Молитвы о здравии ребенка в утробе матери

С этими молитвами можно обратиться к святым с просьбой о том, чтобы ребенок в утробе (во чреве матери) был здоров и родился здоровым.

Молитва Господу Богу о здравии дитя в утробе матери

Всемогущий Боже, видимого и невидимого Творец!

К Тебе, Отцу возлюбленному, мы прибегаем, создания разумом одаренные, потому что по совету особенному Ты наш род создал,

с мудростью неизречимой тело наше сотворив из земли да душу Своего Духа в него вдохнув, чтобы подобием Твоим были мы.

В Твоей воле сотворить нас сразу ангелами было, если восхотел бы Ты, но в Твоей премудрости было угодно, чтобы в Тобой порядке установленном через брак, через жену и мужа род человеческий преумножался.

Людей благословить Ты восхотел, чтобы множились они и росли. И землю, и сонмы ангельские наполняли.

О Отче и Боже!

Да во веки прославляемо и славимо имя Твое за сделанное для нас.

Так же за милосердие Твое Тебя благодарю, что по Твоей воле не только я сама произошла от творения Твоего чудного и избранных число пополняю, но что удостоил Ты меня в супружестве благословить и чрева плод мне послал.

Это дар Твой, милость Твоя Божественная, о, Отче.

Потому к Тебе одному я обращаюсь и Тебя молю с сердцем смиренным о помощи и милости, чтобы творимое Тобой во мне силою Твоей, сохранено было и к рождению благополучному приведено.

Ибо, о Боже, знаю я, что путь свой избирать не в человеческой власти и не в силах человеческих.

К падению мы склонны и слабы духом слишком, чтобы сетей тех миновать, которые нам, по соизволению Твоему дух злой расставляет.

Слабы избегнуть злополучия того, к которое легкомыслие наше ввергнуть может.

Лишь Твоя безгранична мудрость.

И кого пожелаешь, того от напасти всякой сохранишь.

Потому и я, раба Твоя, Отче милосердный, в печали моей себя предаю в руки Твои и молю о том, чтобы посмотрел Ты милосердия оком на меня и от страдания всякого сохранил.

Пошли нам, мужу моему милому и мне отраду, радости всякой Владыка.

Чтобы при виде благословения Твоего мы Тебе поклонялись от сердца всего и духом радостным служили.

Не хочу я изятой быть из того, что Тобой на весь наш род наложено было, повелевая чада рождать в болезнях.

Но Тебя прошу смиренно, чтобы страдания Ты перенести мне помог и исход благополучный послал.

И если услышишь Ты молитву эту нашу, а нам дитя хорошее и здоровое пошлешь, к Тебе его привести снова клянемся, и Тебе посвятить, чтобы для семени нашего и нас пребыл Ты Отцом и Богом милосердным,

так и мы вместе с ребенком нашим клянемся слугами верными тебе быть всегда.

Милосердный Боже, рабы Твоей молитву услыши, сердца нашего мольбу исполни, ради спасителя нашего Иисуса Христа, воплотившегося ради нас и в вечности правящего.

Аминь!

Молитва о здравии плода Матроне Московской

О, блаженная мати Матрона, к твоему предстательству прибегаем и тебе слезно молим.

Яко имущую велие дерзновение по Господу, пролей теплую молитву о рабех твоих, в скорбе дущевней пребывающих и помощи от тебе просящих.

Истинно бо слово Господне: просите и дается вам и паки:

яко аще два от вас совещаете, на землю о всякой вещи, еяже аще просита, будет има от Отца Моего, иже на Небесех.

Услыши убовоздыхания наша и донеси ко престолу Владычню, и деже ты предстоиши всмы, яко много может пред Богом молитва праведника.

Да не до конца забудет нас Господь, но призрит с высоты небесныя на скорбь рабов Своих и плод чрева на полезное дарует.

Воистину, Богидете хощет, тако сотвори Господь Аврааму и Сарре, Захарии и Елисавете, Иоакиму и Анне, с ним же моли.

Тако да сотворит Господь Бог и нам по милости своей и неизреченному человеколюбию.

Буди имя Господнее благословенно от ныне и до века.

Аминь.

Молитва о здравии плода Пресвятой Богородице

О Пресвятая Дево, Всеблагаго Сына Мати Всеблагая, града и святаго храма сего Покровительнице, всех сущих во гресех, скорбех, бедах и болезнех верная Предстательнице и Заступнице!

Приими молебное пение сие от нас, недостойных раб Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси,

но даровала еси ему нечаянную радость покаяния и преклонила еси Сына Твоего многим и усердным к Нему ходатайством к прощению сего грешнаго и заблудшагося, тако и ныне не презри моления нас,

недостойных рабов Твоих, и умоли Сына Твоего и Бога нашего, да и всем нам, с верою и умилением поклоняющимся пред цельбоносным образом Твоим, дарует нечаянную по коегождо потребе радость:

грешником, погрязшим во глубине зол и страстей, – вседейственное вразумление, покаяние и спасение;

сущим в скорбех и печалех – утешение;

обретающимся в бедах и озлоблениих – совершенное сих избытие;

малодушным и ненадежным – надежду и терпение;

в радости и изобилии живущим – непрестанное Благодетелю Богу благодарение;

бедствующим – милосердие;

сущим в болезни и долгонедужии и оставленным врачами – нечаемое исцеление и укрепление;

иждившим от недуга ум – ума возвращение и обновление;

отходящим в вечную и нескончаемую жизнь – память смертную, умиление и сокрушение о гресех, дух бодр и твердую на милосердие Судии надежду.

О Госпоже Пресвятая!

Умилосердися о всех чтущих всечестное Имя Твое и всем яви всемощный покров Твой и заступление: во благочестии, чистоте и честнем жительстве пребывающия до скончания их во благости соблюди;

злыя благи сотвори;

заблуждшия на путь правый настави;

всякому делу благому и Сыну Твоему угодному споспешествуй;

всякое дело злое и богопротивное разруши;

в недоумении и трудных и опасных обстояниих обретающимся незримую помощь и вразумление с Небесе ниспосли, от искушений, соблазнов и погибели спаси, от всех злых человек и от врагов видимых и невидимых защити и сохрани;

плавающим сплавай, путешествующим спутешествуй;

сущим в нужде и гладе буди Питательница;

не имущим крова и пристанища буди покров и прибежище;

нагим подаждь одеяние, обидимым и неправедно гонимым – заступление;

клевету, поношение и хуление терпящия незримо оправдай;

клеветники и хулители пред всеми обличи;

ожесточенно враждующим нечаемое подаждь примирение и всем нам – друг ко другу любовь, мир, и благочестие, и здравие с долгоденствием.

Супружества в любви и единомыслии сохрани;

супруги, во вражде и разделении сущия, умири, соедини я друг ко другу и положи им союз любве неразрушимый;

матерем детородящим скорое подаждь разрешение, младенцы воспитай, юныя уцеломудри, отверзи им ум к восприятию всякаго полезнаго учения, страху Божию, воздержанию и трудолюбию настави;

от домашния брани и вражды единокровныя миром и любовию огради;

безматерних сирот буди Матерь, от всякаго порока и скверны отврати я и всему благому и богоугодному научи;

прельщенныя же и во грех и нечистоту впадшия, скверну греха отъявши, из бездны погибели изведи;

вдов буди Утешительница и Помощница, старости буди жезл;

от внезапныя смерти без покаяния всех нас избави и всем нам христианскую кончину живота нашего, безболезненну, непостыдну, мирну и добрый ответ на Страшнем Судищи Христове даруй.

Преставльшияся в вере и покаянии от жития сего со Ангелы и всеми святыми жити сотвори;

скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица:

да вси на Небеси и на земли ведят Тя, яко твердую и непостыдную Предстательницу рода христианскаго, и, ведуще, славят Тя и Тобою Сына Твоего, о Безначальным Его Отцем и Единосущным Его Духом, ныне и присно и во веки веков.

Аминь.

Молитва о здравии ребенка в утробе перед иконой Богородицы «Феодоровская»

К кому воззову, Владычице; к кому прибегну в печали моей;

к кому при­внесу слезы и воздыхания моя, аще не к Тебе, Царице Небесе и земли.

Кто исторгнет мя из тины грехов и безза­коний, аще не Ты, о Мати Живота, Заступнице и Прибежище рода человеческаго.

Услыши стенание мое, утеши мя и помилуй в горести моей, защити в бедах и напастех, избави от озлоб­лении и скорбей и всяких недугов и болезней,

от враг видимых и неви­димых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя.

Укрый мя под сению милости Твоя, да обрящу покой и радость и от грехов очищение.

Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница.

О, чудная Владычице!

Всяк притекаяй к Тебе, без Твоея всесильныя помощи не отходит:

сего ради и аз недостойный к Тебе прибегаю, да из­бавлен буду от внезапныя и лютыя смерти, скрежета зубнаго и вечнаго мучения.

Небесное же Царствие получити сподоблюся и Тебе во умилении сердца реку:

радуйся, Мати Божия, Предстательнице и Заступнице наша усердная, во веки веков.

Аминь.

Молитва за плод в утробе Казанской Божьей Матери

О, Пресвятая Владычице Богородице, Царице Небеси и земли, вышшая ангел и архангел и всея твари честнейшая, чистая Дево Марие, миру благая Помощнице, и всем людем утверждение, и во всяких нуждах избавление!

Призри и ныне, Госпоже Всемилостивая, на рабы Твоя, Тебе умиленною душею и сокрушенным сердцем молящияся, со слезами к Тебе припадающия и покланяющияся пречистому и цельбоносному образу Твоему, и помощи и заступления Твоего просящия.

О, Всемилостивая и Премилосердая Дево Богородице Чистая!

Воззри, Госпоже, на люди Твоя:

мы бо грешнии не имамы иныя помощи, разве Тебе и от Тебе рождшагося Христа Бога нашего.

Ты еси заступница и предстательница наша.

Ты еси обидимых защищение, скорбящим радование, сирым прибежище, вдовам хранительница, девам слава, плачущим веселие, больным посещение, немощным исцеление, грешным спасение.

Сего ради, о Богомати, к Тебе прибегаем, и на Твой Пречистый образ с Предвечным на руку Твоею держимым Младенцем, Господем нашим Иисусом Христом взирающе, умиленное пение Тебе приносим и вопием:

помилуй нас, Мати Божия, и прошение наше исполни, вся бо суть возможна ходатайству Твоему, яко Тебе слава подобает ныне и присно и во веки веков.

Аминь.

Вторая молитва Казанской Божьей Матери за ребенка в утробе матери

О, Пресвятая Госпоже Владычице Богородице!

Со страхом, верою и любовию припадающе пред честною иконою Твоею, молим Тя: не отврати лица Твоего от прибегающих к Тебе.

Умоли, милосердая Мати, Сына Твоего и Бога нашего, Господа Иисуса Христа, да сохранит мирно страну нашу, Церковь Свою святую да незыблему соблюдет от неверия, ересей и раскола.

Не имамы бо иныя помощи, не имамы иныя надежды, разве Тебе, Пречистая Дево, Ты еси всесильная христиан Помощница и заступница.

Избави всех, с верою Тебе молящихся, от падений греховных, от навета злых человек, от всяких искушений, скорбей, бед и от напрасныя смерти.

Даруй нам дух сокрушения, смирение сердца, чистоту помышлений исправление греховныя жизни и оставление прегрешений, да вси благодарне воспевающе величия Твоя, сподобимся Небеснаго Царствия, и тамо со всеми святыми прославим Пречестное и Великолепое имя Отца и Сына и Святаго Духа.

Аминь.

Первая молитва перед иконой Богородицы «Иверская» о здравии плода

О Пресвятая Дево, Мати Гос­пода, Царице Небесе и земли!

Вонми многоболезненному воз­дыханию душ наших призри с высоты святыя Твоея на нас, с верою и любовию поклоняющих­ся пречистому образу Твоему.

Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная мо­ления наша.

Не имамы бо ни иныя помощи, ни инаго предстательства, ни утешения, токмо Те­бе, о, Мати, всех скорбящих и обремененных!

Помози нам, не­мощным, утоли скорбь нашу, настави на путь правый нас, заблуждающих, уврачуй и спаси безнадежных,

даруй нам прочее время живота нашего в мире и тишине проводити, подаждь хри­стианскую кончину и на Страшнем Суде Сына Твоего явися нам милосердая Заступница, да всегда поем, величаем и славим Тя,

яко благую Заступницу рода христианскаго, со всеми угодившими Богу.

Аминь.

Вторая молитва перед иконой Богородицы «Иверская» за ребенка в утробе

О Пресвятая Госпоже Владычице Богоро­дице, приими недостойную молитву на­шу, и сохрани нас от навета злых человек и от напрасныя смерти, и даруй нам прежде кон­ца покаяние, на моление наше умилосердися, и радость в печали место даруй.

И избави нас, Госпоже, от всякия беды и напасти, скорби и печали и от всякаго зла.

И сподоби нас, греш­ных рабов Твоих, одесную стати во втором пришествии Сына Твоего, Христа Бога наше­го, и наследники нас быти сподоби Царствия Небеснаго и жизни вечныя, со всеми святыми в бесконечные веки веков.

Аминь.

Молитва перед иконой Богородицы «Скоропослушница» за дитя в утробе

Преблагословенная Владычице, Приснодево Богородице, Бога Слова паче всякаго слова на спасение наше рождшая, и бла­годать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим!

Чудотворному Тво­ему образу припадающе, молимся Тебе, всещедрей Матери Человеколюбиваго Владыки:

удиви на нас пребогатыя милости Твоя, и прошения наша, приносимая Тебе, Скоропослушнице, ускори исполнити, все, еже на пользу во утешение и спасение коемуждо устрояющи.

Посети, Преблагая, рабы Твоя благодатию Твоею, подаждь недугующим цельбу и совершенное здравие, обуревае­мым тишину, плененным свободу и различными образы стражду­щих утеши,

избави, всемилости­вая Госпоже, всяк град и страну от глада, язвы, труса, потопа, огня, меча и иныя казни временныя и вечныя, Матерним Твоим дерзновением отвращающи гнев Божий:

и душевнаго разслабления, обуревания страстей и гре­хопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Емуже подобает всякая слава, честь и поклонение, со Безначальным Его Отцем и Пресвятым Духом, ныне и присно, и во веки веков.

Аминь.

Вторая молитва перед иконой Богородицы «Скоропослушница» за ребенка во чреве

О, Пресвятая Дево, Мати Господа Вышняго, Скоропослушная Заступнице всех, к Тебе с верою прибегающих!

Призри с высоты небеснаго вели­чия Своего на мене непотребнаго, припадающаго к иконе Твоей, услыши скоро смиренную молитву мене грешнаго и принеси ю к Сыну Своему:

умоли Его, да озарит мрачную душу мою светом Божественныя благодати Своея и очистит ум мой от помыслов суетных, да успокоит страждущее мое сердце и исцелит раны его,

да вразу­мит мя на добрая дела и укрепит работати Ему со страхом, да простит вся содеянная мною злая, да избавит вечныя муки и не лишит небеснаго Своего Царствия.

О Преблагословенная Богородице:

Ты благоизволила еси нарещися во образе Своем Скоропослушница, повелевающи всем притекати к Тебе с верою:

не призри убо мене скорбнаго и не попусти погибнути мне в бездне грехов моих.

На Тя по Бозе все мое упование и надежда спасения, и Тво­ему покрову и предстательству пору­чаю себе во веки.

Аминь.

Молитва перед иконой «Рождество Пресвятой Богородицы» о здравии плода

О, Пресвятая Владычице, Христа Спасителя нашего Богоизбранная Мати, у Бога святыми молитвами испрошенная, Богу посвященная и Богом возлюбленная!

Кто Тебе не уб­лажит или кто не воспоет, Твоего преславного рождества. Рождество бо Твое бысть началом спасения человеков, и мы, седящии во тме согреше­ний, зрим Тя, Неприступного Света жилище.

Сего ради витийствующий язык не может песнословити Тя по достоянию.

Паче бо серафим возвы­силась еси, Пречистая.

Обаче приими от недостойных раб Твоих нынешнее похваление и не отрини мольбы нашея.

Твое величие исповедуем, Тебе во умилении припадаем и скорую в заступлении чадолюбивую и благоусердную Матерь дерзновенно про­сим:

умоли Сына Твоего и Бога наше­го даровати нам, много согрешающим, искреннее покаяние и благочестное житие, да возможем творити вся Богу угодная и душам нашим полезная.

Возненавидим вся злая, укрепляемии Божественною благодатию во благом произволении нашем.

Ты не­постыдная надежда наша в час смерти, даруй нам христианскую кончину, без­бедное шествие на страшных мытарст­вах воздушных и наследие вечных и неизреченных благ Царствия Небеснаго,

да со всеми святыми немолчно исповедуем Твое о нас заступление и да славим единаго Истиннаго Бога, во Святей Троице покланяемаго, Отца и Сына и Святаго Духа.

Аминь.

Вторая молитва перед иконой «Рождество Пресвятой Богородицы» за плод

Преблагословенная Дево Марие, Царице небесе и земли, Твоему чудо­творному образу припадающе, уми­ленно глаголем:

призри милостиво на рабы Твоя и Твоим всесильным хода­тайством ниспосли коемуждо потреб­ная.

Вся верныя чада Святыя Церкви спаси, неверныя обрати, заблуждших на путь правый настави, старость и слабость сил поддержи, юных в вере святой возрасти,

мужество ко благу направи, грешников к покаянию при­веди и всех христиан мольбы услыши, болящих уврачуй, скорби утоли, путешествующим спутешествуй.

Ты веси, Всемилостивая, яко немощны, яко грешнии, яко озлобляеми и недостойни прощения Божия, обаче буди нам в помощь, да ни коим грехом самолю­бия, соблазна и диавольского прельще­ния прогневляем Бога:

Тя имамы Предстательницу, Иже не отринет Господь.

Аще бо восхощеши, вся даровати нам можеши яко благодатный источник, верно поющим Ти и превозносящим преславное Твое рождество.

Избави, Владычице, грехопадений и бед всех, благочестно призывающих святое имя Твое и покланяющихся честному образу Твоему.

Ты бо мо­литвами беззакония наша туне очищаеши, темже Тебе припадаем и паки вопием: отжени от нас всякаго врага и супостата, всякия напасти и губительнаго неверия;

молитвами Твои­ми, подающи дожди благовременны и земле обильное плодоносие, вложи в сердца наша страх Божественный ко исполнению заповедей Господних,

да вси тихо и мирно поживем во спасе­ние душ наших, во благо ближних и во славу Господа, Ему бо, яко Твор­цу, Промыслителю и Спасителю на­шему всякая подобает слава, честь и поклонение, ныне и присно и во веки веков.

Аминь.

Третья молитва перед иконой «Рождество Пресвятой Богородицы» за здравие плода

О, Пречистая и Преблагословенная Дево, Владычице Богородице, от неплодове по обе­тованию рождшаяся и чистоты ради души и тела Твоего сподобльшаяся быти Материю Сына Божия, Господа нашего Иисуса Хри­ста,

с Нимже ныне на небеси пребывавши и имаши велие дерзновение ко Пресвятой Тро­ице, от Неяже, яко Царица, венцем вечнаго царствования увенчана еси.

Темже смиренно к Тебе прибегаем и просим:

исходатайствуй нам у Всемилостиваго Господа Бога прощение всех прегрешений наших вольных и невольных;

страждущему отечеству нашему спасения, мира, тишины и благочестия возстановление, времена мирны и безмятежны, крамол злых непричастны;

ко изобилию же плодов земных, воздуха благорастворения, дожди мирны и благовременны.

И вся, яже к житию и спасению нашему потребная, испроси нам у Сына Твоего, Христа Бога нашего.

Наипаче же благопоспеши нам украситися благими нравы и добрыми делы, да, елико мощно, подражатели будем святому Твоему житию, имже от юности на земли украшалася еси, благоугождающи Господу;

сего ради явилася еси честнейшая Херувим и славнейшая Серафим.

Ей, Гос­поже Пресвятая, буди нам во всем скорая Помощница и премудрая ко спасению Нас­тавница, да Тебе последствующи и Тобою воспомоществуеми,

сподобимся наследницы быти Небеснаго Царствия, страданиями Сы­на Твоего исходатай-ственнаго, исполните­лям же святых заповедей Его обещаннаго.

Ты бо еси, Госпоже, едина наша по Бозе надежда и упование, и Тебе весь живот наш предаем, чающе Твоего ради ходатайства и заступления не посрамлены быти в час исхода нашего от жития сего,

и на Страшном Суде Сына Твоего, Христа Бога нашего деснаго Его стояния сподобитися, и тамо вечно радоватися со всеми от века Ему благоугодившими и немолчно славити, хвалити, благодарити и благословляти Его со Отцем и Духом во веки веков.

Аминь.