Молитва Архангелу Рафаилу об исцелении

С этой молитвой можно обращаться к Архангелу Рафаилу с просьбами о сохранении здоровья, об исцелении и выздоровлении больного. Молитва помогает бороться с самыми страшными болезнями (например, рак). Просить можно за себя, за своих детей и других близких людей.

Молитва первая

О, святый великий Архангеле Рафаиле, престолу Божию предстояй!

Ты благодатию, от Всемогущаго Врача душ и телес наших, тебе данною, праведнаго мужа Товита от слепоты телесныя исцелил еси, и сына его Товию, спутешествуя ему, от злаго духа сохранил еси.

Всеусердно молю тя: буди мне путеводитель в жизни моей.

Cохрани от всех видимых и невидимых враг, исцели душевныя и телесныя болезни моя, управи жизнь мою к покаянию во гресех и ко творению добрых дел.

О, святый великий Рафаиле Архангеле!

Услыши мене грешнаго, молящагося тебе, и сподоби в здешней и будущей жизни благодарити и славити общаго Создателя нашего в безконечныя веки веков.

Аминь.

Молитва вторая

О, святый, славный архангеле Божий Рафаиле!

Скорый помощниче и теплый пред Богом о нас заступнице и молитвениче.

Предстоя у престола святыя Троицы, испроси нам у Господа прощение согрешений наших: да преложит Он на милость гнев Свой праведный, грехов ради наших движимый на нас.

Не остави же, о, архангеле Божий, нас и ты помощию и заступлением твоим, днесь прославляющих имя твое святое.

Аще и многогрешнии есмы, обаче не хощем в беззакониях наших погибнути.

Укрепи благодатию Господнею слабую волю нашу на дела благия.

Буди и нам, якоже отроку Товии, путеводитель и советодатель в нашем многоскорбнем житии.

Помози нам избавитися от гнетущих нас болезней, якоже ты избавил Товита от его многолетней слепоты.

Егда же приблизится час скончания нашего, не остави нас, архангеле Божий, беззащитных на воздушных мытарствах против духов злобы, преграждающих восход в горняя.

Да охраняеми тобою достигнем обителей Отца нашего небеснаго и купно с тобою и со всеми святыми прославим Отца и Сына и Святаго Духа во веки веков.

Аминь.

К прочтению:  Все об Успенском кафедральном соборе в Пензе: от истории до наших дней
Оцените статью
Православный религиозный информационный сайт на все случаи жизни