Молитвы Сергию Радонежскому о здравии и исцелении

Молитва первая


О, дивный Сергий Радонежский, Пресвятой и истинный Чудотворец всея Руси!

Молитва твоя укрепляла Воинства в брани и рождала источники живоносные, исходящие их чрева Матери – Земли, укрепи и мой Дух и Внутренния Воины, кои есть Господа Иисуса Присутствие и Присутствие Господа,

молитвами чудотворными ко исполнению Бога во всем существе моем и исторгни всю неправду, когда-либо мною творимую и запечатленную немощами, болезнями, и страданиями проживаемыми из Души и тела моего.

Уповаю на тебя, Преподобный, не гнушайся меня, и помяни в молитвах своих, соверши чудо исцеления истинного во Славу Отца нашего Небесного и Матери Вечной Всемилостивой, во благо сокровенной и божественной сущности моей.

Аминь и Аминь.

Молитва вторая


О Небеснаго гражданине Иерусалима, преподобне отче Сергие!

Воззри на нас милостиво и к земли приверженных возведи к высоте Небесней.

Ты горе на Небеси;

мы, на земли низу, удалены от тебе не толико местом, елико грехами своими и беззакониями;

но к тебе, яко нам сродному, прибегаем и взываем: настави нас ходити путем твоим, вразуми и руководствуй.

Свойственно есть тебе, отче наш, благоутробие и человеколюбие:

на земли живущу, не о своем токмо спасении бысть тебе попечение, но и о всех к тебе притекающих.

Наставления твоя быша тростию книжника скорописца, на сердце каждаго глаголы жизни начертавающаго.

Не телесныя токмо врачевал еси болезни, но паче душевных врач изящный явился еси;

и вся твоя святая жизнь бысть зерцалом всякия добродетели.

Аще толик был еси, святче Божий, на земли, колик ныне еси, на Небеси!

Ты днесь предстоиши Престолу Света Неприступнаго и в нем, яко в зерцале, зриши вся наша нужды и прошения;

ты водворяешися вкупе со Ангелы, о едином грешнице кающемся радующимися.

И человеколюбие Божие есть неистощимо, и твое к Нему дерзновение много, не престани о нас вопия ко Господу.

Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь.

К прочтению:  Какой силой обладают короткие православные молитвы

Не посрами нас, к тебе с верою притекающих.

Аще бо и недостойни есмы толикаго отца и ходатая, но ты, быв подражатель человеколюбия Божия, сотвори нас достойны чрез обращение от злых дел к благому житию.

Вся богопросвещенная Россия, твоими чудесы исполненная и милостями облагодетельствованная, исповедует тя быти своего покровителя и заступника.

Яви древния милости твоя и ихже отцем спомоществовал еси, не отрини и нас, чад их, стопами их к тебе шествующих.

Веруем, яко духом нам соприсутствуеши.

Идеже бо есть Господь, якоже слово Его учит нас, тамо и слуга Его будет.

Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси.

Се нетленныя и живоносныя твоя мощи, яко сокровище безценное, вручи нам чудес Бог.

Предстояще им, яко тебе живу сушу, припадаем и молимся:

приими моления наша и вознеси их на жертвенник благоутробия Божия, да приимем тобою благодать и благовременну в нуждах наших помощь.

Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими.

Паству же твою духовную, тобою собранную, не престани управляти жезлом духовныя мудрости:

подвизающимся помози, разслабленных возстави, споспеши иго Христово нести во благодушии и терпении и всех нас управи в мире и покаянии скончати живот наш и преселитися со упованием в блаженная недра Авраамова,

идеже ты радостно по трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа.

Аминь.

Оцените статью
Православный религиозный информационный сайт на все случаи жизни