Молитвы Симону Зилоту (Кананиту)

К святому апостолу Симону обращаются с молитвой за помощью в сохранении согласия между мужем и женой, о благополучии семьи.

Текст молитвы

Святый славный и всехвальный апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленнаго, претворения воды в вино!

Молим тя с верою и любовию:

умоли Христа Господа претворити души наша из грехолюбивых в боголюбивыя;

сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего;

да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися.

Ей, апостоле Спасов!

Не посрами нас, крепце на тя уповающих, но буди вам помощник и покровитель во всем житии нашем и помози нам благочестно и богоугодно житие сие временное скончати,

благую и мирную христианскую кончину получити и добраго ответа сподобитися на Страшнем Суде Христове;

да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков.

Аминь.

К прочтению:  Молитва «Отче наш» на армянском языке
Оцените статью
Православный религиозный информационный сайт на все случаи жизни