История празднования Рождествя Пресвятой Богородицы и 6 текстов молитв

День рождения Девы Марии – светлый и любимый православными праздник, первый в церковном году. Христиане всего мира чтят святую, которая привела в мир Спасителя, родила Христа. Чистая непорочная Дева стала матерью и заступницей всех людей, молит Господа за своих детей. День Рождества Пресвятой Владычицы нашей Богородицы и Приснодевы Марии входит в число двенадцати главных христианских праздников.

День празднования Рождества Пресвятой Богородицы

По православной традиции, день появления на свет Матери Спасителя отмечают 21 (8) сентября. С сентября начинается новый церковный год. И первое торжество, которое пышно отмечают все христиане, – Рождество Богородицы.

История не сохранила точной даты и года рождения Святой Девы, считается, что Мария появилась на свет примерно за двадцать лет до начала отсчета новой эры. Христианская эпоха начинается с Рождества Христова, но рождение Богородицы – часть Божественного промысла по приходу в мир Спасителя.

Католический мир празднует Рождение Девы Марии 8 сентября, в эту же дату проходят торжества в сирийской церкви.

История и значение праздника

Особое почитание Богородицы церковью и верующими началось довольно поздно, в месяцесловах 5 века нет отметок ни об одной дате, посвященной Пречистой Деве. Долгие годы церковь отмечала только события земной жизни Христа.

Считается, что традиция отмечать Рождество Богородицы сложилась в греческой церкви в начале 6 века, затем распространилась по всему христианскому миру. В латинских церковных документах 7 века можно найти сведения о дне рождения Богородицы, но торжественных богослужений в храмах не проводилось. Только в 12-13 веках папы утвердили обязательные литургии, посты и бдения в честь Девы Марии.

Между тем, именно рождение Богородицы дало человечеству надежду на Спасение и подготовило обещанный Ветхим Заветом приход Мессии. В Новом Завете мать Христа только упоминается, сведений о ее жизни очень немного. Узнать о земном пути Пречистой Девы удалось только из Протоевангелия Иакова, созданного во 2 веке, и некоторых церковных преданий.

Мария родилась в семье людей богатых и знатных, но скромных и религиозных. Иоаким и Анна не кичились богатством, отличались благочестием, соблюдали Божьи заповеди. Род отца восходит к царю Давиду, Анна – из семьи священников.

Жизнь супругов была омрачена отсутствием детей, что считалось в Иудее не только несчастьем, но и знаком особой немилости Божьей. Пожилые супруги неустанно молили Всевышнего о рождении ребенка и почти потеряли надежду, так как были немолоды.

Однажды, придя с подношением в храм, Иоаким услышал от священника жестокие слова о том, что он не достоин приносить дары, ведь Господь лишил его милости, не дал потомства. В горе и печали мужчина удалился в пустыню. Иоаким не роптал, смиренно возносил молитву.

Анна, узнав о случившемся в храме, горевала и молилась в одиночестве. Женщина считала себя виновной в отсутствии детей. Супруги не отчаивались, не проклинали несчастную долю, продолжали надеяться на чудо.

Явление ангела

И Господь явил чудо. Спустившийся с небес ангел, посланник Божий, возвестил супругам, что их молитвы услышаны, желанное зачатие скоро свершится. Ангел поведал, что у них родится девочка, которая будет благословенна выше других дочерей, и наречь ее следует Марией.

Счастливый Иоаким поблагодарил вестника Божьего и побежал обрадовать супругу.

Они встретились у ворот Иерусалима, в слезах обнялись и дали клятву – отдать родившегося ребенка Господу, отправить на воспитание в храм.

Анна зачала, а спустя положенный срок у нее родилась девочка, которую назвали Марией. Местом рождения Богородицы считают Иерусалим, хотя, по мнению Димитрия Ростовского, которого придерживается и Русская Православная церковь, Мария появилась на свет в Назарете.

Счастливая весть, явленная родителям Богородицы, принесла надежду и счастье всем людям. Господь избрал для рождения Матери Христа самых достойных: Иоаким и Анна – потомки славных родов, сами отличались чистотой, преданным служением Господу, смирением и благочестием.

Тексты православных молитв на этот день

Молитвы в честь замечательного праздника – дня Рождения Богородицы – отличаются особой торжественностью, красотой и нежностью. Деву Марию славят во всех православных храмах, отмечая ее неземную чистоту, именуя «чест­ней­шая хе­ру­вим».

Тропарь

Рождение твое, Богородица Дева, возвестило радость всей вселенной: потому что из Тебя воссияло Солнце Правды — Христос Бог наш, и, разрушив проклятие, дал благословение, и, уничтожив смерть, даровал нам жизнь вечную.

Кондак

Иоаким и Анна поношения безчадства и Адам и Ева от тли смертныя свободистася, Пречистая во святем рождестве Твоем. То празднуют и людие Твои, вины прегрешений избавльшеся, внегда звати ти: неплоды раждает Богородицу, и питательницу жизни нашея.

Величание

Величаем Тя, Пресвятая Дево, и чтим святых Твоих родителей, и всеславное славим рождество Твое.

Канон

Песнь 1 Глас 2

Ирмос: Грядите людие, поим песнь Христу Богу, раздельшему море, и наставльшему люди, яже изведе из работы египетския, яко прославися.

Грядите вернии, Духом Божественным радующеся, Иже от неплодове днесь пришедшую, человеков на спасение, Приснодеву Отроковицу песньми почтим.

Радуйся Чистая, Мати и рабо Христа Бога, Яже Первому Ходатаица блаженству, человеческий род Тя, вси достойно песньми славим.

Жизни раждается днесь Мост, Имже человецы воззвание падения еже от ада обретшии, Христа Жизнодавца песньми прославляют.

Песнь 3

Ирмос: Утверди нас в Тебе, Господи, древом умерщвлей грех, и страх Твой всади в сердца нас поющих Тя.

Непорочно Богу пожившии, всех родисте Спасение, Богомудрии родителе, Зиждителя Рождшия и Бога нашего.

Всем жизнь источаяй Господь, от неплодове произведе Деву, в Нюже вселитися изволи, и по Рождестве сохранив нетленну.

Аннин плод, Марию, днесь, Грозд рождшую живоносный, яко Богородицу воспоим, Предстательницу же всех и Помощницу.

Седален, глас 4

Дева Мариа и Богородица истинно, яко облак света днесь возсия нам, и от праведных предгрядет в славу нашу. Не ктому Адам осуждается, и Ева от уз свободися, и сего ради зовем вопиюще со дерзновением Единей Чистей: радость возвещает Рождество Твое всей вселенней.

Песнь 4

Ирмос: Услышах Господи, слух Твоего смотрения, и прославих Тя, Едине Человеколюбче.

Воспеваем Тя Господи, верным спасительное Пристанище подавшаго всем, Тебе Рождшую.

Тя Богоневесто, похвалу всем Христос яви и державу, поющим верно Твое таинство.

Неискусобрачная Владычице, Твоими молитвами избавляеми прегрешений, благоразумно вси Тя ублажаем.

Песнь 5

Ирмос: Сеннописанный мрак гаданий разорив, и верных прибытием истины, Богоотроковицею озарив сердца, и нас светом Твоим Христе, настави.

Воспоим людие всех Вину, сущаго по нам быти Виновнаго: Еяже образу радовахуся сподобляеми пророцы, явленное спасение от Тоя плодяще.

От суха прозябение жезла иереева, Израилю показа проразсуждение: и ныне светлость прозябших преславно светит, от неплодове всеславное Рождение.

Песнь 6

Ирмос: Ко Господу от кита Иона возопи: Ты мя возведи из глубины ада, молюся, да яко Избавителю, во гласе хваления, истины же духом пожру Тебе.

Ко Господу в скорби неплодства возопиша, Богоматере Богомудрии родители, и Сию в роды родов родиша, на общее спасение и похвалу.

Прияша небесный Дар от Бога достоин, Богоматере Богомудрии родители, самех Херувимов превышшее Носило, Слова и Зиждителя Родительницу.

Кондак, глас 4

Иоаким и Анна поношения безчадства, и Адам и Ева от тли смертныя свободистася, Пречистая, во святем Рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.

Икос

Молитва купно и воздыхание, неплодства и безчадства, Иоакима же и Анны благоприятное, и во уши Господни вниде, и прозябе Плод живоносен миру. Ов бо молитву на горе творяше: ова же в саде поношение ношаше: но с радостию неплоды раждает Богородицу, и Питательницу жизни нашея.

Песнь 7

Ирмос: Купина в горе огненеопальная, и росоносная пещь халдейская, яве предписа Тя, Богоневесто, Божественный бо Невещественный в вещественнем чреве, Огнь неопально прияла еси. Темже из Тебе Рождшемуся поем: благословен еси Боже отец наших.

Твое в вещественных явлениих законоположник возбранися разумети, и великое, Пречистая, таинство, не мудрствовати земноревностная образно наказуемь иногда. Темже удивлься чудеси, глаголаше: благословен Бог отец наших.

Гору и Дверь небесную, и мысленную Тя Лествицу Боголепно лик Божественный пронарече: от Тебе бо Камень отсечеся не руками мужескими, и Дверь Еюже пройде Господь, Иже чудес Бог отец наших.

Песнь 8

Ирмос: В пещи отрочестей прообразил еси иногда Твою Матерь Господи, образ же Сия из огня изымаше, неопально входящия. Юже поем явльшуюся Тобою концем днесь, и превозносим во вся веки.

Яже к Богу нашего примирения, предопределенная Скиния, еже быти ныне начинает, имущи родити Слова, нам дебельством плоти явльшася. Егоже поем, из не сущих во еже быти Тем приемшии, и превозносим во вся веки.

Неплодства преложение, мирское благих разреши неплодство, и ясно чудо Христа показа, к земным пришедша Егоже поем, из не сущих во еже быти Тем приемшии, и превозносим во вся веки.

Песнь 9

Ирмос: Яже прежде Солнца Светильника Бога возсиявшаго, плотски к нам пришедшаго, из боку Девичу, неизреченно воплотившая, Благословенная Всечистая, Тя Богородице величаем.

Иже непокоривым людем из камене источив воду, благопокоривым же языком дарует от чресл неплодных Плод на веселие нам Тя, Богомати Пречистая, Юже достойно величаем.

Напраснаго древняго отъятельницу осуждения и праматере исправление: юже рода к Богу выну присвоения, к Зиждителю Мост, Тя Богородице величаем.

Светилен

От неплодныя днесь Анны Цвет произыде Богородица, вся благовония Божественнаго исполняющи концы мира, и радости всю наполняющи тварь: Юже поюще достойно восхваляем, яко сущу земнородных Превышшую.

Канон Рождеству Пресвятой Богородицы (2-й)

Песнь 1 Глас 8

Ирмос: Сокрушившему брани мышцею Своею, и проведшему Израиля сквозе Чермное море, поим Ему, яко Избавителю нашему Богу: яко прославися.

Да ликовствует вся тварь, да веселится же и Давид: яко от колена и от семене его произыде Жезл, Цвет носящи Господа, Творца всяческих.

Святая святых, во святем святилищи Младенец возлагается воспитатися от руки ангеловы: вси убо верно спразднуим в Рождестве Ея.

Неплоды нераждающая Анна, но не безчадна Богу: се бо пронаречеся от родов Чистая Дева Мати. Темже естества израсти Зиждителя в рабии образе.

Тя незлобивую Агницу, Агнца Христа, Младенца от чрева Твоего приведшую в наше существо, вси, от Анны рожденную Тя, песньми почитаем.

Троичен: Три Безначальна славлю, Три Свята пою, Три Соприсносущна в Существе Едином проповедую: Един бо во Отце, и Сыне, и Дусе, славословится Бог.

К прочтению:  Тексты молитв святой мученице Анне Кашинской и о чем просят

Богородичен: Кто виде Отроча, Егоже не всея Отец, млеком питаемое; или где видена бысть Дева Мати; истинно паче ума обоя, Богородительнице Чистая.

Песнь 3

Ирмос: Утвердися сердце мое во Господе, вознесеся рог мой в Бозе моем, разширишася на враги моя уста моя, возвеселихся о спасении Твоем.

Воспитавшися во Святая святых, Дево Пречистая Богородице, вышши явилася еси твари, Зиждителя плотию порождши.

Благословено чрево Твое, целомудренная Анно, Плод бо израстила еси девства, Юже безсеменно Питателя твари Рождшую и Избавителя Иисуса.

Тя блажит, Приснодево, вся тварь, от Анны днесь рождшуюся, от корене Иессеева Жезл Пречист Цвет, Христа израстившую.

Тя вышшую всея твари Богородице, показуя Чистая, Сын Твой, еже от Анны величит Твое Рождество, и всех веселит днесь.

Троичен: Тебе покланяемся, Отче, Безначальне Существом, поем Безлетнаго Сына Твоего, и чтем Соприсносущнаго Духа Твоего, яко Единаго Трое естеством Бога.

Богородичен: Светодавца и Начальника жизни человеческия, рождшая Чистая Богородице, явилася еси Сокровище жизни нашея, и Дверь неприступнаго Света.

Седален, глас 4

Дева Мариа и Богородица истинно, яко облак света днесь возсия нам, и от праведных предгрядет в славу нашу. Не ктому Адам осуждается, и Ева от уз свободися, и сего ради зовем вопиюще со дерзновением Единей Чистей: радость возвещает Рождество Твое всей вселенней.

Песнь 4

Ирмос: Пророк Аввакум, умныма очима провиде Господи, Пришествие Твое, тем и вопияше: от юга приидет Бог. Слава силе Твоей, слава снизхождению Твоему.

Патриарх Иаков, провидев, Спасе, величия ясно строения Твоего, вопияше Духом, ко Иуде глаголя тайно: от леторасли возшел еси Сыне мой, возвещая Тя от Девы Бога.

Ныне Жезл Ааронов, от корене Давидова прозябший, ныне Дева Чистая происходит: и сликовствует небо и земля, и вся отечествия языков, и Анна и Иоаким таинственно.

Ныне да веселится небо, да радуется же земля, и да ликуют Иоаким и Давид. Ов убо яко родитель Твой, истинно Рождшия Бога: ов же яко праотец Твой, проповедая Твоя величествия, Чистая.

Срадуется Тебе днесь, богомудренная Анно, вселенная: Избавителя бо тоя Матерь процвела еси, Юже от корене прозябшую Давидова, Жезл Силы нам носящую Цвет, Христа.

Троичен: Славлю Безначальна Бога, Отца и Сына и Святаго Духа, Единосущную Троицу Несозданную, Ейже предстоят Серафими благоговейно, зовуще: Свят, Свят, Свят еси Боже.

Богородичен: Пребезначальное Начало начало приемлет из Тебе, Богородительнице, плотским временем, и пребывает собезначально, и воплощся Слово Отчее, и Духу соприсносущное, сохраняя Божественное достоинство.

Песнь 5

Ирмос: Господи Боже наш, мир даждь нам, Господи Боже наш, стяжи ны, Господи, разве Тебе иного не вемы, Имя Твое именуем.

Пречистое Твое Рождество, Дево Непорочная, несказанное, и зачатие неизглаголанно и рождение Твое, Невесто Неневестная: Бог бо бе весь в мя облекийся.

Днесь да веселятся ангельстии чини, песньми да ликуют сущии из Адама: родися бо Жезл, Цвет возрастивший Христа Единаго, Избавителя нашего.

Днесь Ева разрешается осуждения, разрешается же и неплодство, и Адам древния клятвы, о Рождестве Твоем: Тобою бо от тли избавихомся.

Слава Тебе прославльшему неплодную днесь: родися бо Жезл присноцветущий от обещания, от Негоже прозябе Христос, Цвет жизни нашея.

Троичен: Слава Тебе, Отче Святый, Боже Нерожденне: слава Тебе, Сыне Безлетне, Единородне: слава Тебе, Душе Божественный и Сопрестольный, от Отца происходяй, и в Сыне пребываяй.

Богородичен: Бысть чрево Твое Солнца носило: пребысть чистота Твоя якоже прежде невредима, Дево: Христос бо Солнце, яко от чертога Жених, явися из Тебе.

Песнь 6

Ирмос: Яко воды морския, Человеколюбче, волнами житейскими обуреваюся, темже яко Иона, тако вопию Ти: возведи от тли живот мой, блатоутробне Господи.

Святую святых сущу, целомудреннии родители Твои, Чистая, возложиша Тя в храме Господни воспитатися честно, и уготоватися в Матерь Ему.

Неплоды и матери ликуйте, дерзайте и играйте безчадныя: безчадна бо неплоды Богородицу прозябает, яже избавит от болезней Еву, и клятвы Адама.

Слышу Давида поюща Тебе: приведутся Девы во след Тебе, приведутся в храм Царев. И с ним Тя и аз, Дщерь Цареву, воспеваю.

Поем святое Твое Рождество, чтим и непорочное зачатие Твое, Невесто Богозванная и Дево: славят же с нами Ангелов чини, и святых души.

Троичен: В Тебе Троическое таинство поется, и славится Чистая: Отец бо благоволи, и Слово вселися в Тя, и Божественный Дух Тебе осени.

Богородичен: Златая Кадильница была еси, Огнь бо во утробе Твоей вселися, Слово от Духа Свята, и человеческим зраком в Тебе видеся, Богородительнице Чистая.

Кондак, глас 4

Иоаким и Анна поношения безчадства, и Адам и Ева от тли смертныя свободистася, Пречистая, во святем Рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.

Икос

Молитва купно и воздыхание, неплодства и безчадства, Иоакима же и Анны благоприятное, и во уши Господни вниде, и прозябе Плод живоносен миру. Ов бо молитву на горе творяше: ова же в саде поношение ношаше: но с радостию неплоды раждает Богородицу, и Питательницу жизни нашея.

Песнь 7

Ирмос: Халдейская пещь огнем распаляемая, орошашеся Духом, Божиим предстоянием, отроцы пояху: благословен еси, Боже отец наших.

Празднуем, Чистая, и верно покланяемся святому Твоему Рождеству, поюще Сына Твоего, Имже избавихомся древняго Адамова ныне осуждения.

Ныне Анна веселится, и вопиет хвалящися: неплоды сущи родих Божию Матерь, Еяже ради осуждение Евино разрешися, и яже в печалех болезнь.

Адам свободися, и Ева ликует, и вопиют духом к Тебе Богородице: Тобою избавихомся первородныя клятвы, явльшуся Христу.

О, чрево, вместившее Божие Селение! О, утробо, носившая небес Ширшую, Престол святый, мысленный Кивот Священия.

Троичен: Отца прославим, Сына, и Духа, во Единстве Божества Троицу Пресвятую, Нераздельную, Несозданную, и Соприсносушную, и Единосущную.

Богородичен: Ты Бога Едина родила еси Дево преславно, Ты естество обновила еси Рождеством Твоим, Марие, Ты Еву разрешила еси первородныя клятвы, Богородительнице Чистая.

Песнь 8

Ирмос: Покрываяй водами превыспренняя Своя, полагаяй морю предел песок, и содержай вся, Тя поет солнце, Тя славит луна, Тебе приносит песнь вся тварь, яко Содетелю всех во веки.

Сотворивый преславная неплодней утробе, отверзый Анны нераждающая ложесна, и Плод ей дав, Ты Боже Святый, Ты Сыне Девы, Ты от Сея плоть приял еси, Присноцветущия Девы и Богородицы.

Затворяяй бездну, и отверзаяй ю, возносяй воду во облацех и даяй дождь, Ты давый Господи, от неплоднаго корене прозябнути Анны святыя пречист Плод, и родити Богородицу.

Делателю мыслей наших и Насадителю душ наших, Ты неплодную землю благоплодну показавый, Ты древле сухую, родовиту, благокласну, бразду плодоносну соделал еси Анну святую, Пречист Плод израстити Богородицу.

Приидите вси узрим, яко от чертога мала, Божий Град ныне раждаемый, иже от двери утробныя исход имущую, вход же не ведущу общения: Един Бог Зиждитель Сею пройде стезею странною.

Троичен: О, Троице Присущная, Единице Собезначальная! Тя поет и трепещет множество Ангел, Небо и земля, и бездны ужасаются, человецы благославят, огнь работает, вся послушают Тебе, Троице Святая, со страхом, яже в твари.

Богородичен: О, новейшаго слышания: Бог, Сын Жены! О, безсеменнаго Рождества! Безмужная Мати и Рожденное Бог! О, ужаснаго видения! О, зачатия страннаго Девы! О, несказаннаго Рождества! Истинно паче ума вся, и видения.

Песнь 9

Ирмос: Чужде матерем девство, и странно девам деторождение: на Тебе, Богородице, обоя устроишася. Тем Тя вся племена земная непрестанно величаем.

Достойное, Богомати, Твоея чистоты Рождество наследовала еси, чрез обещание: иногда бо неплодней, Богопрозябен Плод вдалася еси: тем Тя вся племена земная непрестанно величаем.

Исполнися вопиющаго пророчество, глаголет бо: возставлю скинию падшую священнаго Давида, в Тебе Чистая преобразившуюся, Еяже ради всех человеков персть в тело создася Божие.

Пеленам покланяемся Твоим Богородице, славим давшаго Плод прежде неплодней, и отверзшаго ложесна нераждающей преславно. Творит бо вся, елика хощет, Бог Сый Самовластен.

Яко дар Тебе, Богородице, песнопение от Анны рождшейся верно дароносим: матери Матерь, девы же Деву Едину славословяще покланяемся Тебе, поем и славим.

Троичен: Чужде есть беззаконным славити Безначальную Троицу, Отца, и Сына же, и Святаго Духа, несозданное Вседержавство, Еюже мир весь содержится, манием Державы Ея.

Богородичен: Вместила еси во утробе Твоей, Дево Мати Единаго от Троицы Христа Царя, Егоже поет вся тварь, и трепещут вышнии чини: Того моли, Всечистая, спастися душам нашим.

Светилен

От неплодныя днесь Анны Цвет произыде Богородица, вся благовония Божественнаго исполняющи концы мира, и радости всю наполняющи тварь: Юже поюще достойно восхваляем, яко сущу земнородных Превышшую.

Акафист

Кондак 1

Избранней от всех родов Божией Матери, небеси и земли Царице, освятившей род человеческий пришествием к нам во всечестнем рождестве Твоем, благоговейная пения приносим Ти раби Твои, Богородице. Ты же, яко пришедшая на утешение и спасение наше, от всяких нас бед свободи, да зовем Ти:

Радуйся, Пречистая, весь мир рождеством Своим возвеселившая.

Икос 1

Архангел Гавриил послан бысть к праведней Анне, егда та в скорби неплодства своего возопи ко Господу из глубины сердечныя, узревше в саде своем гнездо птичие, птенцы малыя имущее, и благовести ей радость велию, глаголюще: Услышана молитва твоя, слезы же твои пред Богом внидоша, и се родиши Дщерь преблагословенную, о Нейже возблагословятся вся колена земная, наречется же имя Ей — Мария. Сему радостному обетованию чудящеся, возопием Преблагословенней:

Радуйся, от благороднейшаго царскаго корене Иоакимом произращенная; радуйся, от священнейшаго архиерейскаго рода Анною рожденная.

Радуйся, прародителей наших от тли смертныя свободившая; радуйся, родителей Твоих поношение безчадства разрешившая.

Радуйся, Святыя Врата на Восток зрящая, неплодная врата рождеством своим отверзшая; радуйся, девственная Дверь заключенная, входа Святителя Великаго ожидающая.

Радуйся, слез матери Твоея пременение на радость; радуйся, тоя поношения в людех отъятие.

Радуйся, великое рождшим Тя утешение; радуйся, всему миру наслаждение.

Радуйся, падшаго Адама воззвание; радуйся, слез Евиных избавление.

Радуйся, Пречистая, весь мир рождеством Своим возвеселившая.

Кондак 2

Видящи праведная Анна великаго архангела явление и слышавши глаголы его, поклонися Богу и рече: Жив Господь Бог, яко аще рожду Отроча, дам Е в службу Ему, да будет служа и хваля имя Его Святое день и нощь во вся лета живота Своего. Исполнися же радости неизглаголанныя, тече во Иерусалим со тщанием, да тамо в церкви воспоет Богу благодарственно: Аллилуиа.

Икос 2

Разум чист имеяй пред Богом праведный Иоаким, обаче от людей отвержен бысть во храме безчадия ради, и в скорби сей иде в пустыню, и тамо молящеся со слезами, рече: Не вложу во уста моя пищи, ни в дом мой возвращуся, но слезы моя пищею ми да будут и пустыня — домом, дондеже посетит мя Господь Бог Израилев. И се Ангел Господень явися ему и благовести, яко родится ему Дщерь, о Еяже рождестве радость будет всему миру. Сею радостию исполнився, иде в Иерусалим, и тамо купно с Анною прослави Бога, глаголюще Обетованней:

Радуйся, от лет древних всеми чаемая; радуйся, от всех пророк яве предреченная.

К прочтению:  Полный текст молитвы Богородице Дево радуйся, значение и как правильно читать

Радуйся, от сложения мира Богом предъизбранная; радуйся, от падения прародителей грешным обетованная.

Радуйся, Совете неизреченный Предвечнаго попечения; радуйся, Образе благонаписанный Божественнаго Предведения.

Радуйся, Свитче одушевленный, в немже перстом Божиим написася Слово; радуйся, Источниче присноживотный, из Негоже изобильно источися благовестие Христово.

Радуйся, Боготканная Порфиро, в Нюже облечеся Предвечное Слово; радуйся, благоуханное Миро, в Негоже, вселися благодать Духа Пресвятаго.

Радуйся, паче злата всякаго блистающая, Нерукотворенная Палато Премудрости Божия; радуйся, утра всякаго солнечнаго светлейшая, Жилище Христово.

Радуйся, Пречистая, весь мир рождеством Своим возвеселившая.

Кондак 3

Сила Вышняго осени тогда к зачатию заматеревшую во днех своих праведную Анну, и неплодная тоя ложесна, яко ниву показа благоплодную, да прозябнет от нея на радость всему миру, в скорби погибающему, Село Сладкое, Преблагословенная Дева Мария, всем хотящим жати спасение, и воспевати из глубины душевныя: Аллилуиа.

Икос 3

Имуще, Пречистая, родители Твоя житие непорочное, зачаша Тя в старости добрей, не плотским сластем прилежаще, но в целомудрии и воздержании подвизающеся, да явится в рождестве Твоем не естества произволение, но благодати Божия сила, естества чин побеждающая, и да познают вси, яко молитва, вкупе и воздыхание неплодства прозябе Тя, плод Живоносен миру. Сего ради, почитающе непорочное зачатие Твое, поем Тебе сицевая:

Радуйся, неплодныя матере увеселение; радуйся, безчадных родителей утешение.

Радуйся, от суха корене Иессеева прозябшая; радуйся, и Цвет от него Христа произрастившая.

Радуйся, естества уставы еще в зачатии Твоем побеждати начавшая; радуйся, сим Своего девства в рождестве сохранение предвозвестившая.

Радуйся, яко оттоле возвеяше ветри спасения провозвестницы; радуйся, яко отонудуже плод рождати Благодать начинает.

Радуйся, яко Тобою естества нашего неплодство побеждается; радуйся, яко Тобою праматерняя клятва разрешается.

Радуйся, всемирная радости провозвещение; радуйся, Начало нашего спасения.

Радуйся, Пречистая, весь мир рождеством Своим возвеселившая.

Кондак 4

Бурею печалей и скорбей многих одержими быша праведныя родители Твоя, Пречистая, яко до старости безплодни быша, мняше, яко недостойни имети наследие во Царствии Божием. Сострадаше же с ними от века о неплодстве естества нашего вся тварь, суете повинувшеся: стенет убо Адам, яко проклята бысть земля его ради; рыдает же и Ева, яко умножишася печали и болезни ея; совоздыхает же с ними и весь род человечь, тлению приобщившися. Егда же, о Богомати, рождеством Твоим разрешися древнее неплодство и тление потребися, вся тварь благодарственне о Тебе возопи Богу: Аллилуиа.

Икос 4

Услыша Господь Бог праведных Иоакима и Анны воздыхания и дарова им по обетованию архангелову Дщерь Пречистую и Преблагословенную, Деву Марию, спасения нашего Начало и Ходатаицу, о Еяже рождестве небо и земля возрадовастася, ангели и архангели возвеселишася, люди еже, прославивше Бога, воспеша сице:

Радуйся, Марие, великое всея твари чудо; радуйся, Дщи Давидова, Господня же Мати.

Радуйся, Единая в женах благословенная; радуйся, от ангел на небесех препрославленная.

Радуйся, Заре незаходимая, свет мирови возсиявшая; радуйся, Лампадо неугасимая, нощь скорбей просветившая.

Радуйся, яко видение зрака Твоего ангелом пресладостно; радуйся, яко явление Твое миру человеком прерадостно.

Радуйся, новый Раю, на земли насажденный; радуйся, светлый Чертоже, Небесному Царю преукрашенный.

Радуйся, Палато Духа Пресвятаго; радуйся, Скиния Бога с человеки.

Радуйся, Пречистая, весь мир рождеством Своим возвеселившая.

Кондак 5

Боготечную звезду, от Назарета возсиявшую и весь мир просветившую, зрим Тя, Пресвятая Дево: мал бо бе град, егоже освятила еси рождеством Твоим, и презираем бе у людей, чесо ради вси глаголаху: от Назарета может ли что добро быти? Обаче немощная и уничиженная избра Бог, да крепкая посрамят, и яви от Назарета Тя всему миру Цвет Неувядаемый, девством присноцветущий, всех святых Святейшую Деву, греха во всем житии Своем ни единаго же познавшую, да вси о Тебе благодарственно воспоем Богу: Аллилуиа.

Икос 5

Видевше родители Твоя чудное рождество Твое, Пречистая, принесоша Богу дары великия, и благословенны быша от священник и от всех людей, яко восприявшия благословение Божие, и сотвориша учреждение велие в дому своем, веселяшеся духом и прославляюще Бога. Поминающе же обетование ангельское, почитаху Тя, яко Госпожу Свою, и поклонившеся, воспеша Тебе сице:

Радуйся, прежде всех век пронареченная Духа Святаго Невесто; радуйся, в последняя времена явльшаяся Сына Божия Матерь — Дево.

Радуйся, Богу Отцу Дщерь от всех родов избранная; радуйся, Живоначальныя Троицы зарями дивно осиянная.

Радуйся, вся Небесныя силы без рассуждения превосходящая; радуйся, вся демонския рати без посрамления отгоняющая.

Радуйся, всему роду человеческому всемощная Заступнице; радуйся, всем кающимся грешником всемилостивая Ходатаице.

Радуйся, честных жен Похвало; радуйся, чистых дев Славо.

Радуйся, от малаго Назарета добро всему миру принесшая; радуйся, даже до последних земли любовию Своею всех покрывшая.

Радуйся, Пречистая, весь мир рождеством Своим возвеселившая.

Кондак 6

Проповедницей Твоего пришествия в мир, Богородице, бысть праведная Елисавета. Понеже, егда увиде Тя, в дом ея грядущую, изыде на сретение Твое и возопи гласом велиим: Благословенна Ты в женах и благословен Плод чрева Твоего. И откуда мне сие, да прииде Мати Господа моего ко мне? Сице и мы, преславное рождество Твое, яко первое земли нашея посещение Твое, празднующе, сретаем Тя приветствием сим: откуда нам сие, да прииде Мати Господа нашего к нам. Благословенна Ты в женах, и благословен Плод Чрева Твоего, Ему же вси благодарственно да воспоем: Аллилуиа.

Икос 6

Возсия радость рождества Твоего, Пречистая, не точию праведным родителем Твоим, но и всем ближним и далече сущим, и даже до конец вселенныя, яко Бог на разумных Престолех почиваяй, Престол Свят Себе предуготова уже на земли и Заря новая явися, предвозвещающе Солнца Правды Христа пришествие скорое. Сего ради воспоем Ти, Чистая, сице:

Радуйся, Заре Светлейшая, Великаго Солнца Христа Провозвестнице; радуйся, Луче незаходимая, Невечерняго Света Родительнице.

Радуйся, огнем Твоих молитв человеки от страстей очищающая; радуйся, росою Твоея благодати пламень геенны немощным охлаждающая.

Радуйся, облаче Света Божественнаго, всякое помрачение разоряющее; радуйся, благоуханное Кадило, молитвы верных к Сыну Твоему возносящее.

Радуйся, Небесный Кивоте, от превышних к земным пренесенный; радуйся, огнеобразный Престоле, Небесному Царю на земли уготованный.

Радуйся, Скинию Давидову падшую возставившая; радуйся, превышний Иерусалим небесный на земли явившая.

Радуйся, пречестную багряницу от кровей Твоих Агнцу Божию приуготовившая; радуйся, Боготканную порфиру Слову Божию от плоти Твоея исткавшая.

Радуйся, Пречистая, весь мир рождеством Твоим возвеселившая.

Кондак 7

Хотяй долготерпеливый Господь явити бездну человеколюбия Своего к падшему древле в раи роду человеческому, даде тамо прародителем нашим обетование, яко семя жены сотрет главу змия, в последняя же времена исполни на Тебе, Пречистая, первообетование Свое, избрав Тя Едину от всех родов в Матерь Себе, да рождеством Твоим сотреши главу древняго змия, чесо ради благодарственно воспоем Богу: Аллилуиа.

Икос 7

Новая страшная и чудная таинства Твоя, Богородице, и новый явися еси источник жизни вместо Евы чувственныя: та бо, повинувшися змию, начало положи отвращения Божия к человеком и печаль роди женам. Твой же Сын, о Дево, Иже Евину утробу осуди родити плоды в болезнех, в Твое чрево вселися, безболезненно, ключи девства невредивый в рождестве твоем. Сего ради Тобою радуется падшее женское естество, вместо древния клятвы свободу Христову получивше: Тебе последуя, жены яве враги побеждати начинают, девства держашеся и вопиюще Тебе таковая:

Радуйся, Божественною славою преукрашенная; радуйся, чистотою девства превознесенная.

Радуйся, падшее человеческое естество обожившая; радуйся, жен от древния печали свободившая.

Радуйся, красотою девства Твоего Гавриила удивившая; радуйся, пресветлою чистотою Твоею ангельския соборы неизмеримо превосшедшая.

Радуйся, Двере непроходимая, Эдем заключенный отверзшая; радуйся, Книго запечатленная, недоведомыя тайны Божия вместившая.

Радуйся, Благоуханный Крине девства; радуйся, Неувядаемый Цвете чистоты.

Радуйся, небесное девство на земли насадившая; радуйся, двери райския падшим отверзшая.

Радуйся, Пречистая, весь мир рождеством Своим возвеселившая.

Кондак 8

Странное рождество Твое от неплодове видяще сласти не причастное, но от целомудрия и воздержания просиявшее, устранимся суетнаго мира, и всякаго нецеломудрия душевнаго и телеснаго, ум и сердца на небеса преложше. На сие бо пришла еси в мир Мати целомудрия, да нижняя возведеши к горней высоте, и да научиши всех чистыми усты и нескверным сердцем воспевати Богу: Аллилуиа.

Икос 8

Вся добра еси, ближняя Моя, и порока несть в Тебе. Возстани, прииди, Голубице Моя, яви Ми зрак Твой и услышан сотвори Ми глас Твой, яко глас Твой сладок и образ Твой красен. Едина еси матери Твоея, избранна еси родившей Тя, тако глаголаше Сын Твой и Господь, Пречистая, сретающе, еже от неплодове рождество Твое и пришествие Твое в мир. Сему Божественному гласу внемлюще, дерзаем воспевати Тебе таковая:

Радуйся, Царице, одесную Царя Христа представшая; радуйся, Владычице, в ризы позлащенны девства одеяная и преукрашеная.

Радуйся, Еяже доброты возжела Царь Небесный; радуйся, Имже ближнею и доброю в женах наречена была еси.

Радуйся, Восходящая от пустыни, яко облако дыма, смирну и ливан кадящее; радуйся, Миро излиянное, благоухание от Небеснаго Мироварца износящее.

Радуйся, Вертограде заключенный, в негоже никтоже возможет взыти; радуйся, Кладезю запечатленный, от егоже глубины никтоже возможет испити.

Радуйся, блистающаяся, яко утро во тьме сидящим; радуйся, восходящая, яко луна, избранная, яко солнце.

Радуйся, Источниче воды животныя, приснотекущия от Престола Божия; радуйся, Древо жизни, присноцветущее посреде рая.

Радуйся, Пречистая, весь мир рождеством Своим возвеселившая.

Кондак 9

Всякое естество Ангельское радостию возрадовася, прославляюще Бога, егда по рождестве Твоем, Пречистая, святитель великий со иереи и люди избранны прииде в дом родителей Твоих, молитвы благодарственныя возсылающе. Егда же благослови Тя, воздвиже глас свой, глаголюще: Боже отец наших, благослови младенца сего и даруй Ей имя, да будет прославлено во все роды. И нарече Тебе имя Мария, великое и благодатное, людем пресладостное, демоном же страха исполненно, и возопи с веселием: Аллилуиа.

Икос 9

Вития многовещанныя, яко рыбы безгласныя, недоумевают, како воспети Твою равноангельскую от младенческих пелен чистоту, Пречистая, юже дарова Ти Господь, да представит Тя, Матерь Свою, не имущу скверны или порока, или нечто от таковых, но да будеши свята и непорочна. Сего ради мати Твоя со тщанием соблюдаше Тя в непорочней чистоте, да никакоже Одушевленному Кивоту Божию коснется рука скверных: та бо освяти ложе Твое, и себе саму отчуждаше от всякия скверны, и призва чистыя девы хранити покой Твой. И егда сосцы питаше Тя, молитву деяше, да с млеком матерним наипаче напитаешися Божиим Словом. Таковей непорочней чистоте Твоей чудящеся, вопием Ти сице:

Радуйся, от младенчества Твоего ни единаго греха познавшая; радуйся, от рождества Твоего всех святых Святейшая.

Радуйся, молитвою паче млека одоенная; радуйся, Словом Божиим паче хлеба насыщенная.

Радуйся, небесное произрастание, на земли насажденное; радуйся, райское прозябение, от родителей Твоих воспитанная.

Радуйся, чистая Голубице, Еяже чистоты не бе достоин весь мир; радуйся, нескверная Агнице, Еяже непорочность яви Ю достойну Матерь Христу.

Радуйся, манием Вседержителя от неплодове плод возсиявшая; радуйся, достойное Твоея чистоты рождество восприявшая.

Радуйся, яко от восток солнца до запад хвально имя Твое; радуйся, яко от всех родов благословенна Ты в женах.

Радуйся, Пречистая, весь мир рождеством Своим возвеселившая.

К прочтению:  Можно ли дарить иконы и как правильно выбрать образ, как преподносить

Кондак 10

Спасти хотяй мир от прелести вражия, Человеколюбец Господь избра Тя от земнаго рода, от малаго града и от неплодныя утробы в Матерь Себе, от века предопределенную, пророки же древле проповеданную, Ходатаицей быти нашего спасения, да будеши печальным и в бедах сущим скорое утешение и мирскаго неплодства разрешение, всем же во мраце греха блуждающим да явиши Солнце правды Христа, поющим Ему: Аллилуиа.

Икос 10

Стена еси и прибежище всем человеком, Богородице Дево, Твое рождество празднующим: Ты бо от чертога малаго Град Божий сущая, еже быти начинаеши, и от утробы нерождающия исход совершаеши, да уготоваеши вход Святителю Великому: Един бо Бог Тобою проиде странною стезею, неопальну Тя сохраньше. Сего ради со дерзновением зовем Ти, Единей чистей и благословенней, таковая:

Радуйся, на небесех преблагословенная; радуйся, на земли препрославленная.

Радуйся, ангелов Радосте и Увеселение; радуйся, земнородным Отрадо и Утешение.

Радуйся, Горлице богогласная и незлобивая; радуйся, Юнице кроткая и тихая.

Радуйся, Духа Всесвятаго Храме Святейший; радуйся, небеснаго уневещения Чертеже Чистейший.

Радуйся, росо Аермонская, на горы Синайския сошедшая; радуйся, алавастре Мира многоценнаго, землю облагоухавшая.

Радуйся, Граде Божий, от чертога малаго прозябение; радуйся, Назарета града от суха корене произрастание.

Радуйся, Пречистая, весь мир рождеством Своим возвеселившая.

Кондак 11

Пение благодарственное воспевает духом божественный Иоаким чудный и божественная Анна, яко видяще на земли Матерь Создателя, Юже родиша, дщерь Марию, с ними же и мы, Владычице, равночисленнии паче песка морскаго песни приносим Ти, восхваляюще преславное от неплодных ложесн рождество Твое, благодарственно воспевающе Богу: Аллилуиа.

Икос 11

Светоприимную свещу, в нощи Ветхаго Закона рождеством Твоим преславно возженную, видим Тя, Пресвятая Дево: всем бо, во тьме греха и сени смертней седящим, возсияла еси свет, радость, благодать и разрешение древния клятвы, Евы ради бывшия: из Тебе бо возсия Солнце Правды, Христос Бог наш, просвещаяй сущия во тьме, вопиющия в похвалу Тебе таковая:

Радуйся, Заре дне невечерняго, врата Царствия Христова отверзшая; радуйся, Деннице Светлейшая, спасение нам возвестившая.

Радуйся, Звездо Незаходимая, Великое Солнце в мир сей вводящая; радуйся, Свеще Светозарная, древнюю тьму греховную разгоняющая.

Радуйся, Источниче Живоносный, жизнь всем подающий; радуйся, Светильниче, прежде Солнца свет нам источивший.

Радуйся, еще сущей тьме зарями благодати нас просветившая; радуйся, Мати Света Умнаго, благодатию всю вселенную озарившая.

Радуйся, Невесто Чертога светосияннаго, сиянием ризы Своея всю поднебесную облиставшая; радуйся, жено, облеченная в Солнце, в мир на спасение погибающим явльшаяся.

Радуйся, под ногама Своима луну имущая; радуйся, от двоюнадесяте звезд увенчанная.

Радуйся, Пречистая, весь мир рождеством Своим возвеселившая.

Кондак 12

Благодати тезоименитая Божественная Анна веселится и хвалящися вопиет: Неплоды сущи, родих Божию Матерь, Еяже ради осуждение Евино разрешися и яже в печалех болезнь. И тако радующися, даде обетование, да приведет Дщерь свою рождшуюся Богови и да будет Ему в дар совершен от всех родов земных, человеком же — в вечное утешение и радование, во еже пети им выну: Аллилуиа.

Икос 12

Поем Твое Пречистое рождество, чтим и несказанное зачатие, прославляем неизглаголанное от неплодове рождение Твое, поклоняемся самым пеленам Твоим, Невесто Богозванная и Дево; славословят же с нами вкупе Твое в мир пришествие ангелов и архангелов чини и душ святых Собори: общая бо радость возсия на небеси и на земли от праведных Иоакима и Анны рождеством Твоим, Богородице, егоже прославляюще, вопием Ти таковая:

Радуйся, Всенепорочная, по Святей Троице общая всех ангел и человек Владычице; радуйся, Всеблагословенная, по Утешителе общая всех на небеси и на земли Утешительнице.

Радуйся, Красото в деснице Господней, украшающая блажащих Тя всех небесных; радуйся, Утешение Вседержителево, возвеселяющая призывающих Тя всех земных.

Радуйся, Небо небес, вся ангельския силы без сравнения превосходящая; радуйся, Чудо чудес, всех человеков персть в Тело Божие созидающая.

Радуйся, Царица цариц, всей вселенней предел соделовавшая греховному растлению; радуйся, Святая Святых всей Церкви Христовой, начало положившая нашему спасению.

Радуйся, Боголепная Девице, всех времен и веков Божие благословение; радуйся, Богоизбранная Отроковице, всех язык и родов благодатное примирение.

Радуйся, Столпе девства, всем, девства желающим, доброту девства яве низпосылающая; радуйся, Двере спасения, всем, спасения чающим, руку помощи вскоре подающая.

Радуйся, Пречистая, весь мир рождеством Своим возвеселившая.

Кондак 13

О, Всепетая Мати, от неплодове рождшаяся на спасение миру, нынешняя наша о всечестнем рождестве Твоем приемши приношения, не остави нас во время живота нашего, от всякия напасти и плена вражия избави нас, и от неплодства душевнаго разреши всех, о Тебе вопиющих: Аллилуиа.

(Этот кондак читается трижды, затем 1-й икос и 1-й кондак).

Икос 1

Архангел Гавриил послан бысть к праведней Анне, егда та в скорби неплодства своего возопи ко Господу из глубины сердечныя, узревше в саде своем гнездо птичие, птенцы малыя имущее, и благовести ей радость велию, глаголюще: Услышана молитва твоя, слезы же твои пред Богом внидоша, и се родиши Дщерь преблагословенную, о Нейже возблагословятся вся колена земная, наречется же имя Ей — Мария. Сему радостному обетованию чудящеся, возопием Преблагословенней:

Радуйся, от благороднейшаго царскаго корене Иоакимом произращенная; радуйся, от священнейшаго архиерейскаго рода Анною рожденная.

Радуйся, прародителей наших от тли смертныя свободившая; радуйся, родителей Твоих поношение безчадства разрешившая.

Радуйся, Святыя Врата на Восток зрящая, неплодная врата рождеством своим отверзшая; радуйся, девственная Дверь заключенная, входа Святителя Великаго ожидающая.

Радуйся, слез матери Твоея пременение на радость; радуйся, тоя поношения в людех отъятие.

Радуйся, великое рождшим Тя утешение; радуйся, всему миру наслаждение.

Радуйся, падшаго Адама воззвание; радуйся, слез Евиных избавление.

Радуйся, Пречистая, весь мир рождеством Своим возвеселившая.

Кондак 1

Избранней от всех родов Божией Матери, небеси и земли Царице, освятившей род человеческий пришествием к нам во всечестнем рождестве Твоем, благоговейная пения приносим Ти раби Твои, Богородице. Ты же, яко пришедшая на утешение и спасение наше, от всяких нас бед свободи, да зовем Ти:

Радуйся, Пречистая, весь мир рождеством Своим возвеселившая.

Молитвы

О, Пресвятая и Богоизбранная Дево, Владычице наша Богородице, Небеси и земли Царице, на радость и утешение всему миру от безплодных и безчадных родителей Богом дарованная! Родившися Божиим промышлением, Ты разрешила еси неплодствие рождшия Тя, и ныне неплодное сердце мое плодоносно сотвори предстательством Твоим у Престола Вседержителева, неплодствовати же соделай мя злыми делы, гнилыми словесы и нечистыми помышленьми. О, Всеблаженная, да явлюся чадо Божие, добродетелей благоплодие присно приносящее. Ты утолила еси пречистым рождеством Твоим плач праматери нашея Евы, и праведныя родители Твоя избавила еси поношения безчадства, и ныне утоли плач и воздыхания многоболезненныя и любогреховныя души моея и избави всех нас поношения злосмрадных дел наших, страстей безчестия и от всякаго порабощения вражескаго. Наипаче же даруй нам, Пресвятая Богородице Дево, во всесветлый день рождества Твоего чистым сердцем разумети и памятовати, с коликою радостию и благодарением неплодная утроба святыя праведныя Анны ношаше Тя, да и мы не точию словесы, но наипаче делы своими выну будем со умилением сердечнем прославляти Тя, вопиюще: Слава пришествию Твоему, Чистая. Слава рождеству Твоему. Слава девству Твоему, Мати Безневестная. Купно же с Тобою сподоби нас непрестанно славити и величати Всесвятый Плод Твой, Слово воплощенно, во чреве Твоем неопально носимо, Емуже слава подобает, честь и покланение, со Безначальным Его Отцем, и с Пресвятым и Благим и Животворящим Его Духом ныне и присно и во веки веков. Аминь.

Иконография праздника

В иконописи сложились традиции писания образов в честь Рождества Пречистой Девы. Иконы отличает особая трогательность сюжета и композиции, внимание к бытовым деталям. К наиболее древним изображениям рождения Богородицы относятся настенные храмовые фрески 10-13 веков (Софийский собор в Киеве, монастырь Студеница в Сербии).

Центральной фигурой композиции изображают Анну, лежащую или сидящую на ложе. Новорожденную Марию пишут в нескольких вариантах:

  • в руках повитух, омывающих младенца в купели;
  • в стоящей рядом колыбельке;
  • в руках служанок, показывающих ребенка Анне.

Обычно иконы в честь Рождества Богородицы пишут с множеством фигур – Иоаким, гости с дарами новорожденной и роженице, повивальные бабки.

В поздние времена иконы стали дополнять клеймами с разнообразными сюжетами:

  • отказ от принятия даров Иоакима в храме;
  • молитвы Иоакима в пустыне и плач Анны в саду;
  • встреча супругов у Иерусалимских ворот после встречи с ангелом;
  • счастливые родители с младенцем Марией на руках.

Все Богородичные иконы в честь Рождества Марии отличают нежные краски, иконописцы передают чувство глубокой радости от прихода в мир Пречистой Девы.

Особенности богослужения

По установленным церковным канонам, Рождество Богородицы отмечают следующим образом:

  • предпразднство – 1 день;
  • попразднства – 4 дня;
  • отдание – 1 день.

Основы литургических богослужений взяты из Иерусалимского канонаря 7 века. Великий тропарь «Рождество Твое, Богородице Дево» не изменился с 5-6 века. Это песнопение звучит, прославляя Деву Марию, в православных и католических церквах всего мира.

Другие молитвы созданы песнописцами в более поздние годы – святителем Андреем в 7 веке, Иоанном Дамаскином в 8 веке, епископом Солунским в 9 веке. В стихирах объясняется, что рождение Девы Марии готовило приход Мессии, что появление Богородицы – начало осуществления Божественного замысла, подготовка к пришествию Христа. Христиан приглашают прославить Богородицу, порадоваться рождению Пречистой Девы.

Справка: по традиции, службы в честь Богородичных праздников священники совершают в голубых одеждах.

Православные традиции празднования на Руси

Российские православные глубоко почитают Богородицу, особо отмечают все праздники, посвященные памяти матери Христа. В народных традициях дополнять церковные торжества гуляниями, совмещать с праздниками урожая, приближать к простой реальной жизни каждого человека. От этого Богородица становится более любимой и близкой, настоящей матерью всех людей.

В крестьянской России осенний праздник совпадал с завершением тяжелой летней страды, подсчетом урожая. Деву Марию благодарили за помощь, просили и дальше молить Господа за православных.

Праздник называли Осенины, Малая Пречистая. После окончания летних работ устраивали ярмарки, гуляния, играли свадьбы. Отстояв церковную службу, люди в праздничных одеждах собирались в домах и на площадях, созывали гостей и родственников.

Заранее варили пиво, резали скот для угощения, запасались рыбой. День был постный, самые благочестивые старались избегать скоромного. В селениях, где были церкви, Рождество Богородицы отмечалось особенно пышно, гуляния продолжались по несколько дней. Богатый урожай был поводом славить Деву Марию долго и радостно, при неурожае – Богородицу молили не отказать в милости на следующий год.

Женщины, мечтающие о детях, накрывали богатые столы для бедных, чтобы они также помолились Богородице за хозяйку. В праздничные дни занимались сватовством, совершали обряд венчания. Считалось, что Дева Мария особенно покровительствует супругам, обвенчанным в день Рождества. Богородичный праздник почитали как женский, семейный и материнский, просили у Пречистой Девы согласия и мира в доме.

Рождество Богородицы знаменует собой начало новой эры в истории людей. Свершились пророчества Ветхого Завета – появилась Та, которой Божьей Волей суждено было привести в мир Спасителя. Царица Небесная стала заступницей за всех людей перед Божьим Престолом.

Оцените статью
Православный религиозный информационный сайт на все случаи жизни