии страстотерпцы Христовы четыредесяте, во граде Севастийстем чрез огнь и воду прошедшии и в покой вечный вшедшии, песньми восхваляем вас, заступников наших. Вы же, яко имущии велие дерзновение ко Господу, от всяких нас бед свободите, любовию вам зовущих:
- Радуйтеся, святии четыредесяте мученицы Севастийстии, преславнии чудотворцы.
Икос 1
Ангели Божии, хранителие рода человеческаго, зряще пред мучителем дерзновенное ваше исповедание Христа, на подвиг страдальческий невидимо вас укрепляху. Мы же, ведуще вас, подвиг сей добре совершивших, радостно взываем:
- Радуйтеся, дерзновенным исповеданием Христа возвеселившии Ангелы;
- Pадуйтеся, дивным терпением вашим мучителей удивившии.
- Радуйтеся, страдании вашими диавола посрамившии;
- Pадуйтеся, непобедимою силою Христовою противу невидимаго врага вооружившиися и вся злохитрыя того на вы козни победившии.
- Радуйтеся, неизчетнаго мученическаго лика украшение;
- Pадуйтеся, земныя воинствующия Церкви сильнии помощницы.
- Радуйтеся, святии четыредесяте мученицы Севастийстии, преславнии чудотворцы.
Кондак 2
Видя зверонравный мучитель веру мучеников, заключи их в темницу; Господь же благоутробный яве посети Своя рабы, похваляя начаток подвига их и увещевая неослабно оный совершити, яко токмо претерпевый до конца венчается в Царствии Небесном и сподобляется со Ангелы пети: Аллилуиа.
Икос 2
Разум Божественный от явльшагося вам Христа приемше, утвердистеся в страдальческом подвизе, святии страстотерпцы, и укоризну Агриколаа мучителя в похвалу себе вменисте. Сего ради вам вопием:
- Радуйтеся, разум правый боговедения стяжавшии и волю свою воле Божией всецело предавшии;
- Pадуйтеся, вся прелести мирския и славу воинскую ради Христа ни во чтоже вменившии.
- Радуйтеся, ласканий мучителя не послушавшии и грозных того прещений не убоявшиися;
- Pадуйтеся, темничное заключение Христа ради претерпевшии.
- Радуйтеся, Спасителем мира во узах посещеннии, благими словесы от Него утешеннии и на подвиг укрепленнии;
- Pадуйтеся, яко с верою вас почитающих в скорбех утешаете и от бед избавляете.
- Радуйтеся, святии четыредесяте мученицы Севастийстии, преславнии чудотворцы.
Кондак 3
Cила Вышняго содела вас, страстотерпцы святии, сильных в слове пред нечестивыми, темже не терпя дерзновения вашего, гордый мучитель паки в темницу вас вверже, в нюже радостно текосте, поюще Богу: Аллилуиа.
Икос 3
Имуще, страстотерпцы, в темнице сострадальца вашего Кириона блага себе учителя, укреплястеся в вере Христовой и, по днех осмих ведени бывше на судище, безбоязненно предстаете Лисию князю и Агриколаю воеводе, мудре обличисте их нечестие. За таковое ваше дерзновение приносим вам сицевые хвалы:
- Радуйтеся, в броню веры Христовы облеченнии и щитом благодати Его покровеннии;
- Pадуйтеся, единаго Христа паче всех возлюбивший и ради Его повеления беззаконныя мучителей презревшии.
- Радуйтеся, силу Христову пред нечестивыми проповедавшии и всемогущество Божие яве показавшии;
- Pадуйтеся, яко и каменная метания вам не прикасахуся.
- Радуйтеся, яко та силою Божиею на метающих я возвращахуся;
- Pадуйтеся, яко и ныне молитвами вашими к Богу вражия стрелы от нас отражаете.
- Радуйтеся, святии четыредесяте мученицы Севастийстии, преславнии чудотворцы.
Кондак 4
Бурею злобы противу Христа дыша, гордый Лисий третицею вверже страдальцев в темницу, в нейже паки Христос явися, ободряя, утешая их и нетленныя венцы в Царствии Небесном обещавая; они же, сия слышавше, радостно пояху Богу: Аллилуиа.
Икос 4
Слышавше мучителие твердое страстотерпцев Христа исповедание, осудиша я на всенощное в хладнем езере стояние; они же, огнь любве Божественныя в сердцах имуще, не убояхуся лютаго мраза, но единодушно славяще Бога, идоша на страдание. Мы же, терпению сих чудящеся, зовем сице:
- Радуйтеся, добропобеднии Христовы исповедницы;
- Pадуйтеся, кумирослужения низложителие.
- Радуйтеся, терпением лютаго мучения в покой вечный вшедшии;
- Pадуйтеся, болезньми страданий обретшии неизреченныя блага.
- Радуйтеся, драгие и крепцыи четыредесяте камение;
- Pадуйтеся, Церковь Христову собою укрепляющии и осиявающии.
- Радуйтеся, святии четыредесяте мученицы Севастийстии, преславнии чудотворцы.
Кондак 5
Боготечнии звезды Христовы явистеся святии, в нощнем хладе во езере Севастийстем сияющии, ихже не прельсти теплая баня соблазна, но со Ангелы Богу пояху: Аллилуиа.
Икос 5
Видевше святии, яко един от них отпаде, убоявся бо мраза нощнаго, и скрыся в теплой бане и абие умре, тепле взываху ко Господу, да их укрепит в подвизе страдания и прославит имя Свое. Мы же зовем вам сице:
- Радуйтеся, славнии победоносцы, вся козни сопротивных победившии;
- Pадуйтеся, всю нощь нази ю езере стоявшии.
- Радуйтеся, единодушно тамо Господа призывавшии;
- Pадуйтеся, яко в терпении вашем помощь скорую Господь низпосла вам.
- Радуйтеся, яко свет Божественный с небесе осия вас;
- Pадуйтеся, венцы пресветлии с небесе приявшии.
- Радуйтеся, святии четыредесяте мученицы Севастийстии, преславнии чудотворцы.
Кондак 6
Проповедницы дивнаго чудесе, стражие, в бани бывшии, поведаша, како в нощи свет небесный во езере облиста мученики, лед растопи и хлад в теплоту преложи, еже слышавше, мучителие паче злобою распаляхуся, не ведуще пети Богу: Аллилуиа.
Икос 6
Возсиявшу во езере свету небесному, возсия и в сердце единаго от стражей благодать Божия, яко той, совлекше ризы своя, ввержеся во езеро ко святым мучеником, восполняя место отпадшаго, и тако посрамися князь тьмы, ликовавый о умалении лика страдальцев; имже мы ныне вопием таковая:
- Радуйтеся, Христовы страстотерпцы, молитвами и терпением вашими веселие диавола в печаль обратившии;
- Pадуйтеся, от злобы и коварства его верныя избавляющии.
- Радуйтеся, в хладе воды благодатию Святаго Духа просветившиися;
- Pадуйтеся, стоянием вашим во езере мысленнаго змия главу сокрушившии.
- Радуйтеся, полная четыредесятнице, Христу бодренно представшая;
- Pадуйтеся, верою, терпением и страданием Христа ради блаженство райское унаследовавшии.
- Радуйтеся, святии четыредесяте мученицы Севастийстии, преславнии чудотворцы.
Кондак 7
Хотяще чуднии страдальцы веру во Христа непорочно сохранити, славу воинскую и ласкания мучителей ни во что же вменисте и вся лютая мучения, аки безплотнии, претерпесте, воспевающе всесильному человеколюбцу Богу: Аллилуиа.
Икос 7
Новое и последнее умысли мучитель страдание святым мучеником, да голени их млатами сокрушени будут, еже и претерпеша страдальцы доблественно. И тако скончавше мученический подвиг, предаша души своя в руце Божии и прияша от Него нетленныя венцы. Мы же возглашаем в похвалу им сице:
- Радуйтеся, прекраснии леторасли сада Иисусова, не секирами, но млатом посеченнии;
- Pадуйтеся, драгие сосуды благодати Божией, за имя Христово сокрушеннии.
- Радуйтеся, страдальческий подвиг славно скончавшии;
- Pадуйтеся, от ликов Ангельских в сожительство приятые.
- Радуйтеся, от пророков и апостолов, яко тех стопам последовавшии, любезно сретенные;
- Pадуйтеся, всего рода христианскаго слава великая.
- Радуйтеся, святии четыредесяте мученицы Севастийстии, преславнии чудотворцы.
Кондак 8
Странное чадолюбие и неустрашимую доблесть показа чудная матерь Святаго Мелитона, единаго от лика страдальцев; видящи бо телеса мучеников отвозима на сожжение, своего же сына, еще жива, коварно оставленна, взя того на рамена своя, и той, испустив дух свой, Предста с прочими Христу Богу, в веселии поя Ему: Аллилуиа.
Икос 8
Все зверонравие проявиша мучителие, егда повелеша святая телеса мучеников сожещи огнем и прах их в реку воврещи, да истребится от человек память их, обаче посрамишася, Господь же в роды вечныя прослави я пред Ангелы и человеки. Сего ради тако вопием к ним:
- Радуйтеся, по словеси псалмопевца, чрез огнь и воду прошедший;
- Pадуйтеся, страстем Христовым общницы.
- Радуйтеся, страдальческим подвигом вашим врагов Церкве Христовы посрамившии и верных в вере укрепившии;
- Pадуйтеся, неусыпные молитвенницы за род христианский.
- Радуйтеся, вечно пребывающии в обителех Отца Небеснаго;
- Pадуйтеся, предстательством своим у Господа благостояние миру испрошающии.
- Радуйтеся, святии четыредесяте мученицы Севастийстии, преславнии чудотворцы.
Кондак 9
Вси христиане зело удивишася, како кости святых мученик чудесно нощию в реце светло просияша, и честно собрани, по велению святых, неоскудныя верным исцеления подают, да поем дивному во святых Своих Богу: Аллилуиа.
Икос 9
Ветия древний, Духом Божиим озаренный, о кончине верных во Псалтири пророчески пояше: «Проидохом сквозе огнь и воду, и извел ны еси в покой». Вы же, святии мученицы, делом сие исполниша. Сего ради в похвалу вам вопием:
- Радуйтеся, исполнивши Давидово проречение;
- Pадуйтеся, в страданиях ваших, яко злато в горниле, очистившиися.
- Радуйтеся, соблюдшие до конца веру Христову;
- Pадуйтеся, предстательством вашим к Богу от бед нас спасающии.
- Радуйтеся, в скорбех и нуждных обстояниих нам помогающии;
- Pадуйтеся, ко спасению душ наставляющии.
- Радуйтеся, святии четыредесяте мученицы Севастийстии, преславнии чудотворцы.
Кондак 10
Спасению нашему многомощнии споспешницы есте, святии страстотерпцы, темже усердно к вам прибегаем; помозите нам вашим предстательством ко Господу остающее время земнаго нашего жития в покаянии благочестно проводити и во всех обстояниих Промыслителю Богу благодарно взывати: Аллилуиа.
Икос 10
Стеною молитв ваших ограждайте нас, страстотерпцы Христовы, от всех зол и козней вражиих, да охраняеми вами, ублажаем вас поименно сице:
- Радуйтеся, Кирионе, Кандиде и Домне, Божественнаго писания наставницы;
- Pадуйтеся, Ангие и Аетие славнии, душами вашими, яко орли, на небеса возлетевшии.
- Радуйтеся, Афанасие, Аглаие, Вивиане и Горгоние, Христа Бога возлюбившии;
- Pадуйтеся, Екдите, Гаие, Евноикие, Евтихие, Дометиане и Иоанне, души своя за Христа положившии.
- Радуйтеся, Исихие, Ираклие, Кирилле, Клавдие, Лисимахе и Леонтие, небесная блага получившии;
- Pадуйтеся, Илиане и Илие, пророку Илии в ревности о славе Божией поревновавшии.
- Радуйтеся, святии четыредесяте мученицы Севастийстии, преславнии чудотворцы.
Кондак 11
Пение хвалебное приносим вам, святии мученицы, яко любве ради Христовы плоти своея не пощадисте и кровию своею торжество веры возвеличисте; темже и память ваша, яко пресветлых светильников веры, вечно в Церкви сияет, верных смыслы озаряя, поющих Богу: Аллилуиа.
Икос 11
Светом небесным осиянных, умныма очима зрим вас, преславнии страстотерпцы Христовы, престолу бо Пресвятыя Троицы выну предстоите и молитвы о мире со дерзновением приносите; темже молебно и хвалебно вам взываем:
- Радуйтеся, страстотерпцы Христовы Николае, Приске, Смарагде, Сакердоне, Севериане и Сисиние, злобы вражия славнии победителие;
- Pадуйтеся, Филокгимоне и Феофиле, любве Божественныя делом совершителие.
- Радуйтеся, Худионе, Ксанфие и Флавие, воини Христовы предобрии;
- Pадуйтеся, Мелитоне, Феодуле и Валенте, вернейшии раби Бога Вышняго.
- Радуйтеся, Христовы мученицы Валерие, Александре и Акакие, всеусерднейшии исполнителие велений Господних;
- Pадуйтеся, весеннею памятию вашею нам весну Христова вечнаго блаженства возвещающии.
- Радуйтеся, святии четыредесяте мученицы Севастийстии, преславнии чудотворцы.
Кондак 12
Благодатию обильно исполняется обитель Ксиропотамская, имущи честныя мощи ваша, преславнии мученицы и чудотворцы. Темже и нас, память вашу светло совершающих, благодати Божией молитвами вашими исполните, да поем чудес подателю Богу: Аллилуиа.
Икос 12
Поюще честная страдания ваша, святии мученицы, хвалим Господа, вас укрепившаго и венцы нетленными на небеси венчавшаго, и яко угодников Божиих и теплых наших пред Ним заступников, восхваляем сице:
- Радуйтеся, четыредесять непоколебимых столпов Христовы Церкве;
- Pадуйтеся, яко вся концы земли славною памятию вашею озаряете.
- Радуйтеся, в ваших немощех телесных велию крепость духа явившии;
- Pадуйтеся, яко в трудех поста и молитвы и нас утешаете и укрепляете.
- Радуйтеся во граде Севастийстем, яко солнце мысленное, страданьми возсиявшии;
- Pадуйтеся, посвященных имени вашему храмов и обителей святых неусыпные покровителие.
- Радуйтеся, святии четыредесяте мученицы Севастийстии, преславнии чудотворцы.
Кондак 13
О, святии страстотерпцы Севастийстии, лести лукаваго славнии победоносцы! Предстательством вашим у Господа испросите нам победу на душевредныя страсти и гордость житейскую, да, в покаянии поживше, Небеснаго Царствия сподобимся, всегда о вас благодарно поюще Богу: Аллилуиа.
Этот кондак читается трижды. Затем икос 1-й «Ангели Божии» и кондак 1-й «Избраннии страстотерпцы»
Молитва святым сорока мученикам Севастийским
О, святии славнии страстотерпцы Христовы четыредесяте, во граде Севастийстем мужественно за Христа пострадавшии, чрез огнь и воду прошедшии и в покой Царствия Небеснаго вшедшии, со Ангелы и всеми святыми светло ликовствующии! Вы, яко друзи Христовы, имате велие дерзновение ко Пресвятей Троице ходатайствовати о роде христианском, наипаче же о почитающих и призывающих вас с верою и любовию. Темже и мы, святую память вашу празднующе, тепле взываем: испросите нам у щедраго Господа прощение согрешений наших вольных и невольных, да остающее время земнаго жития нашего поживем в покаянии и творении заповедей Божиих, всегда памятствующе смерть и суд праведный, егда воздано будет коемуждо по делом его. Вы бо, славнии мученицы, в воинстем чине за имя Христово крепко и единодушно подвизастеся и души своя за Него усердно положисте, помозите убо и нам пребыти твердыми и непоколебимыми в вере православной. Ей, угодницы Божии, будите нам защитницы от всех враг видимых и невидимых, да под кровом ваших святых молитв сохранени будем от всех зол даже до последняго дне и часа скончания нашего, и тако прославим о вас Всесвятое достопокланяемое имя Вседетельныя Троицы,Отца и Сына, и Святаго Духа во веки веков. Аминь.
Молитва иная
О, святии славнии страстоносцы Христовы четыредесяте, во граде Севастии Христа ради мужественно пострадавшии, чрез огнь бо и воду проидосте, и яко друзи Христовы в покой Небеснаго Царствия вшедше, имате велие дерзновение ко Пресвятей Троице ходатайствовати о роде христианском: наипаче же о почитающих святую память вашу, и с верою и любовию вас призывающих. Испросите у всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову, и вашим предстательством одесную праведнаго Судии предстанем. Ей, угодницы Божии, будите нам защитницы от всех враг видимых и невидимых, да под кровом святых ваших молитв избавимся от всех бед, зол и напастей до последняго дне жизни нашея, и тако прославим великое и достопокланяемое имя вседетельныя Троицы, Отца и Сына и Святаго Духа, ныне и присно и во веки веков. Аминь.
Молитва третья
О, страстотерпцы Христовы, во граде севастийстем мужественно пострадавшии, к вам, яко молитвенникам нашим усердно прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведнаго Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, да под кровом святых ваших молитв избавимся от всех бед, зол и напастей до последнего дне жизни нашея, и тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь.