Табынская икона Пречистой Девы – одна из святынь православной церкви. Ее чудесное явление людям, множество исцелений, полученных по молитвам перед образом, обросли легендами. Икона Божией Матери, называемая Табынской, несколько веков защищала православных от бед и несчастий. Тысячи русских христиан с надеждой и верой ждут нового явления чудесного образа, неустанно молятся о Божьей милости для обретения святыни.
Иконография
Образ считают копией (списком) знаменитой и почитаемой Казанской иконы Божией Матери. Датируется 10-12 веком. Образ выполнен в манере греческой иконописи – схожий способ отделки доски, используемые краски, характер рисунка. Размер – 106х74 сантиметра или немного больше.
Тип изображения – Одигитрия с погрудным изображением Богородицы с Божественным Сыном на руках. Отличия с оригиналом незначительные:
- затемненные лики младенца Христа и Марии;
- корона на голове Девы;
- больший размер;
- Богородица низко склоняется к Младенцу, их головы почти касаются.
Дева Мария указывает на Христа, предлагает людям следовать Его заповедям, определяет путь христианам. Лики Иисуса и Богоматери едва различимы, темные. Икона в момент обретения уже была древней, потемневшей от времени, что рождало особый трепет и почитание у христиан и мусульман.
Отметим, что на многочисленных списках Табынской святыни иконописцы сохраняли особенность изображения лиц, делали их темными. Изображение никто не пытался обновить, сделать ярче и светлее. Легенды гласят, что узреть лики в свете и величии могут только те, кого посчитает достойными сама Богородица.
Справка: ученые-этнографы считают, что история чудотворного образа связана с приходом первых русских христиан на Южный Урал в 8-10 веках.
История появления
Икона Богородицы была обретена чудесным образом, явлена Божьей милостью. По существующим источникам, это произошло в конце 16 века (1590-е годы).
Монах из Воскресенской пустыни (Башкортостан, вблизи станицы Табынская) вечером возвращался с работ в обитель. Его путь пролегал вблизи соляного источника. Внезапно Амвросий услышал голос, четко произнесший «Возьми мою икону». Испуганный монах посчитал это кознями лукавого, дьявольским наваждением и быстро прошел мимо.
Проходя этой же дорогой через день, иеромонах вновь услышал глас, призывавший принять икону в Божий храм. Поборов смущение, Амвросий огляделся и между двумя источниками обнаружил стоящую на камне икону Богородицы. Он бегом добрался до обители, призвал братьев.
Монахи с трепетом забрали образ Божьей Матери и с молитвами перенесли в монастырский храм. Придя утром на службу в церковь, они поняли, что чудесная находка исчезла. После недолгих поисков братия нашла образ на монастырских воротах. Икону Пречистой Девы вновь поместили в церковь, но на следующее утро история повторилась.
Монахи приняли Божью волю, выстроили часовню на месте, которое икона избрала сама. Молитвенное почитание дивного образа проводили в часовне. Икона сразу прославилась как чудотворная, о ней заговорили, по месту обретения нарекли Табынской. На поклонение стекались православные из окрестных селений, слава дошла до Уфы и столицы.
Потери и явления
Чудотворную икону затребовали в Уфу и Казань, чтобы убедиться в ее великой силе. Но образ там своего места не обрел, святыня была утеряна. Спустя недолгое время Богородица Табынская вновь была найдена вблизи соляного источника на прежнем месте. Царь Федор, наслышанный об истории Табынской иконы, выделил монастырю новые земли. Образ Богородицы почитался на месте обретения в отстроенном Пречистенском монастыре.
Во время смуты и башкирского восстания обитель разграбили и разрушили, церкви сожгли, следы святыни были потеряны на несколько десятилетий. Следующее чудесное явление образа случилось в 1765 году. Икону, стоящую на том же камне, обнаружили пастухи-башкиры. Они не верили в «русского Бога», в злобе разбили икону топорами. За святотатство тут же пришло наказание – все трое внезапно ослепли.
Испуганные и ужаснувшиеся содеянному башкиры молили простить их, вернуть зрение. Особенно истово молился юный пастух, к которому вскоре зрение вернулось. Он привел ослепших товарищей к соленому источнику. После того, как они с молитвами промыли глаза, Божья Матерь явила милость, пелена с глаз упала, они стали видеть.
Прибежавшие к водоему православные увидели потерянную святыню, перенесли образ в самую ближнюю церковь. Наутро икона была обнаружена в храме Вознесения в станице Табынская. Здесь святыню и оставили на поклонение.
Воду в ключах с той поры почитают святой. Юный пастух принял православие, прожил долгую благочестивую жизнь, прославился подвижничеством. Скончался в преклонном возрасте (130 лет), совершая крестный ход во славу Табынской святыни.
Последние достоверные сведения о пребывании иконы Богородицы в России относятся к периоду гражданской войны. Красные прервали крестный ход с образом Табынской Богородицы, бросили святыню на дороге. Икону нашли казаки атамана Дутова, образом благословляли казачье войско на битвы.
Атаман вывез икону в Китай, где Табынская Божья Матерь до 1948 года бережно хранилась в монастыре в Харбине. Слава святыни была так велика, что даже нехристиане-китайцы почитали ее чудесной, считали, что она приносит удачу. Обеспокоенный началом культурной революции в Китае архимандрит Филарет вывозит Табынскую икону сначала в Австралию, затем в США.
Чудеса
Образ Богородицы Табынской почитается православными как чудотворный. Икону считают покровительницей Уральского региона – огромной территории, включающей Башкортостан, Поволжье, Оренбургскую область, Сибирь.
Богородица являла исцеления по молитвам перед Табынской иконой, помогала людям в несчастьях и бедах. С середины 19 века ежегодно совершались крестные ходы с образом, сопровождаемые многими чудесами – открывались целебные источники со святой водой, люди, прошедшие даже небольшую часть пути, обретали душевное и телесное здоровье.
Чудеса, явленные образом:
- Середина 19 века – время страшных эпидемий холеры на Урале. Болезнь выкосила значительную часть населения Оренбурга, Стерлитамака, других поселков. Холера отступила после первого крестового хода в 1853 году с чудотворным образом. С тех пор крестный ход совершали ежегодно.
- В 1861 году засуха в Уфимской губернии грозила голодом, в населенных пунктах свирепствовали пожары. Особенно пострадал Стерлитамак. Во время крестного хода, по молитвам перед Табынским образом, начался проливной дождь, он продолжался несколько дней. Угроза голода миновала.
- Во время крестных ходов благодать, исходящая от Богородицы, помогла исцелиться множеству хромых, слепых, страждущих.
- Известно немало случаев, когда икона не желала посетить определенное место, внести ее в поселок не удавалось. Так святой образ обличал место преступления, совершения страшного греха.
После вывоза Табынской святыни из страны чудотворение происходило на месте обретения иконы, по молитвам перед списками:
- Божья Матерь предстала перед монахами рядом с источником, где была найдена святыня, благословила воду в 50-х годах 20 века;
- вблизи ключа излечился от болезни ног юноша, ставший впоследствии священником;
- обрел зрение после молитв у источника маленький мальчик.
Места, связанные со святым образом, дарят милосердие только достойным. Как чудеса зафиксированы случаи, когда у отъявленных грешников, вместо улучшения, наступало ухудшение состояния, как напоминание о необходимости покаяния.
Справка: православные совершают паломничество в храмы, где хранятся чтимые списки святыни – Смирновск (Челябинская губерния), село Табынское, Красноусольск.
Значение в православии
Богородица на иконах типа Одигитрия склоняет голову к Сыну и указывает на Младенца Иисуса – Спасителя и Учителя. История православной церкви знает немало примеров чудесного обретения великих икон во времена, когда поддержка Небесной заступницы России была жизненно необходима.
Образ был обретен, когда шло освоение Урала и Сибири. Первые православные шли на восток, обживали новые земли. Появление Табынского чуда воспринималось как благословение на установление православия, распространение христианской веры, которую несли русские.
Табынская икона укрепляла веру православных, о явленных чудесах говорили даже некрещеные, слава образа распространялась быстро, дошла до столицы. По молитвам перед иконой свершилось немало чудес, изображение Богородицы на время исчезало из поля зрения верующих, затем с торжеством появлялось, даруя новые милости.
Местоположение образа
Следы Табынской иконы пока отыскать не удается. Ее история обросла множеством легенд и версий. По разным данным, подлинник святыни может находиться:
- Кульджа, Шанхай (Китай);
- Париж;
- Ватикан;
- Сан-Франциско, предположительно частная коллекция;
- Австралия.
При епархии Уфы создан отдел поиска Табынской Богородицы. Но милости Божьей Матери на обретение образа православными России пока нет.
Почитание и дни памяти
Днем памяти и почитания считается 9 пятница Пасхи. В этот день Богородица даровала свой образ в чудотворной иконе. Торжественные литургии служат во всех православных храмах. Главные празднества проходят на Святых Ключах, где собираются многие тысячи верующих.
Уважением и почитанием пользуются несколько известных списков Табынской иконы:
- Синьцзяньский;
- Уфимский;
- Оренбургский.
В Богородице-Табынском женском монастыре в Башкортостане свято чтут список Табынской иконы, прославившийся мироточением.
О чем просят перед образом
Икона «Табынская» даровала православным много чудес – она помогает отдельным людям, спасала целые города и селения. О чем можно просить Богородицу перед ее Табынским образом:
- о здоровье, исцелении, избавлении от телесных мук;
- об утраченном душевном равновесии, избавлении от эмоциональных страданий;
- о защите в период эпидемий, во время серьезного риска для здоровья;
- об обретении стойкой веры, при желании побороть греховные страсти и дурные помыслы;
- о даровании стойкости в борьбе с вредными привычками.
Обращаться к Божьей Матери можно в любых нуждах, главное – делать это искренне, принося покаяние в грехах и заблуждениях. В трудных жизненных ситуациях, неблагополучии в семье и на службе можно рассчитывать на помощь по молитвам перед иконой. Особенную поддержку Богородица дарует при молитвах за детей.
Тексты
Молиться перед иконой Богородицы можно своими словами, высказывая свои нужды и желания. Следует приобрести освященный в церкви образ, перед молитвой зажечь свечу. Канонические тексты читают в храмах, славя Богородицу, явившую нашей земле славный образ.
Тропарь
Тропарь, глас 4
Наста днесь пресветлый праздник, Пречистая Дево, честныя Твоея Табынския иконы, Владычице, яже паче лучей солнечных возсия, от Источника приснотекущаго, Христа, Бога нашего, источаеши целебныя дары с верою к тебе притекающим, Тя бо Христос Помощницу людем Своим дарова, покрывати и спасати от всякия беды рабы Своя, едину Благословенную.
Кондак
Взбранной Воеводе рода христианскаго и страны нашея известней Избавительнице, хвалебныя песни принесем вернии Деве Владычице Богородице. Ты же яко имущая милосердие неизреченное, от всяких нас скорбных обстояний свободи, да с любовию зовем Ти: Радуйся, Похвало Табынская, и всего мира Надеждо и Утешение.
Канон
Песнь 1
Ирмос:
Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.
Радости исполнишася вси концы Уральския земли, Пресвятая Дево, во спасение бо наше икону Твою явила еси и рекла еси: да потщится братия богоспасаемыя обители сея прияти Мя во храм Господа Моего. Нас же не остави убогих, и да приимем образ Твой святый в храмы сердец наших, вопиюще: радуйся, Благодатная.
Во он день инок Амвросий, мимоходя источника, услыша под сению древес глаголы Твоя, Богородице, и абие обрет на велием камени икону Твою. Нас же сподоби сея радости причастники быти, имущих Тя пред Богом Ходатаицу.
Удивишася братия Вознесенския обители явлению Твоему, Пресвятая Дево, и, со тщанием вкупе собравшеся, последоваху Амвросию, и, узревше древле писанную икону Твою, Богородице, с радостию воспеша ко Господу, ублажающе Тя, яко Матерь Божию. Мы же, тожде творяще во бдении сем, да улучим от Бога милость и помощь Твою, Владычице.
Велие чудо бысть во обители, егда заутра икона обретеся во вратех. Иноцы же познавше о сем волю Твою, Пречистая, яко Вратарницу прославиша Тя и храм зде создаша. Нас же, яко юродивых дев, не отрини, да обрящемся во вратех рая вожделеннаго, выну поюще Господеви: Аллилуия.
Слава: Вкупе собрашася братия, песнь Ти воспеша и поведаша вся бывшая воеводе Уфимскому и архиерею града Казани. Той же, познав чудеса Твоя, Владычице, повеле чтити Тя соборне. Тако и мы ныне веселимся божественне и в радости воспеваем Тя.
И ныне: Паче злата всякаго блистающая и утра солнечнаго светлейшая, радуйся, Вратарнице, Жилище Христово, радуйся, Одигитрие, радуйся, Дево, радуйся, Невесто Неневестная.
Песнь 3
Ирмос:
Твоя песнословцы, Богородице, Живый и Независтный Источниче, лик себе совокупльшия, духовно утверди, в Божественней Твоей славе венцев славы сподоби.
Буря крамолы разори пустынь Твою, Богородительнице, но Ты, Чистая, сподвигла еси честнаго игумена Евфимия, да укрепит братию на муки смертныя. Нам же стояние пустыни сея образ бысть духа крепости и терпения, да воздвигнем гласы своя, поюще чистую веру Православную.
Егда старец Иона возжела паки создати обитель Твою, Богородице, испроси у царя Московскаго повеление на сие и, к трудом труды приложив, воздвиже Тебе, Пречистая, пустынь, да во веки прославится имя Твое в заблуждших языцех и да почтут Бога истиннаго. Нас же в любви Твоей утверди, Мати Истины.
Гора разверзе утробу свою молитвами Твоими, Чистая, и абие струи источник сланых вод людем Твоим источи, аки манну древле в пустыни Синайстей. Нам же, Пречистая, низпосли манну чудес Твоих, да не взалчем во веки.
Людие острога соловарнаго зряще таковую милость Твою, воздвигоша иконе Твоей церковь Божию, да святых чини честно Ти послужат и мирстии концы поклонятся. Нас же сподоби достойно ублажити Тя, яко Небесную Ходатаицу и воспевати песнь Твоея святыни явлению.
Слава: Ведущи, Благая Мати, яко обитель разорена имать быти вконец, извести братии о сем, тии же, любовию Божиею окриляеми, восхотеша венцы мученическия прияти. И нас сподоби, Пречистая, венцы небесныя улучити.
И ныне: Днесь торжествует Небесное воинство иноков пустыни и похваляет златую Тя Стамну, и Жезл, и Трапезу, Пречистая Дево. Да глас их, Одигитрие, еже радуйся, Тебе со ангелы вкупе вопиет.
Седален, глас 8:
Идеже прославляется святое имя Обрадованныя Богородицы, тамо всяческих благих источницы проливаются. Почтим же, людие, в чистоте икону Девы Богородицы и Тоя Божественнаго Сына, Христа Бога нашего, и лобызаим и прославляем Ю со страхом и трепетом, зовуще: радуйся, милости Сокровище многоценное.
Слава, и ныне: Ты еси Похвала страстотерпцев, Ты еси Надежда преподобных, Ты еси Утешение всего мира, и на Тя спасение наше возложихом вси. Одожди грешным рабом Твоим душеспасительныя Твоя милости.
Песнь 4
Ирмос:
Седяй в славе, на Престоле Божества, во облаце легце, прииде Иисус Пребожественный Нетленною Дланию и спасе зовущия: слава, Христе, силе Твоей.
По времени образ Твой Табынский паки во тьме возсия, вечер во утро восхода зари претвори. Ныне же наша молитвы приими, Честнейшая, и святую икону Твою нам паки яви, Присноблаженная.
Силою вражиею ожесточени агаряне бывше, восташа на славу Господню и Девы божественный лик уязвиша. Ты же, Владычице, очный мрак наложивши, сим просветила еси нечестивых людей. Темже, греховную мглу потребляющи, сподоби и нас пети славу Пречистаго образа Твоего второму явлению.
Хвалим, благословим милости Твоя, Богородице, яко прозрение даруеши нечестивому отроку. Сей, покаянием истовым яко Савл прозрев, иде во след иконы Твоея. Нас же, грешных, во сретение Твое приими и к Богу благоутробному моления принеси, поющих Тя во вся веки.
Воистинну исповедуем, яко Ты, елика хощеши, вся у Сына Своего испросити можеши, Мати бо еси Его, темже молитвами Твоими и прощение агаряном у Бога испросила еси. Нас же, в гордыни и зависти сущих, в покаянии приими и в разум истины призови.
Слава: Людие Божии вельми чудяхуся явленней иконе Твоей, Владычице, и, яко богоотец Давид, скакаше играя, такожде и тии, в радости ликующе, образ Заступницы с честию и пением в весь Богоявленскую принесоша. Нас же, собравшихся в праздник сей, Дево Пречистая, благослови.
И ныне: Недоведомая Глубино, Высото Неизследимая, Реко Неисчерпаемая, целебную воду точащая, слепым бо зрение даеши, глухим слышание, хромым и разслабленным хождение и всем, сущим в недузех, безмерное исцеление.
Песнь 5
Ирмос:
Ужасошася всяческая о Божественней славе Твоей: Ты бо, Неискусобрачная Дево, имела еси во утробе над всеми Бога и родила еси Безлетнаго Сына, всем воспевающим Тя мир подавающая.
Весь Табынская велиим ликованием исполнися, егда икону Обрадованныя обрете и наполнися храм Господень славы Ея, пришедшии же языцы воздаша хвалу Господу и Пречистей Родительнице. Нас же обрадуй, Благая, благочестно воспевающих Тя.
Агаряне восклицаху и вельми пояху: велик Бог христианский, и истины познание сниде на единаго от них, иже, прием веру Православную, множицею потрудися во спасение свое. Нас же сподоби подвигом добрым течение совершити и вечнаго живота достигнути.
Басурман великое множество ополчишася на Табынскую весь. Людие же Божии, надежду на помощь Твою возложивше, противу супостатов идоша и на месте явления образа Твоего силу вражию одолеша, темже и в память заступления Твоего, Богородице, сотвориша крестохождение и иконы чудотворныя водружение.
Егда Усольстии людие икону Твою в храм свой принесоша, Ты, Пречистая Мати, хотению их воспретила еси и паки в Табынстем храме обрелася еси. Возврати и нас, влающихся по распутием мира сего, на путь истины, Святая Одигитрие, и Царствия Небеснаго достигнути сподоби.
Слава: Сияние благодати чудное бысть по всей Табынстей земли, яко создаша христолюбивии людие из камене церковь Твою и воззваша вся окрестныя веси на восхваление чудес Твоих. Нас же, пришедших на торжество сие, приими и праздника ради души возвесели.
И ныне: Кая Ти есть достойная похвала, сию ли наше принесет конечное неможение? Яко явлением Пречистыя Твоея иконы, светозарное нам возсия солнце, преславных чудес лучи испуская и тьмы лютых обстояний отгоняя священными Твоими, Владычице, предстательствы.
Песнь 6
Ирмос:
Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.
Зной и бездождие бысть Уфимстей земли, но тщетно моляхуся вернии, излияся бо гнев Господень за беззакония, обаче икона Твоя, Преблагая, принесе одождение гибнущим злаком. Наша же изсохшия души одожди росою благодати Твоея, да произрастим класы добродетелей и спасение узрим.
Егда бысть мор смертный во всех уделех наших, людие града Стерлитамака надежду на Тя, Владычице, возложиша и, помощь от Тебе улучивше, в память о сем на всяко лето хождение с иконою Твоею устроиша, восхваляюще Тя, Преблагословенная.
Таже Оренбург град одержимь бе лютаго мора нашествием и велия скорбь обыде тамо живущих. Ты же, Пречистая, повелела еси святителю Антонию прияти икону Твою, и, егда сие сотвори, болезни смертныя отступиша. Мы же, чудящеся чудеси сему, вопием Ти: покрый и нас честным Твоим омофором.
Егда слава Пречистыя умножися, бысть повеление царево, во еже почтити Богоматерь летным крестохождением во вся концы Уральския земли. Тако и мы творяще, присно поминаем Твоя чудеса, Всеблагая.
Слава: Мира Заступнице, Мати Всепетая, верных Твоих похвало! Не остави нас сирых и убогих рабов Твоих, но присно пребуди с нами.
И ныне: Радуйся, Царице, людей православных и воинств христолюбивых Славо, Покрове и Прибежище. Радуйся, Чудо чудес, Одигитрие наша, весей и градов Утверждение.
Кондак, глас 8:
Взбранной Воеводе рода христианскаго и страны нашея известней Избавительнице, хвалебныя песни принесем, вернии, Деве, Владычице Богородице. Ты же, яко имущая милосердие неизреченное, от всяких нас скорбных обстояний свободи, да с любовию зовем Ти: радуйся, всего мира Надеждо и Утешение, Похвало Табынская.
Икос:
Смысл очистивше и ум, притецем к Богородице, светло песньми ублажающе Ю, и пречестную икону Ея Табынскую прославим и почтим, припадающе, поклонимся Ей, посрамляет бо не чтущия Ю, избавляет же от великих бед и зол благонравныя и богобоящияся рабы Своя, зовущия: радуйся, Похвало Табынская.
Песнь 7
Ирмос:
Не послужиша твари богомудрии паче Создавшаго, но, огненное прещение мужески поправше, радовахуся, поюще: препетый отцев Господь и Бог, благословен еси.
Слава Табынския иконы Твоея, Пречистая, возсия в Верхнеуральстем граде, темже множество людий, сретающе икону Твою, преложиша неверие в познание истиннаго Бога и в память о сем утвердиша камень велий на высоцей горе. Научи и нас, Богоневесто, памятовати чудеса Твоя и воспевати препетаго отцев Господа и Бога.
Ныне радуется Сибирская земля, достигоша бо ю величия Твоя, Богомати, ликует Челябинск град, с нимже грады Тюмень и Кустанай, приемлюще Табынскую икону Твою, Пречистая, неоскудно бо действо благодати Твоея, еюже совершаеши великая и преславная чудеса во спасение всех и просвещение.
Град Уральск еретическим зловерием одержимь бе, егда же срете образ Твой, Пречистая, козни вражия абие разрушишася, людие же, видевше милости бываемыя, во след Тебе течаху и веру Православную, радующеся, прославляху.
Егда христолюбивии воини земли Оренбургския имяху икону Твою в полце своем, тогда велию крепость и силу обретаху на враги своя, орды бо неверныя покориша и дерзости их низложиша.
Слава: Поволжстей земли точиши благодать независтную, Владычице, пришествием Твоим в Саратов град, икона бо Твоя Табынская демонов полчища отгоняет и души заблуждших просвещает. Мы же любезно покланяемся и лобызаем ю и Тя, Богородице, величаем.
И ныне: Всяк, прибегаяй к покрову Твоему, Чистая, не отходит тощь и не услышан, Ты бо, яко Мати истиннаго Живота, отчаянных велие Прибежище и обуреваемых тихое Пристанище. Приими и нас, призывающих Тя на помощь, Всепетая Владычице.
Песнь 8
Ирмос:
Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.
Егда лютая година постиже землю Русскую и явишася безбожнии людие, тогда бысть всему Уральскому краю велие возмущение: Божия бо храмы разориша, святыни оскверниша и крестохождения с иконою упраздниша. Мы же молим Тя, Владычице: испроси у Сына Твоего грехов отец наших оставление.
Печалующися о стране нашей Русстей, Владычице, и не хотящи иконою Твоею оставити нуждею пределы земли ея, стала еси недвижно у Амура реки, несомая гонимыми христолюбивыми воины. Вернии же людие со святители Мефодием и Нестором слезно моляхуся, да не оставиши их сирых во стране Китайстей, но да идеши с ними, помощь Свою подающи.
Удивишася китайстии народи, зряще чудеса от иконы Твоея бываемая, темже, во храм Твой притекающе, крещение приимаху. Мы же, ведуще сие, прославляем Тя и Сына Твоего, зовуще: Господа пойте, дела, и превозносите Его во вся веки.
Австралийская земля величает Тя, Пречистая, слышащи о дивных чудесех Твоих, Ты бо, любовию Своею всех объемлющи и благодатию исполняющи, научаеши пети: Господа пойте, дела, и превозносите Его во вся веки.
Слава: Всяк язык, творяй беззаконие, лишаемь святынь своих бывает, тако сокрыта есть от нас и Табынская икона Твоя, Богомати, тайнодействием Божиим, мы же, грешнии, в покаянии тепле молим Тя: прииди к нам сирым и утеши ны.
И ныне: Ум ангельский и человеческий ужасается, Владычице, како Младенца Безлетна раждаеши, како Сына Божия на руку Твоею носиши, Егоже трепещут Горния силы, вопиюще: Свят, Свят, Свят еси, Боже, Богородицею помилуй нас.
Песнь 9
Ирмос:
Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, Всеблаженная, Богородице, Чистая Приснодево.
Мерзость запустения на месте святем бываше, егда источницы слании во врачебницу преложени быша, обаче Ты, Богородице, неверствующих чудесным Твоим страхованием изгнала еси, да познают величия Твоя, Богоневесто.
Возскорбеша христолюбивии людие, егда беззаконницы храм, стояй на источницех сланых, разориша и место святое в запустение приведоша, обаче до конца милость от рабов Твою не отвратила еси, Владычице, и единожды в лето струи водныя в пещере подаеши, аки слезы точащи.
Се время благоприятное, се ныне день спасения наста в Русстей земли! Храмы Божии открывахуся, обители святыя возраждахуся и на горе Табынстей храм чудный Пречистей Богородице воздвигнут бысть, иноцы же, зде собравшеся, молитву о мире возсылают и славу Богу воспевают, тако изволившему.
Паки Благословенная Владычица изливает чудеса на рабы Своя, якоже прежде, тако и ныне милостию исполняет, мироточение творящи от образа Своего, к немуже притекают вси, чтущии Ю, улучающе полезная ко спасению.
Слава: Велия слава Твоя, Богомати, на источницех сланых явися, егда стекахуся людие воздати благодарение Ти: тяжко недугующих бо исцеляеши, матерем детородящим скорое разрешение даруеши, ожесточенно враждующим нечаянное примирение подаеши, сопружных в единомыслии и любви сохраняеши, Радость бо Ты еси истинная.
И ныне: Приидите, вернии, чистым сердцем возвеличим Пречистыя Матере Бога нашего чудную икону Табынскую и Божественнаго Младенца, Спаса Христа, Егоже, яко Рождшая, на руку носивши и матернее дерзновение к Нему имущи, непрестанно молит за ны и подает рабом Своим богатыя милости.
Светилен:
Да почтится Всепетая Матерь Божия, райских дверей Отверзение, всего мира Очищение и к жизни нетленней Возведение, яко Жизнь Сущую рождшая, Христа Бога нашего, Сей бо есть пророком глаголавый, Тому поклонимся, яко Богу и Спасу душ наших.
Акафист
Кондак 1
Взбранной Воеводе рода христианскаго и страны нашея известной Избавительнице, хвалебныя песни принесем вернии Деве владычице Богородице. Ты же яко имущая милосердие неизреченное, от всяких нас скорбных обстояний свободи, да с любовию зовем Ти: Радуйся, Похвало Табынская и всего мира Надеждо и Утешение.
Икос 1
Архангели и Ангели дивятся Твоему неизреченному милосердию к роду человеческому, Дево Богородице, яко благоволила явити святую икону Свою близ града Казани, егда нечестивии агаряне воздвигоша брань на мирныя люди, разоряя грады и веси их. Ты же, Благая, хотя утешити рабов Твоих пришествием Своим, скорбь их на радость преложила еси, сего ради вопием Ти таковая: Радуйся, Благословенная в женах, радуйся, обретшая Благодать у Бога. Радуйся, десницею Создателя Благословенная; радуйся, Духом Святым освященная. Радуйся, Мати Христа Бога нашего; радуйся, в Рождестве и по Рождестве Дево. Радуйся Ангельских чинов удивление; радуйся, святых немолчное прославление. Радуйся, Похвало Табынская и всего мира Надеждо и Утешение.
Кондак 2
Провидя, Мати и Дево, беды и смятения окрест града Казани, явила еси святую икону Свою, наипаче же милость Свою, Владычице, людям, да не оскудеет вера, да не угаснет надежда, но да прославляется Имя святое Отца и Сына и Святаго Духа вопиющими: Аллилуиа.
Икос 2
По времени образ Твой честный Казанский во мнозе градах и весях страны нашея на досках изображенный, прояви силу благодатную истекающими чудотворениями, тако и окрест веси Табынския близ Вознесенския обители святыя явися новый образ Твой. Некогда диакон чернец, грядущий с села в святую обитель, услыша Твой глас: да потщится правоверующая братия богоспасаемыя обители прияти Мя в Храм Господа Моего. Убояся прельщения, не внях неземному гласу сему, паки же возвращахуся ему путем тем, слыша глас Твой: Да прииди и виждь. Уразумех, яко глаголы сии свыше суть, прииде на место, откуда слышен бысть глас сей и узрех святую икону Мати Божия, на камени велием близ горы Табынския, у источника воднаго, возрадовахся духом. Мы же дивяся сему вопием Ти сице: Радуйся, явлением святыя иконы Твоея милость Божию нам возвестившая; радуйся, чистым сердцем глас Твой святый явившая. Радуйся, Мати щедрот и милосердия; радуйся, милости сокровище многоценное. Радуйся, с небесных высот на рабы Твоя призирающая; радуйся, покровом Твоим нас осеняющая. Радуйся, яко милость Твоя посещает христианские веси и грады; радуйся, яко милосердие Твое сердец наших отрада. Радуйся, Похвало Табынская и всего мира Надеждо и Утешение.
Кондак 3
Сила благодати Твоея осени сердце диакона благочестиваго, узревшу ему святую икону Твою, Владычице, и объят бых страхом величия Твоего, возрадовахся зело, со тщанием возтече во обитель и возвести братии о дивном обретении своем, радостно вопия Богу: Аллилуиа.
Икос 3
Имущи, Пресвятая дево, икона Твоея силу благодатную, явися инокам радостию велию, егда познаша милости Твоея чрез икону Твою Табынскую людем являемыя, со страхом несоша святыню сию во и поведоша о сем воеводе Уфимскому и Архиерею града Казани. Мы же благодарнии вопием Пресвятей Деве таковая: Радуйся, помощь Свою всем притекающим к Тебе подающая; радуйся, слез наших не отвергающая. Радуйся, к сыну Твоему моление о верных выну приносящая; радуйся, прошения наша во благо исполняющая. Радуйся, монашествующих покрове; радуйся, девствующих ограждение. Радуйся, к Богу умов и сердец направление; радуйся, душ наших спасение. Радуйся, Похвало Табынская и всего мира Надеждо и Утешение.
Кондак 4
Буря крамолы, воздвигнутыя от мятежник навыжденных Айдаром и Кусюмою, разори обитель Вознесенскую, братию же избиши, разсеятися понуди. Ты же, Всеблагая, хотя по времени явитися во славе велией, сокры икону Свою чудотворную Табынскую. Мы же, дивяся таковому промышлению Твоему, Владычице, вопием к Богу: Аллилуиа.
Икос 4
Слыша Богомати стенания рабов Твоих веси Табынския и видяше скорбь их, зане вера Христова поругаема бываше от неверных, в познание истины Христовой и изобличение неверных благоволила паки второе явити на камени тем же Образ Твой честный светом Божественным озаренный. Мы же, дивящеся таковому Твоему попечению о нас, вопием Ти таковая: Радуйся, явление иконы Твоя Табынския свет истинныя веры земле Уфимской даровавшая; радуйся, суевериям и зловериям омраченных просветившая. Радуйся, грешных исправление; радуйся, кающихся с Богом примирение. Радуйся, милость согрешившим являющая; радуйся, раны греховныя истребляющая. Радуйся, скорбные сердца надеждою возрождающая; радуйся, лювовию их согревающая. Радуйся, Похвало Табынская и всего мира Надеждо и Утешение.
Кондак 5
Боготечную звезду святую икону Твою увидеша нечестивии агаряне светящую на камени, но не уразумеша Твоего, Владычице, пришествия, косни бо сердцем быша, ненавистию ко христианам распалишася, надругашися над святынею. За такое хуление святыни Твоея слепотою наказани быша, блуждаху по лесу неведуща пети: Аллилуиа.
Икос 5
Видеша хулители святыни, яко зело наказаны быша от Бога, не хотяху раскаятися, зане ожесточени сердцем быша, токмо един от них, лучем благодати Божией просвещенный, раскаяся и абие прозрев, возратися со единоплеменники своими ко святей иконе и слезно молишася пред нею. По молитве его Мати Божия всех исцели. Сего ради вопием Пречистей: Радуйся, торжество веры в стране нашея являющая; радуйся, святой иконою Твоею окамененыя сердца смягчающая. Радуйся, зловерия явное обличение; радуйся, истинныя веры утверждение. Радуйся, рода христианскаго возвышение; радуйся, святыни присное ограждение. Радуйся, яко Тобою беззаконие наказуется; радуйся, яко Тобою хула на Бога истребляется. Радуйся, Похвало Табынская и всего мира Надеждо и утешение.
Кондак 6
Проповедницы Твоея благодати явишася прозревшии магометане, возвестиша христианом веси Табынския о Твоем, Богомати, явлении, но не прияша крещения, токмо первый прозревший, иже прияв веру православную, возрадовася зело и рече всем притекающим ко источнику целебному: се, ны познах, яко велий есть Бог земли Российстей, со умилением вопия Ему: Аллилуиа.
Икос 6
Возсия свет Божественный, Владычице, егда святая икона Твоя с честию велиею перенесена бысть от места явления Своего в весь Табынскую, изливая верным дары целебныя и всем подавая помощь и утешение с верою к Тебе и во всякой скорби притекающим и вопиющим таковая: Радуйся, отчаявшихся прибежище; радуйся скорбящих слышание. Радуйся, печальных утешение; радуйся, христианом отрада и ограждение. Радуйся, в бедах и печалех теплое заступление; радуйся, яко немощным даруеши укрепление. Радуйся, скорбь нашу на радость претворяющая; радуйся, наветы вражия от нас отгоняющая. Радуйся, Похвало Табынская и всего мира Надеждо и Утешение.
Кондак 7
Хотяще вернии веси Табынския выну памятовати о чудеснем явлении иконы Твоея, Владычице, сотвориша в честь дивныя Твоея иконы Табынския празднование в пяток девятый Пасце, в день второго явления ея, благодаряще Заступницу усердную, Богу же воспевая: Аллилуиа.
Икос 7
Новое чудо явила еси Богородице, егда за беззакония людей праведный гнев Божий постиже град Стерлитамак, поразих их болезнию холерною, вернии с благословения Архиерея Иоанникия, вземши святую икону Твою, Богомати, Табынскую, принесоша ю во свой град и слезно пред нею моляшася. Егда совершено бысть молебное пение — болезнь смертная остави град. Видяши же людие милость Твою, Богородице, возопиша Тебе таковая: Радуйся, яко за люди согрешившия присно пред Сыном Твоим и Богом ходатайствующая; радуйся, праведный гнев Божий, на них движимый, на милость преклоняющая. Радуйся, прекращением холеры благодатную силу иконе Твоей нам возвестившая; радуйся, милость Божию и согрешившим явившая. Радуйся, Надеждо ненадежных; радуйся, опора немощных. Радуйся, заблуждших на путь покаяния наставляющая; радуйся, веру в жизнь будущаго века в них пробуждающая. Радуйся, Похвало Табынская и всего мира Надеждо и Утешение.
Кондак 8
Странное чудо зрим о Тебе, Богомати, егда икона Твоя Табынская принесена бысть во град Оренбург во время мора смертнаго и токмо явися во граде сем святая икона Твоя — абие мор преста, сего ради вернии града сего на коегождо лето ко дню Рождества Пресвятыя Богородицы с радостию велию сретиша святую икону Твою Табынскую со умилением вопия: Аллилуиа.
Икос 8
Весь аз недостойный грехми исполнихся, мирскому разсеянию вдахся и о душе своей вознерадев, обаче на святую икону Твою, Владычице, взирая и просвещение от нея безчисленным людем зде приходящим видя, паки на путь спасения устремляются, и в радости сердца воспевают Ти сице: Радуйся, шествовати путем Господним нас научающая; радуйся, на пути ко Господу нас укрепляющая. Радуйся, жестокосердия искоренение; радуйся, милосердия в сердцах насаждение. Радуйся, к подвигу целомудрия нас призывающая; радуйся, непорочных венчающая. Радуйся, от земнаго богатства души верных отвращающая; радуйся, духовными дарованьми молящихся обогащающая. Радуйся, Похвало Табынская и всего мира Надеждо и Утешение.
Кондак 9
Вси людие земли Уфимския, егда праведний гнев Божий наказаша их бездождием, со слезами молиша Заступницу христианскую просити у Сына Своего и Бога, да оросит землю их дождем, и егда вернии веси Архангельския, вземши святую икону Табынскую, несоша ю на село свое, бысть дождь велий, на радость скорбящим и во утешение плачущим, да воспоют Господу благодарным сердцем: Аллилуиа.
Икос 9
Витий глаголы и любомудров смыслы не довлеют ко изглаголанию чудес Твоих, Владычице Неба, яко во утешение жителям Стерлитамака, низпослав свыше дождь велий на землю, сим избавила град их от глада и запаления огненнаго, яко да истребится от лица скорбящих всяка печаль и всяка болезнь, сего ради вопием Ти: Радуйся, обуреваемых тихое пристанище; радуйся, источниче милостей Господних. Радуйся, унылых ободряющая; радуйся, моление скорбящих ко Господу возносящая. Радуйся, ходатайством Твоим от зноя и жажды нас спасающая; радуйся, молитвами от запаления огненного избавляющая. Радуйся, яко алчущих питаеши; радуйся, яко во мразех сущих согреваеши. Радуйся, Похвало Табынская и всего мира Надеждо и Утешение.
Кондак 10
Спасти хотящи, Пресвятая Богородице, страждущего трясовицею Василия воина от града Оренбурга, исцеление подаде ему чрез икону Свою Табынскую. Сей воин во сне двукраты в весь Табынскую идяше и тамо Матерь Божию об исцелении умоляше, уразумев в сониях волю Владычицы, пойде немощный двести тридесят поприщ, труждаяся и множицею на землю падоша, пришедше же ему в весь Табынскую, егда погрузися во источник святый, идеже икона Твоя явися, абие исцелен бысть и радуяся, благодаряще Матерь Божию, возопиши Господу: Аллилуиа.
Икос 10
Стена нерушимая веры явилася еси, Богородице, боголюбивому отроку, зане сей имевший части некия от камени, на нем же явися икона Твоя, Владычице, многим болящим помощь подаше еси, егда бо сии, омывши частицы камени водою, пияхом ю и омывахом ею раны своя, абие исцеление приимаша. Мы же благодать Твою видевше, зане и камени силу чудотворити даровала еси, вопием Ти сице: Радуйся, святые ключи целебною водою прославившая; радуйся, даже каменю, на нем же явися святая икона Твоя Табынская, благодатную силу даровавшая. Радуйся, всем с верою притекающим к целебней иконе Твоей исцеление подающая; радуйся, благодарение их ко Господу возносящая. Радуйся, яко к помощи Твоея и маловернии притекают; радуйся, яко по повелению Твоему и разслабленнии со одра болезни возстают. Радуйся, бесов изгнание; радуйся, помраченных умов просветление. Радуйся, Похвало Табынская и всего мира Надеждо и Утешение.
Кондак 11
Пение хвалебное возсылаху тебе, Матери Божией, вси людие, стоящии во храме Твоем, видиша покаяние согрешившего и милосердие Твое к нему некий воин Гавриил, за нарушение обета, данного Тебе, в разслаблении сущий — исцелен бысть, егда святого таинства елеосвящения сподобльшася к чудотворному образу Твоему припаде. Мы же, грешнии, многажды Господа грехми своими прогневляющии, молим Тя, и нам прощение грехов испроси со упованием поющим: Аллилуиа.
Икос 11
Свет зрению даровала еси, Владычице, старице некоей, осемь лет во граде Оренбурге слепотою страдавшей; егда бо в сретении Твоея иде, сродницею своею оставлена бысть, стеснения ради народа, внезапу прозре и видяще икону Твою святую возрадовася зело, мы же со трепетом вопием Ти сице: радуйся благодатная, врачевания обильно источающая; радуйся, исцелением недугов притекающих к Тебе веселящая. Радуйся, слепых прозрение; радуйся, глухих слышание, немых глаголание. Радуйся, хромых хождение; радуйся, вдов и сирот заступление. Радуйся, душ наших освящение; радуйся, земнородных упование. Радуйся, Похвало Табынская и всего мира Надеждо и Утешение.
Кондак 12
Благодать Твою яви нам, Пресвятая Дево, молящимся Тебе пред честней иконою Твоею Табынскою, излей щедроты Твоя на грады и веси не токмо края Приуральскаго, но во всем мире честный образ Твой почитающим и поющим Богу: Аллилуиа.
Икос 12
Поюще Твоя чудеса от иконы Твоея Табынския явленыя, молим Тя, Владычице, Лика Твоего от страны нашей не отврати и всем приводящим к чудотворному образу Твоему и милости от Тебя ожидающим во благая вся прошения исполни, да вси воспоем Ти сице: Радуйся, иконою Твоею Благословение Божие краю нашему приносящая; радуйся, источник Твой яко проповедник спасения веси Табынския оставившая. Радуйся, смиренных сердцем Боговедением просвещающая; радуйся, яко славу Божию воспевати нас научающая. Радуйся, к Тебе же падшие в покаянии притекают; радуйся, яко призывающие имя Твое святое от падения греховнаго возстают. Радуйся, в час смертный чтущих Тя не оставляющая; радуйся, и по смерти во обители небесныя души их сопровождающая. Радуйся, Похвало Табынская и всего мира Надеждо и Утешение.
Кондак 13
О Всепетая Мати Христа Бога нашего, приими молитвы раб Твоих и мир испроси всем, с верою и любовию притекающим к иконе Твоей Табынской, и живот вечный даруй им со умилением поющим: Аллилуиа, Аллилуиа, Аллилуиа.
Богородица явила великую милость, одарив православных чудотворной иконой. Крестные ходы возобновились, тысячи верующих совершают молитвы перед списками в надежде на помощь и поддержку Божьей Матери и ждут возвращения святыни.