Молитвы Адриану и Наталии

Святые мученики Адриан и Наталия являются покровителями семей, поэтому к ним обращаются со следующими молитвенными просьбами:

— о взаимной любви,

— о счастливом замужестве,

— о сохранении семьи в трудные времена,

— о возвращении любимого.

Молитва первая


О святии мученицы Адриане и Наталие!

Услышите нас, раб Божиих (имена), в час сей к вам молящихся: помолитеся о нас Владыце Христу Богу, много бо дерзновение к Нему стяжали есте, искреннии молебницы о нас суще.

Умолите Господа отпустити наша грехи и Небеснаго Царствия сподобити нас, да купно с вами прославим великолепое имя Пресвятыя Троицы, Отца и Сына и Святаго Духа, во веки веков.

Аминь.

Молитва вторая


О священная двоице, святии мученицы Христови, Адриане и Наталие, блаженнии супрузи и доблии страдальцы!

Услышите ны, молящиися вам со слезами, и низпослите на ны вся благопотребная душам и телесем нашим, и молите Христа Бога, да помилует нас и сотворит с нами по милости Своей, да не погибнем во гресех наших!

Ей, святии мученицы, приимите глас моления нашего и избавите ны молитвами вашими от глада, губительства, труса, потопа, огня, града, меча, нашествия иноплеменников и междоусобныя брани, от напрасныя смерти и от всех бед, печалей и болезней,

да выну, вашими молитвами и предстательством укрепляемии, прославим Господа Иисуса Христа, Емуже подобает всякая слава, честь и поклонение, со Безначальным Его Отцем и Пресвятым Духом, во веки веков.

Аминь.

К прочтению:  Уникальная архитектура Спасо-Преображенского кафедрального собора в Рыбинске
Оцените статью
Православный религиозный информационный сайт на все случаи жизни