Полный текст акафиста Смоленской иконе Божией Матери Одигитрия, ее значение

Акафист чудотворной Смоленской иконе Божией Матери «Одигитрия» имеет для православных особое значение. Ее первообраз был написан еще во время земной жизни Пречистой Девы. И хотя до наших дней бесценное произведение не дошло, его более поздние копии тоже обладают благодатной силой, которую они восприняли от древнего оригинала. С Одигитрией Смоленской связано множество важных исторических событий, в ее честь освящались монастыри и церкви.

Значение иконы в православии

Икона «Одигитрия» — один из самых впечатляющих и древних образов, посвященных Пресвятой Богородице, держащей на руках младенца Христа. Красивое название — это, на самом деле, греческое слово «Οδηγήτρια», которое переводится как «Указывающая путь». Легенда гласит, что первообраз был написан самим апостолом Лукой — автором третьего Евангелия. Центром композиции Одигитрии является младенец Христос. В левой руке Он держит свиток, а правая рука поднята в жесте благословения.



Поэтому смысл иконы заключается в том, чтобы показать приход в земной мир Небесного Царя, который будет судить всех в нем живущих. Сама Богородица правой рукой указывает на Божественного Младенца, показывая, кому верующие должны поклоняться и возносить молитвы. То есть Пресвятая Дева как бы показывает людям путь к истинному Богу и к спасению, что отлично соответствует названию «Одигитрия».

История появления акафиста

Из Святой Земли Путеводительница начала свое путешествие по христианскому миру. До VI века этот образ был известен только в Палестине. Затем его перевезли в Константинополь, который тогда был столицей Византийской империи. Икона была помещена в главном женском монастыре Панагии Одигитрии. Во время пасхальных торжеств ее переносили во дворец, а когда Константинополь осаждали враги, образ поднимали на крепостные стены.

Свое название икона получила благодаря этому монастырю. Рядом с ним находился источник, чьи воды чудесным образом исцеляли слепых. Это место по-гречески называлось «ton Odegon» (то есть «место Проводников»). Это название закрепилось и за монастырем (до наших дней он не сохранился), и за иконой.

Историки расходятся во мнении, как именно и в каком году образ Богоматери Одигитрии оказался на Руси. Но предание говорит, что это произошло в XI веке. Его привезла царевна Анна, дочь Константина Мономаха, в составе своего приданного. В 1095 году сын Анны и князя Всеволода, Владимир Мономах, привез эту святую икону в Смоленск. Там, по его приказу, в 1101 году был заложен храм Успения Пресвятой Богородицы, где и была установлена драгоценная древняя икона. С тех пор она стала именоваться Смоленской.

Чудотворная икона

С «Одигитрией» связано множество чудес. Одно из самых знаменитых — спасение Смоленска от набега монгольского хана Батыя в 1239 году. В XV веке святую икону перевезли в Москву. Почему это произошло, историки не знают, и на этот счет существует несколько версий. В Москве иконописцы сделали ряд списков, а оригинал отправился обратно в Смоленск.

Когда Наполеон вторгся в Россию, икону отправили в столицу. В день Бородина ее несли участники крестного хода. Перед тем, как французы ворвались в Смоленск, святой образ увезли в Ярославль, и вернули в город после его освобождения.

К несчастью, древний византийский, богато украшенный оригинал был безвозвратно утрачен при немецкой оккупации Смоленска во время Великой Отечественной войны. Сегодня в Успенском соборе можно видеть его копию, написанную в начале XVII века. Список тоже является чудотворным.

Акафист (то есть торжественный молитвенный гимн, который исполняется обязательно стоя) возник именно как хвалебное песнопение, посвященное Пресвятой Богородице (другие появились несколько позже). В гимне повествуется о жизни Богородицы и о написании иконы апостолом Лукой. Также в нем воздается благодарность за защиту Константинополя от врагов. Каждый икос содержит херетизмы, то есть приветствия, начинающиеся со слова «радуйся».

Когда и как правильно читать

Чтение Акафиста Смоленской иконе Божьей Матери может проводиться как в храме, так и дома. Число молящихся может быть любым. Сидеть во время молитв и песнопений разрешается только больным или немощным.

Специального повода для чтения акафиста искать не нужно. Это можно делать всякий раз, когда чувствуется потребность. Но есть ряд событий, когда он бывает особенно полезен:

  • просьбы защитить от болезней и бед;
  • перед дорогой;
  • просьбы о восстановлении мира в семье;
  • поиск утешения;
  • просьбы о семейном благополучии;
  • просьбы об исцелении;
  • празднование иконы.

Последовательность чтения традиционная:

  • текст акафиста;
  • два раза повторяется последний кондак;
  • повторяется 1-й икос;
  • повторяется 1- кондак;
  • заключительная молитва.

Чествование иконы проводится 10 августа (28 июля по старому стилю). В этот день чтение акафиста приносит особую радость и пользу. Другие важные даты:

  • 18 ноября – праздник в честь победы над Наполеоном;
  • 7 декабря – празднуется освобождение от татаро-монгольского ига.

Полный текст на русском языке

Кондак 1

Избранней от всех родов, небеси и земли Царице, Пресвятей Богородице Одигитрии, яко избавльшеся от вечныя смерти благодатию от Тебе рождшагося Христа Бога нашего и Твоим матерним пред Ним ходатайством, благодарственное пение приносим Ти, раби Твои. Ты же, Всемилостивая наша Заступнице, от всяких нас бед и скорбных обстояний свобождай и к царствию горнему путеводствуй, да зовем Ти: Радуйся, Богородице Одигитрие, христиан упование.

К прочтению:  Какие иконы помогают от пьянства и тексты молитв для избавления от алкоголизма

Икос 1

Архангельский глас вопием Ти, Чистая: радуйся, Благодатная Одигитрие Марие, и радости духовныя исполни нас, да благоговейною душею и чистым сердцем принесем Ти, рождшей миру Спасителя Христа Бога нашего, глаголы сия:

Радуйся, Бога Отца благоволением осененная.

Радуйся, Бога Сына Мати еискусобрачная.

Радуйся, Бога Духа Святаго обитель священная.

Радуйся, Троическия тайны проявление.

Радуйся, ангельских умов удивление.

Радуйся, человеческаго рода украшение.

Радуйся, горняя с дольними совокупившая.

Радуйся, врата райския земнородным отверзшая.

Радуйся, лествице небесная.

Радуйся, стамно Богоприимная.

Радуйся, Купино Неопалимая.

Радуйся, трапезо Пресвятая.

Радуйся, Богородице Одигитрие, христиан упование.

Кондак 2

Видев икону Пресвятаго Твоего лика, Богородице Дево, юже всехвальный евангелист Лука написа, рекла еси о ней пречистыми усты Твоими: «С сею иконою благодать Моя и сила». Таковое обетование Твое уведевше, благоговейно почитаем пресвятый образ Твой, Владычице, и воспеваем Сыну Твоему и Богу: Аллилуиа.

Икос 2

Уразумев благоволение Твое, Богородице, к сей иконе Твоей, славный Апостол Лука дарова ю в благословение и освящение Христовой Церкви Антиохийстей, в нейже Путеводительницей она наименовася и чудесы божественными прославися. О сем благодаряще Тя, Госпоже Всеблагая, яко подобие пречистаго лика Твоего во утешение нам оставила еси, усердно Тебе вопием:

Радуйся, Царице горних и дольних.

Радуйся, Владычице Ангелов и человеков.

Радуйся, мира умирение.

Радуйся, древния вражды разрушение.

Радуйся, девства столпе.

Радуйся, смирения глубино.

Радуйся, облеченная в солнце.

Радуйся, сияющая Божественною славою.

Радуйся, Мати Света Невечерняго.

Радуйся, раю сладости небесныя.

Радуйся, вертограде Христов благоуханный.

Радуйся, одре Царя Великаго.

Радуйся, Богородице Одигитрие, христиан упование.

Кондак 3

Силою Божиею чудеса предивныя совершахуся от иконы Твоея, Богомати Владычице, егда принесена бысть в Царьград и в преславнем Влахернстем храме поставлена: слепыя просвещаше, всяк недуг в людех врачеваше благодатию Твоею, Богородице, да вси зовем прославльшему Тя Богу: Аллилуиа.

Икос 3

Имеяше Тя Царьград Заступницу Державную, Богородице Дево, и во дни нападения на него врагов сильных и бранеискусных, помощь Твою многочудную от святыя иконы Твоея Одигитрии получаше. Темже молимся Тебе, Всеблагая, якоже древле град оный многажды от погибели спасла еси, тако и нас, смиренных, спаси от погибели вечныя матерним предстательством Твоим ко Христу Богу, да благодарно зовем Ти:

Радуйся, Царьграда крепкое ограждение.

Радуйся, Влахернскаго храма благодатное сокровище.

Радуйся, нечестивых ратей одоление.

Радуйся, врагов Православия посрамление.

Радуйся, чад Христовых Предводительнице к победам.

Радуйся, Помощнице скорая в бедах к Тебе притекающих.

Радуйся, Заступнице усердная молитвенно Тя призывающих.

Радуйся, богомудрых святителей Споспешнице во благовестии Христовом.

Радуйся, похвало жен и дев славо.

Радуйся, столпе огненный, зной страстей умеряющий.

Радуйся, столпе облачный, мрак грехов разгоняющий.

Радуйся, Марие, Мати Христа Бога нашего.

Радуйся, Богородице Одигитрие, христиан упование.

Кондак 4

Бурею морскою корабли прегордаго Кагана, град Твой пленити восхотевшаго, сокрушила еси, Владычице, и победу над ним людем христоименитым даровала еси от святыя иконы Твоея Одигитрии, лучи света небеснаго испуская и вои православныя ими просвещая, да вси уведят, яко Ты еси воистину Воевода державная Царьграда и прославят милости Твоя и чудеса, воспевая Спасителю Богу: Аллилуиа.

Икос 4

Слышавше о чудесех Твоих преславных, Богородице Дево, яже от иконы Твоея явила еси в Царьграде, недоумеем, како икона та, носимая по стогнам града, силою Божественною носившими ю управляше и стопы их по воле Твоей направляше; направи убо, Владычице, и наша стопы на путь исполнения заповедей Христовых, и научи нас верно исполняти святую волю Сына Твоего и Бога, да Тебе вопием сице:

Радуйся, свеще неугасимая.

Радуйся, звездо незаходимая.

Радуйся, сияющая светом Божественным.

Радуйся, просвещающая благодатию души верных.

Радуйся, мира Христова благоухание.

Радуйся, земли освящение.

Радуйся, чаше, черплющая радость всему миру.

Радуйся, источниче, изливающий вечную сладость.

Радуйся, чертоже благоукрашенный Царя царей.

Радуйся, рая краснейшая.

Радуйся, утра светлейшая.

Радуйся, ручко всезлатая.

Радуйся, Богородице Одигитрие, христиан упование.

Кондак 5

Яко Боготечная звезда, икона Твоя, Богомати Владычице, благоволением Твоим от Царьграда в страну Русскую принесеся, и граду Смоленску в наследие благодатное даровася, темже благодарим Тя, о Госпоже Всемилостивая, яко таковый дар святый Отечеству нашему даровала еси, и поем в Троице славимому Богу: Аллилуиа.

Икос 5

Видевше преславное заступление Твое града Смоленска, Пречистая Владычице, прославляем великую Твою милость, еюже град сей от разорения Батыева чудесно спасла еси, гласом Божественным от иконы Твоея исшедшим, угодника Христова Меркурия на единоборство с предводителем рати Батыевой послав, егоже он мечем своим порази и град Твой от запаления огненнаго избави, самого же его венцем мученическим увенчала еси; того молитвами небесными сподоби нас на земли неосужденно взывати к Тебе:

Радуйся, мученика Христова Меркурия на подвиг ратный укрепившая.

Радуйся, гласом от иконы Твоея святыя его воодушевившая.

Радуйся, ико Давида на Голиафа победою его увенчавшая.

Радуйся, града Смоленска крепкое защищение.

Радуйся, град Твой от разорения избавившая.

Радуйся, Избавительнице от плена и поражения.

Радуйся, страны Русския благодатное утешение.

Радуйся, Церкви Христовой боголепное украшение.

Радуйся, любящих Тя присное радование.

Радуйся, Утолительнице печалей.

Радуйся, болящих исцеление.

Радуйся, унывающих в скорбех ободрение.

Радуйся, Богородице Одигитрие, христиан упование.

Кондак 6

Проповедует страна Русская милости и чудеса Твоя, Пречистая Дево Богородице, и град Смоленск светло красуется, имея чудотворную икону Твою, всякия болезни исцеляющую и недужным здравие подающую. Сего ради со благоговением почитаем многоцелебный образ Твой, Госпоже Всеблагая, и покланяющеся ему, яко залогу Твоего к нам благоволения, вопием Богу: Аллилуиа.

Икос 6

Возсияла еси в стране Русстей лучами Божественных чудес от святыя иконы Твоея исходящими, Пречистая Владычице, к нейже от лет древних отцы наши прихождаше в скорбех и болезнех и нетщетны отхождаше. Имже вслед и мы к Тебе приходяще и, с любовию благоговейно лобызая образ Твой чудотворный, молимся Тебе: утоли печали наша, уврачуй недуги наша, да зовем Ти:

К прочтению:  Сильные тексты молитв о сохранении беременности, к кому обращаться и как правильно читать

Радуйся, жезле старости.

Радуйся, вдовиц заступление.

Радуйся, сирот призрение.

Радуйся, младенцев воспитание.

Радуйся, нищих снабдение.

Радуйся, пленных свобождение.

Радуйся, скорбящих утешение.

Радуйся, столпе и утверждение девства.

Радуйся, иноков Покровительнице.

Радуйся, инокинь Наставнице.

Радуйся, постников укрепление.

Радуйся, в подвиге девства подвизающихся вспоможение.

Радуйся, Богородице Одигитрие, христиан упование.

Кондак 7

Хотя даровати граду Москве причастие благодати от святыя иконы Твоея, Владычице Всемилостивая, благоволила еси принести икону Твою от Смоленска в Москву, да тамо пребывая, чудесы многими прославится. Егда же, по умолению жителей Смоленска, возвращашеся образ Твой святый в град их, на месте прохождения иконы Твоея Одигитрии обитель дев во имя Твое сооружена бысть, в нейже под осенением чудотворныя иконы Твоея с верою и любовию воспеваем немолчную песнь Богу: Аллилуиа.

Икос 7

Новосозданная обитель инокинь во граде Москве благоговейно чествует святое подобие чудотворныя иконы Твоея Одигитрии, милости неизреченныя источающей верным, еяже осенением люди православныя благодатно утешаеши и в подвигах поста и молитвы утверждаеши, подвизая их немолчно воспевати матерния Твоя щедроты и благодарно взывати Тебе:

Радуйся, Богом возлюбленная Царице.

Радуйся, Бога возлюбившая Владычице.

Радуйся, едина благословенная в женах.

Радуйся, небесных радование.

Радуйся, земных заступление.

Радуйся, демонов посрамление.

Радуйся, ада попрание.

Радуйся, укрепленная силою Господа сил.

Радуйся, облеченная властию Царицы неба и земли.

Радуйся, воинствующих на плоть целомудрием благая Помощнице.

Радуйся, подвизающихся в посте и безмолвии милостивая Утешительнице.

Радуйся, избавляющая скорбей всяческих.

Радуйся, Богородице Одигитрие, христиан упование.

Кондак 8

Странствие земное многоскорбное и многомятежное услаждаеши нам матерним Твоим о нас попечением, Богородице, и во дни скорбных обстояний помощь святую являеши нам во спасение. Памятуем и исповедуем, Владычице, Твое заступление, егда галлы страну Русскую разориша и град Москву плениша, Ты икону Свою святую Одигитрию от Смоленска в полцы воинства Русскаго благоволила еси принести, и тем вои православныя воодушевила еси, и славную победу им даровала еси, предстательством Твоим к Сыну Твоему и Богу, Емуже поем: Аллилуиа.

Икос 8

Вся милости и щедрот преисполненная, Всеблагая Мати Божия, воинству православному помощь и одоление на враги преславно даровала еси. И егда не бе нам уже спасения надежды, яко и наш град пленен и разорен бысть, галлы с бесчестием от Отечества нашего отгнала еси и победою дивною нас увенчала еси. Всегда памятуя таковое Твое заступление, хвалебно Тебе вопием:

Радуйся, страну нашу Русскую от нашествия иноплеменных предивно избавившая.

Радуйся, гордых силою Своею со стыдом вспять возвратившая.

Радуйся, иноверных ратей Всесильная Победительнице.

Радуйся, православнаго воинства державная пособнице.

Радуйся, иконою Твоею святою с воинами русскими милостивно пребывающая.

Радуйся, чудотворным образом Твоим полки их освящаюшая.

Радуйся, изнемогающих силою свыше укрепляющая.

Радуйся, безпомощным помощь Твою святую подающая.

Радуйся, обидимых правосудная Заступнице.

Радуйся, ненадежных надеждо.

Радуйся, печальных отрадо.

Радуйся, Богородице Одигитрие, христиан упование.

Кондак 9

Вси вернии с радостию и утешением видят образ Твой святый, на немже умиленно взираеши на Богомладенца Христа, сего ради молим Тя, Всеблагая, яко Матерь вся содержащаго в деснице Своей Владыки: воззри и на нас милостивно, и умоли Господа, да помилует нас недостойных. Научи нас, Владычице, молитися Ему благоприятно, и неосужденно пети Ему нескверными усты и чистым сердцем ангельскую песнь: Аллилуиа.

Икос 9

Витийство наше песненное не довлеет к прославлению многих Твоих чудес, Богородице Одигитрие, ихже от святыя иконы Твоея явила еси и присно являеши верным: обаче Ты, яко воистину Благая Мати, веру и усердие наше приими, веси бо и любовь к Тебе нашу, еюже сердца наша пламенеют, и милостивно услыши сия в простоте составленныя похвалы:

Радуйся, обрадованная Приснодево.

Радуйся, Невесто Неневестная.

Радуйся, селение Бога Слова.

Радуйся, обитель Святейшаго святых.

Радуйся, с Сыном Царем небес вечно царствующая.

Радуйся, матернее дерзновение к Нему имущая.

Радуйся, молитвам верных милостивно внемлющая.

Радуйся, любящим Тя любовию Твоею Божественною воздающая.

Радуйся, Сиона горняго украшение.

Радуйся, мира дольняго защищение.

Радуйся, граде спасения нашего.

Радуйся, горо святая, сошествием Божиим прославленная.

Радуйся, Богородице Одигитрие, христиан упование.

Кондак 10

Спаси нас, Владычице, от погибели вечныя матерним предстательством Твоим ко Христу Богу, и сподоби нас узрети Тя в час кончины нашея, от руки лютаго миродержителя душу нашу соблюдающую, да помощию Твоею святою избегнем его сетей и сподобимся Царствие Небесное получити и в радости вечней воспевати Человеколюбцу Богу: Аллилуиа.

Икос 10

Стена еси девам, Богородице Дево, и всем ревнителем девства и чистоты усердная Помощнице. Молим Тя, Пречистая: очисти наша сердца от всякия скверны греховныя, и украси души наша целомудрием и чистотою, да невредимы пребудем от всех искушений мира, плоти и диавола находящих, и сподобимся достойно возглашати Тебе песни таковыя:

Радуйся, добрая Младопитательнице девам.

Радуйся, благосердая Попечительнице сирот.

Радуйся, тихое прибежище обуреваемых страстями.

Радуйся, надежное пристанище смущаемых искушениями.

Радуйся, Мздовоздаятельнице подвижников целомудрия.

Радуйся, Споборнице борющихся со враги невидимыми.

Радуйся, милостивая Посетительнице неповинно осужденных.

Радуйся, благая Утешительнице напрасно оклеветанных.

Радуйся, Божественная Свободительнице сущих в плену и изгнании.

Радуйся, всемощная Покровительнице труждающихся и обремененных.

Радуйся, Судии Праведнаго умоление.

Радуйся, грешных с Богом примирение.

Радуйся, Богородице Одигитрие, христиан упование.

Кондак 11

Пение всеумиленное слышаще от верных рабов Твоих возносимое, Ты, Пречистая Мати Дево, яко имущая милосердие неизреченное, насыти нас пищею нетленною Слова Божия и научи нас всегда исполняти животворныя заповеди Господа нашего, Егоже умоли, Предстательнице наша Всеблагая, да ниспослет милость Свою нам, недостойным, и сподобит нас унаследовати Его всесветлое и всеблаженное Царствие, идеже от всех святых поется Ему хвалебная песнь: Аллилуиа.

К прочтению:  3 текста молитвы Николаю Чудотворцу о зачатии и рождении здорового ребенка

Икос 11

Светлыми лучами чудес Твоих, Богородице Дево, просвещаеши нас благодатно, и от святыя иконы Твоея Одигитрии утешение духовное ниспосылаеши угодникам Божиим; нам же, грешным, дары целебныя подаеши от нея неоскудно, да зовем Ти благодарственно и хвалебно:

Радуйся, Агнца и Пастыря Нетленнаго рождшая.

Радуйся, девство и рождество в Себе сочетавшая.

Радуйся, крине девства, к чистому и девственному житию приводящая.

Радуйся, избранником Божиим любовь Твою святую являющая.

Радуйся, угодником Господним веления небесныя открывающая.

Радуйся, преподобнаго Сергия Радонежскаго посещением Твоим сподобившая.

Радуйся, преподобнаго Кирилла Белоезерскаго гласом от иконы Твоея на Белоезеро направившая.

Радуйся, преподобнаго Савватия Соловецкаго в подвигах пустынных укрепившая.

Радуйся, святителя Митрофана Воронежскаго иконою Твоею облагодатствовавшая.

Радуйся, обителей Христовых покров и снабдение.

Радуйся, рабов Божиих среди мира тайное вразумление.

Радуйся, Богородице Одигитрие, христиан упование.

Кондак 12

Благодать Божия действует в чудесех, преславно являемых от святаго образа Твоего, Преблагословенная Богородице Дево, еюже и наши души просвети, мрак греховный разгоняя сиянием Солнца Правды Христа, да во свете повелений Его богоугодно житие сие временное поживем во всяком благочестии и чистоте, и сподобимся блаженство вечное получити и со избранными пети Богу: Аллилуиа.

Икос 12

Поюще Твоя чудеса, Богородице, проповедуем милости Твоя, прославляем щедроты Твоя неисчетныя и, припадая к чудотворней иконе Твоей, молим Ти ся с верою и любовию: буди нам Путеводительница Благая к светлому граду Иерусалиму Небесному, да узрим Тя с высоты славы Твоея Божественныя на нас милостивно взирающую и вкупе со святыми воспоем Ти сице:

Радуйся, радосте наша пресвятая.

Радуйся, Царице наша преблагая.

Радуйся, усыновившая нас при Кресте Сына Твоего и Бога.

Радуйся, матернюю любовь к нам являющая.

Радуйся, во благих желания наша дивно исполняющая.

Радуйся, скоропослушливая к смиренным молитвам.

Радуйся, покровом Твоим святым нас покрывающая.

Радуйся, ризою Твоею честною благонадежно нас защищающая.

Радуйся, в час кончины нашея всесильная нам Помощнице.

Радуйся, в мытарствах воздушных державная нам Заступнице.

Радуйся, телес наших безмездное врачевание.

Радуйся, душ наших спасение.

Радуйся, Богородице Одигитрие, христиан упование.

Кондак 13

О Всепетая Мати, Царице Всемилостивая Дево Богородице Одигитрие! Приими малое сие моление наше и принеси е Сыну Твоему и Богу нашему, матерне умоляя Его благость, да помилует нас, грешных и недостойных, и Твоего ради всесильнаго ходатайства избавит нас мучения вечнаго, сподобит Царствие Небесное получити и тамо со Ангелы воспевати Богу: Аллилуиа.

(Этот кондак читается трижды, затем икос 1 и кондак 1)

Молитва

О Пречудная и Превышшая всех тварей Царице Богородице, Небеснаго Царя Христа Бога нашего Мати, Пресвятая Одигитрие Марие! Услыши нас грешных и недостойных, в час сей молящихся и к Тебе со воздыханием и слезами пред пречистым Твоим образом припадающих и сице умильно глаголющих: изведи нас от рова страстей, Одигитрие благая, избави нас от всякия скорби и печали, огради от всякия напасти и злыя клеветы, и от неправеднаго навета вражия: можеши бо, о Благодатная Мати наша, от всякаго зла сохранити люди Твоя, и всяким благодеянием снабдити и спасти, разве бо Тебе иныя Предстательницы в бедах и обстояниях и теплыя Ходатаицы о нас, грешных, к Сыну Твоему, Христу Богу нашему, не имамы, Егоже умоли, Владычице, спасти нас и Царствия Небеснаго сподобити, да спасеннии Тобою славим Тя и в будущем веце, якоже спасения нашего Виновницу, и превозносим всесвятое и великолепое имя Отца и Сына и Святаго Духа, в Троице славимаго и покланяемаго Бога во веки веков. Аминь.

Молитва вторая

К кому возопию, Владычице? К кому прибегну в горести моей, аще не к Тебе, Госпоже Владычице Богородице, Царице Небесная? Кто плач мой и воздыхание мое приимет, аще не Ты, о Пренепорочная, надеждо христиан и прибежище грешным? Приклони, о Пречистая Владычице, ушеса Твоя к молению моему. Мати Бога моего, не презри мя, требующа Твоея помощи, услыши стенание мое и вопль сердца моего внуши, о Госпоже Богородице Царице. И подаждь ми радость душевную, подкрепи мя нетерпеливаго, унылаго и нерадиваго к Твоему хвалению. Вразуми и научи мя, како Тебе молитися подобает, и не отступи от мене, Мати Бога моего, за роптание и нетерпение мое, но буди ми покров и заступление в жизни моей и приведи мя к тихому пристанищу блаженнаго онаго покоя, и сопричти мя к лику избраннаго Твоего стада и тамо удостой мя воспевати и славити Тя во веки. Аминь.

Тропарь, глас 4

К Богородице прилежно ныне притецем, грешнии и смиреннии, и припадем, в покаянии зовуще из глубины души: Владычице, помози на ны милосердовавши, потщися, погибаем от множества прегрешений, не отврати Твоя рабы тщи, Тя бо и едину надежду имамы.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Ин кондак, глас 6

Не имамы иныя помощи, не имамы иныя надежды, разве Тебе, Владычице, Ты нам помози, на Тебя надеемся и Тобою хвалимся, Твои бо есмы раби, да не постыдимся.

Оцените статью
Православный религиозный информационный сайт на все случаи жизни