Каждый человек хотя бы раз в жизни сталкивается с финансовыми трудностями. И часто решить самостоятельно возникшие денежные затруднения бывает сложно. Среди Богородичных святых образов, находящихся на Афонской горе, имеется особая икона – «Экономисса», молитвы к которой помогают в решении финансовых проблем. Но прежде, чем просить о помощи Пречистую Матерь, нужно ознакомиться с особенностями святого образа и молитвенные текстами, обращенными к «Экономиссе».
Значение иконы «Экономисса» в православии
История иконы «Экономисса» началась в конце X века, после основания старцем Афанасием обители на Святой Горе Афон. Один из годов оказался неурожайным, принеся голод на святую землю. Почти все монахи покинули лавру.
Дольше всех продержался Афанасий, но однажды и он решил уйти с монастырской земли. Но дорогу иноку преградила незнакомая женщина, назвавшаяся Матерью Господа и велевшая ему вернуться обратно. Удивленный Афанасий не поверил Богородице. Но Божья Матерь приказала монаху стукнуть посохом по камню, из которого сразу же забил чудодейственный источник. После этого Богоматерь сказала, что с этих пор она будет охранять обитель, став его Экономиссой (Домостроительницей).
Вернувшись в монастырь, старец увидел полные закрома. Голод покинул обитель, монахи возвратились на Святую Гору. С тех пор нужда обходила лавру. А монахи запечатлели образ Богородицы-Экономиссы, написав икону.
Домостроительница относится к иконографическому типу Всецарица. О значении иконы можно судить по особенностям изображения Богородицы, восседающей на троне:
- На Царице Небесной надеты царские одежды;
- корона над головой Богоматери удерживается двумя ангелами;
- мафорий Богородицы украшен тремя звездами, расположенными на голове и на плечах;
- по обеим сторонам от Девы Марии находятся святые: Афанасий Афонский с миниатюрной копией Лавры и Михаил Синадский со свитком в руках;
- на левой руке сидит Богомладенец;
- десница поднята для благословения святого Афанасия.
На некоторых иконах у подножия царского трона изображены монахи, занимающиеся строительством лавры. Чуть левее – явление Богородицы святому Афанасию.
Почитание иконы «Домостроительница» проходит раз в году, совпадая с днем памяти святого Афанасия Афонского – 18 июля по новому календарю (5 июля по старому стилю). Чудотворная икона является связующим звеном между духовной и материальной сферой жизни человека, помогая утвердиться в вере. С начала своего существования святой образ никогда не покидал Лавры, прославившись множеством чудес, исцеляя и спасая людей от голода.
Как правильно молиться и о чем просить перед образом «Домостроительницы»
С иконой «Экономисса» связано множество чудесных историй. Многие люди стремятся попасть на Афонскую гору, желая поклониться чудотворному образу. Но для посещения святого места нужно специальное разрешение, которое оформить не очень легко, да и допускаются на гору лишь мужчины.
Но существует несколько списков, написанных с «Домостроительницы». Один из них находится в Московском Всехсвятском храме. Кроме того, иконы «Экономиссы» можно приобрести почти в каждой церковной лавке.
Молясь перед образом «Домостроительницы», просят помочь:
- улучшить жилищные условия;
- поправить финансовые дела;
- наладить семейные отношения;
- получить достойную работу либо продвинуться по службе.
Обращаться к «Экономиссе» могут не только бедные, обездоленные люди. Священный образ помогает и состоятельным людям, желающим начать новое дело либо расширить прежний бизнес, так как благодаря открытию нового дела появляются рабочие места для нуждающихся. Главное условие – честно вести дела, не причиняя никому зла.
Молитвы перед иконой Богородицы оказывают моральную поддержку, избавляя от уныния, депрессии. Молитвенные обращения читают также при возникновении греховных мыслей и желаний.
Как и при обращении к любому святому образу, во время молитвы перед иконой «Экономиссы» соблюдают определенные правила:
- выбирают для молитвы уединенное, тихое место;
- молятся утром либо вечером перед сном;
- перед иконой зажигают лампаду или церковную свечу;
- при чтении священных слов строго придерживаются написанного текста;
- читают молитвенный текст искренне, с глубокой верой к Господу, вникая в смысл написанного.
Во время чтения молитвы важно помнить, что не следует волшебным образом ожидать чудесного обогащения. Православный христианин, в первую очередь, должен заботиться о спасении своей души, а не выпрашивать денег у Господа. А Всевышний через святой образ Богородицы обязательно проявит свою милость, благословив на строительство дома либо получение хорошей работы.
Текст молитвы перед иконой Божьей Матери
Ежегодно 18 июля во всех храмах проходит торжественное богослужение, посвященное Богородице «Экономисса». В праздничную службу входит чтение тропаря и специальной молитвы.
Но молитвенное прошение можно произносить не только в праздничный день, но и когда возникает особая нужда в помощи Богоматери. Начинают молиться с обязательного поклона святому образу. Сначала произносят слова тропаря, который звучит следующим образом.
Тропарь, глас 4
Предста́тельство стра́шное и непосты́дное,/ не пре́зри, Блага́я, моли́тв на́ших,/ Всепе́тая Богоро́дице, Ми́лостивая ве́рных Домострои́тельнице,/ утверди́ правосла́вных жи́тельство,/ спаси́ страну́ на́шу/ и всех правосла́вно живу́щих в ней защити́,// зане́ родила́ еси́ Бо́га, Еди́на Благослове́нная.
Перевод
Защита дивная и неустрашимая, не отвергни, Благая, молитв наших, Воспеваемая всеми Богородица, Милостивая Управительница дел верующих, укрепи государства православные, спаси страну нашу и всех православно живущих в ней защити, поскольку Ты родила Бога, Единственная Благословенная.
Затем приступают к чтению молитвы.
Молитва Пресвятой Богородице пред иконой Ея «Экономисса»
«О, Пречи́стая Влады́чице Богоро́дице, Всечестнейшая на́ша Ма́ти Игу́мение все́х правосла́вных святы́х оби́телей и́ноческаго жития́, во Святе́й Горе́ Афо́нстей и по все́й вселе́нней су́щих! Приими́ смире́нная моле́ния на́ша и принеси́ я́ ко всеще́дрому Бо́гу на́шему, да спасе́т души́ на́ша Свое́ю благода́тию. Воззри́ на ны́ милосердным Твои́м о́ком и соверши́ Сама́ о Го́споде на́ше спасе́ние, поне́же без ми́лости Спа́са на́шего и Твоего́ свята́го о на́с хода́тайства не возмо́жем окая́ннии соверши́ти своего́ спасе́ния, я́ко окаляхом житие́ на́ше в суетах мирски́х, и́бо вре́мя прибли́жися жа́твы Христо́вы и де́нь Стра́шнаго Суда́ приспе́. Мы́ же, окая́ннии, погиба́ем в бе́здне грехо́вней нераде́ния ра́ди на́шего, по рече́нному от святы́х отце́в, первонача́льников а́нгельскаго во пло́ти жития́, я́ко после́днии мона́си нераде́нием жития́ своего́ уподобятся мирски́м челове́ком, е́же и сбы́ся дне́сь, и́бо после́днее и́ночество на́ше плавает житие́м свои́м в мо́ри жите́йском, посреде́ вели́кия бу́ри и непогоды, и́бо на́ша святы́я оби́тели во прасе пребыва́ют, грехо́в бо ра́ди на́ших всепра́ведный Судия́ Госпо́дь на́ш Иису́с Христо́с та́ко благоволи́, мы́ же, недосто́йнии, не и́мамы, где́ главы́ подклони́ти».
После чтения молитв рассказывают Богородице о своей проблеме, благодарят Царицу Небесную и Господа за все имеющиеся блага.
Полный текст акафиста на русском языке
Молитва и тропарь, обращенные к «Экономиссе», неразрывно связаны с акафистом – церковным гимном. Акафист обязательно исполняется в дни почитания святого образа. Текст акафиста довольно большой, состоит из 13 кондаков и икосов, поэтому заучивать его наизусть не обязательно. Допускается чтение гимна с листа.
Акафист
Кондак 1
Избранней от всех родов Пресвятей Деве Богородице, Спасителя и Бога нашего Иисуса Христа плотию рождшей, яко Владычице небесе и земли, похвальное приносим пение. Ты же, любвеобильная наша Мати, сохраняй и спасай нас от всех врагов видимых и невидимых, да со умилением зовем Ти: Радуйся, Благая Домостроительнице, житие наше добре устрояющая.
Икос 1
Ангелов лицы и вся Небесныя Силы Тебе, Царице Небесная, благоговейно служат и немолчными гласы Тя ублажают; мы же, земнороднии, Тебе, яко Всемилостивую Владычицу и Всеблагую Матерь нашу почитаем и с любовию вопием:
Радуйся, от всех родов Богом избранная.
Радуйся, девственною чистотою, яко диадимою, увенчанная.
Радуйся, благоволением Отца Небеснаго осененная.
Радуйся, Духа Святаго обитель священная.
Радуйся, Христа Бога нашего Мати Неискусобрачная.
Радуйся, от корене Давидова отрасле многоплодная.
Радуйся, скорая человеком Помощнице.
Радуйся, спасающимся в Царствие Божие Руководительнице.
Радуйся, Благая Домостроительнице, житие наше добре устрояющая.
Кондак 2
Видяще Тя на иконе Твоей с Богомладенцем Христом на престоле возседающую, пред нимже преподобнии Афанасий Афонский и Михаил Синадский с благоговением Сыну Твоему Божественному и Тебе, Пречистей Его Матери, покланяются, величаем Тя, яко Благую Попечительницу и Покровительницу иноков Святыя Горы Афонския, под Твоим пречестным омофором пребывающих и непрестанно Спасителю Богу о Тебе поющих: Аллилуиа.
Икос 2
Разум человеческий постигнути не может великаго Твоего милосердия к людем, ихже Сын Твой и Бог на Кресте Кровию Своею честною от грехов искупи, ниже исчислити множество благодеяний и чудотворений, Тобою нам низпосылаемых, но, покланяяся святей Твоей иконе, Пресвятая Дево, и со умилением ю лобызающе, из глубины сердца взываем Ти:
Радуйся, любве всесветлое жилище.
Радуйся, милостей Господних сокровище.
Радуйся, цвете Божественнаго прозябения.
Радуйся, радосте всемирнаго заступления.
Радуйся, Ангелов и святых ликование.
Радуйся, иноков и инокинь украшение.
Радуйся, с верою Тебе молящихся скорая Услышательнице.
Радуйся, душ и сердец наших надежная Успокоительнице.
Радуйся, Благая Домостроительнице, житие наше добре устрояющая.
Кондак 3
Силу Божественныя благодати милостивно даруеши, Преблагословенная Мати, всем во святем уделе Твоем — Горе Афонстей подвизающимся и иноческим житием Сыну Твоему и Спасителю нашему Иисусу Христу благоугождающим и вопиющим Ему непрестанно: Аллилуиа.
Икос 3
Имеют Тя воистину Благую Домостроительницу иноков чини во святей Лавре преподобнаго Афанасия подвизающиися, имже Ты в залог благоволения Своего милостиво даровала еси чудотворную икону Твою «Экономисса» именуемую; сего ради вопием Ти:
Радуйся, Святыя Горы Афонския неусыпная Хранительнице.
Радуйся, иноков афонских Благая Попечительнице.
Радуйся, Христовых подвижников небесная славо.
Радуйся, пустынножителей Божественная отрадо.
Радуйся, духовнаго сада в жребии Твоем Насадительнице.
Радуйся, благочестиво живущих в райския обители Руководительнице.
Радуйся, монашествующих Верховная Игумение.
Радуйся, святых обителей окормление и радование.
Радуйся, Благая Домостроительнице, житие наше добре устрояющая.
Кондак 4
Бурю недоумений в себе превозмогая, преподобный Афанасий, оставивый обитель свою, и сретив Тя на пути, вопрошаше Тя, Пресвятая Дево: «Кто Ты еси и како семо вошла еси? И почто Тебе ведати, камо гряду?» На егоже словеса, яко чрез глад оставил есть место святое сие, отвещавала еси ему, Мати Божия: «Аз помогу ти, обаче не оставляй Лавры своея, прославитися бо имать посреде обителей афонских, в нейже иноцы выну воспевати будут ангельскую песнь Богу: Аллилуиа».
Икос 4
Слышав от Тебе, Преблагая Владычице, яко Ты еси Матерь Господа Иисуса Христа, зело удивися преблаженный старец и, знамения от Тебе испросивши во уверение истинности обетования Твоего, со умилением сердечным возопи Ти сице:
Радуйся, в женах Преблагословенная.
Радуйся, Мати Господня и наша Всеславная.
Радуйся, Божественная радосте Ангелов и человеков.
Радуйся, прибежище кающихся грешников.
Радуйся, славити Бога нас научающая.
Радуйся, лествице, от земли на небо приводящая.
Радуйся, иноков усердная Хранительнице.
Радуйся, милостивая наша Ходатаице и Заступнице.
Радуйся, Благая Домостроительнице, житие наше добре устрояющая.
Кондак 5
Боготечною звездою являешися, Царице Небесная, всем ищущим спасения и под кров Твой всемощный прибегающим, к Солнцу Правды сих приводиши, да во умилении сердечнем вопиют Богу: Аллилуиа.
Икос 5
Видяще преподобный Афанасий, яко, по глаголу Матери Божия, от ударения посоха его вода из камене истече, со благоговением к ногам Ея пречистым припасти восхоте, обаче Дева Пресвятая в тойже час невидима бысть. Мы же пред велиим чудом сим благоговения исполняяся, воспеваем Преблагословенней тако:
Радуйся, душ наших верное спасение.
Радуйся, всех скорбящих утешение.
Радуйся, Святыя Горы Афонския Просветительнице.
Радуйся, всея вселенныя Попечительнице.
Радуйся, надежное прибежище всем кающимся.
Радуйся, тихое пристанище от бед страждущих.
Радуйся, всех притекающих к иконе Твоей покровом Твоим осеняющая.
Радуйся, гласу моления всех скорбящих внимающая.
Радуйся, Благая Домостроительнице, житие наше добре устрояющая.
Кондак 6
Проповедником чудес Твоих, Преблагая Владычице, явися преподобный Афанасий, егда по возвращении во святую обитель свою со изумлением велиим обрете кладовыя ея всем потребным преисполненныя. Сего ради прославляя попечение Твое о всех на Тя уповающих, Мати Божия, со умилением вопием Богу: Аллилуиа.
Икос 6
Возсия неизреченный свет Твоея благости, Преблагословенная Дево, всем скорбящим, плачущим и во искушении сущим: слышащи бо наша слезныя молитвы, подаеши всем чудесное от бед избавление, восхваляющим Тя за милости Твоя тако:
Радуйся, Спасителя мира рождшая.
Радуйся, мир от потопа греховнаго спасшая.
Радуйся, знамение милости Божия Собою нам являющая.
Радуйся, явлением чудес от святыя иконы Твоея всех увеселяющая.
Радуйся, скорби и слезы наша в радость претворяющая.
Радуйся, страждущих и безпомощных невидимо укрепляющая.
Радуйся, всех праведных любящая.
Радуйся, кающихся грешников милующая.
Радуйся, Благая Домостроительнице, житие наше добре устрояющая.
Кондак 7
Хотя Всемилостивый Господь явити Свою Божественную любовь к созданию Своему, дарова нам Твою, Богомати, икону, «Экономисса» именуемую, да видяще чудеса, от нея бываемая, вси людие с верою и надеждою умиленно взывают Подателю благ: Аллилуиа.
Икос 7
Новое свидетельство невидимаго присутствия Твоего показала еси нам, Небесная Царице, егда в Лавре святаго Афанасия послушание эконома упразднила еси, Сама Экономиссою обители сея быти восхотевши и все попечение о ней Себе усвоивши. Темже смиренно молим Тя, Пречистая: не остави помощию Твоею и нас, вопиющих Ти сице:
Радуйся, бисер Божественный произведшая.
Радуйся, чистотою Своею тварь превозшедшая.
Радуйся, двери райския нам отверзающая.
Радуйся, святостию Своею Небеса украшающая.
Радуйся, благовестие Небеснаго Отечества.
Радуйся, духовный крине православнаго монашества.
Радуйся, о роде человечестем усердная Молитвеннице.
Радуйся, во гресех погибающих нечаянная спасения радосте.
Радуйся, Благая Домостроительнице, житие наше добре устрояющая.
Кондак 8
Странники и пришельцы есмы на земли, обаче Ты, Владычице, облегчаеши многоскорбное житие наше, подающи помощь, утешение и радость духовную. Сего ради, покланяяся Тебе в чудотворных иконах Твоих, Богу, Тобою нам благодеющему, во умилении сердечнем вопием: Аллилуиа.
Икос 8
Всем во Святей Горе Афонстей жительствующим утешительно есть возносити моления своя на месте явления Пресвятыя Богородицы святому Афанасию и пред иконою, совершившееся зде чудо изображающей, воспевати Преблагословенней Деве хваления таковыя:
Радуйся, на небеси благословляемая и на земли славимая.
Радуйся, всея твари честнейшая.
Радуйся, Божественный источниче сладчайшия сладости.
Радуйся, Дево Пречистая, преисполненная неизреченныя радости.
Радуйся, всего мира Божественное утешение.
Радуйся, рода человеческаго надеждо и упование.
Радуйся, от бед и напастей наша Охранительнице.
Радуйся, ко благочестию Всеблагая наша Наставнице.
Радуйся, Благая Домостроительнице, житие наше добре устрояющая.
Кондак 9
Все упование наше на Тя возлагаем, Мати Божия, вемы бо, яко милосердию Твоему несть конца: Ты бо и грешных милуеши, и погибающих взыскуеши, и печальных возвеселяеши, и недужных от одра болезненнаго возставляеши, и непрестанно о нас ходатайствуеши пред Сыном Твоим и Богом нашим, Емуже мы с любовию поем: Аллилуиа.
Икос 9
Ветии многовещаннии не могут исчести бездну щедрот Твоих, Всеблагая Мати, роду человеческому Тобою изливаемых. И мы, сладость утешения в нуждах и печалех наших познавше, с верою и любовию пред образом Твоим чудотворным моления возносим Ти сицевая:
Радуйся, всея вселенныя Державная Владычице.
Радуйся, спасения нашего присная Ходатаице.
Радуйся, Бога Отца Дщи возлюбленная.
Радуйся, Сына Божия Мати Пресвятая.
Радуйся, Бога Духа Святаго палато прекрасная.
Радуйся, небеси и земли Царице всепетая.
Радуйся, болящих Милосердная Целительнице.
Радуйся, вдов и сирот незримая Питательнице.
Радуйся, Благая Домостроительнице, житие наше добре устрояющая.
Кондак 10
Спасения залог от обдержащих нас скорбей и болезней даровася нам изображение честныя иконы Твоея, Богородительнице Дево, да вси, видяще являемую Тобою милость, вопиют со умилением Богу: Аллилуиа.
Икос 10
Стена еси ликом иноческим, Богородице Дево, и всем усердно к Тебе прибегающим, ибо небесе и земли Творец дарова мирови Тя, Матерь Свою, да будеши всем земнородным в помощь и спасение. Сего ради, предстояще пред образом Твоим святым, благоговейно воспеваем Тя пении сими:
Радуйся, всю вселенную любовию покрывающая.
Радуйся, от пагубных сетей верныя спасающая.
Радуйся, ангельских умов удивление.
Радуйся, человеческаго рода украшение.
Радуйся, спасения нашего главизно.
Радуйся, радосте наша и в сей, и в будущей жизни.
Радуйся, молитвам верных милостивно внемлющая.
Радуйся, любящим Тя любовию Твоею воздающая.
Радуйся, Благая Домостроительнице, житие наше добре устрояющая.
Кондак 11
Пение всеумиленное приносим Ти, небесе и земли Царице, и благодаряще Сына Твоего и Бога нашего за вся Его благодеяния нам, недостойным, ходатайством Твоим подаваемыя, со благоговением вопием Ему: Аллилуиа.
Икос 11
Светоприимную свещу зрим Тя, Владычице наша Богородице,:образ бо Твой святый немерцающими лучами благодати Твоея мглу греховную прогоняет и на светлую стезю добродетелей наставляет с верою зовущих Ти сицевая:
Радуйся, Юже воспевают Небесная Воинства.
Радуйся, Юже превозносят сонмы святых.
Радуйся, радость велию всему роду человеческому даровавшая.
Радуйся, православным христианом путь спасения указующая.
Радуйся, радосте Божественнаго веселия.
Радуйся, мира всего покрове и спасение.
Радуйся, тихое пристанище странствующим.
Радуйся, блаженное покоище старости.
Радуйся, Благая Домостроительнице, житие наше добре устрояющая.
Кондак 12
Благодать Божественную подаждь нам, Пречистая Мати, да сею вспомоществуеми, по пути спасительному шествовати возможем и житием добродетельным Господу нашему угодити потщимся, Емуже непрестанно поем: Аллилуиа.
Икос 12
Поюще милости Твоя и величие Твое прославляя, Владычице наша Богородице, радуемся о Тебе, яко имамы таковую всеблагую и премилосердную Заступницу и Ходатаицу о нас пред Богом, и с любовию воспеваем Ти сице:
Радуйся, Купино Неопалимая.
Радуйся, Стено Нерушимая.
Радуйся, иноческих обителей покров и снабдение.
Радуйся, благочестивых домов и супружеств благословение.
Радуйся, скорбных утешающая.
Радуйся, недужных исцеляющая.
Радуйся, слабым и старым Помощнице.
Радуйся, алщущим и жаждущим Питательнице.
Радуйся, Благая Домостроительнице, житие наше добре устрояющая.
Кондак 13
О Всепетая Мати, Преславная Владычице Богородице! Приими сия моления наша, от всея души Тебе ныне нами возносимыя, и Сына Твоего и Бога нашего о нас умоли, Емуже покланяемся во Святей Троице и со умилением поем: Аллилуиа.
Этот кондак читается трижды, затем Икос 1 («Ангелов лицы и вся Небесныя Силы…») и Кондак 1 («Избранней от всех родов…»).