Тексты молитв святой мученице Анне Кашинской и о чем просят

Инокиня Анна Кашинская, в миру великая княгиня, является дочерью Дмитрия Борисовича, князя Ростовского. Святой великомученик князь Василий Ростовский приходился ей дедом. Последний принял смерть за верность христианской вере. На долю княгини Анны выпало много горя. Все испытания она переносила с кротостью и смирением. С молитвой к Анне Кашинской обращаются все верующие, с просьбой донести до Всевышнего мольбы об избавлении от страданий.

Святая Анна Кашинская

Много несчастий довелось перенести инокине Анне Кашинской. Сначала молодая жена тверского князя потеряла отца. Через два года, в 1296 году, в пожаре лишилась всего имущества. Дальше беды и лишения посыпались как из рога изобилия:

  • Опасно заболел молодой супруг. Замуж она выходила за князя Михаила Тверского почти сразу после смерти отца. Любовь супругов была обоюдная, только семейное счастье было коротким.
  • Умерла старшая дочь Федора.
  • Началось противостояние с князем Юрием Московским (1317 год).
  • Княгиня навсегда распрощалась со своим мужем, князем Михаилом. Тот уехал в Орду и был казнен (1318 год).
  • Князь Димитрий, старший сын благоверной Анны, убил князя Юрия Московского за то, что он был причастен к убийству отца. За это князь был казнен ханом. Кстати, чуть погодя граждане Твери разбили местное татарское войско под предводительством хана Узбека. Это восстание жителей вызвало гнев руководства основной ставки татаро-монгол. Тверскую землю сравняли с землей. Оставшихся в живых жителей угнали в плен.
  • Татарским ханом были казнены сын Александр, внук Федор. Их тела расчленили посуставно (1339 год).

Следовавшие друг за другом испытания не сломили ее, хотя казалось, что живая душа не может пережить подобные страдания. Зато все эти невзгоды подготовили благоверную княгиню к монашескому постригу. Последнее испытание сподвигло Анну Кашинскую принять монашество, что она и сделала. Сначала она несла службу в Софийском монастыре Твери, чуть позже младший сын отстроил для матери отдельную обитель.

Свою кончину инокиня приняла в монашеском облачении, в строгом аскетизме, молитвах, здесь же, в 1368 году. Похоронена святая на территории храма Успенской обители. После погребения начались чудеса излечения обреченных на смерть больных. Канонизирована Кашинская в 1649 году. Мастера-иконописцы Софийского собора написали ее образ.

Великомученицу Анну Кашинскую предали забвению на долгие годы. Даже не ухаживали за ее последним пристанищем. Тогда ее образ явился благочестивому клирику. Жители города Кашина вспомнили о благих деяниях Небесной покровительницы. Происходящие чудеса от мощей святой достигли ушей царя Алексея Михайловича, Патриарха Никона. Решением Московского Собора были открыты и перенесены мощи княгини. Мероприятие датируется 1650 годом.

История Русской Православной церкви отмечает, что княгиня Анна Кашинская одна удостоилась такого невиданного торжества. Спустя короткое время раскольники сделали святую своим символом, что послужило причиной для отмены канонизации мученицы. Такое событие тоже является единственным в истории христианства.

Святая княгиня развенчанной пролежала 230 лет. Однако это не мешало верующим продолжать почитать покровительницу и обращаться к ней с молитвой о помощи при принятии важных решений. Святая неизменно подсказывала верное решение, успокаивала смятенные души молящих.

В 1908 году канонизация Анны обрела вторую жизнь. Появился женский монастырь святой княгини Анны. В Петербурге был открыт и освящен храм святой Анны Кашинской.

О чем молятся святой мученице

Великомученица даже после всех перенесенных испытаний сохранила глубокую любовь к Господу. Кроткий нрав, способность, желание помощь страждущим сохранила до самой кончины. Вся жизнь княгини была образцом христианского смирения. Верующие всей планеты обращаются за помощью к святой. С молитвой просят об укреплении веры, преумножении душевных сил, освобождении от тоски и печали, даровании исцеления болеющим.

Еще образ инокини Анны способствует укреплению духа смирения. Святая является заступницей сирот, вдов, родителей, потерявших детей. Традиционно обращаются с молитвой о помощи к святой Анне перед бракосочетанием, принятием монашества. Верующие просят заступничества святой при тяжелых жизненных ситуациях. Тогда, когда лишь смерть кажется выходом из них.

Нужно знать! Молодым девушкам на пороге замужества следует обращаться к святой Анне Кашинской уединенно. Обязательна зажженная лампадка перед иконой. До молитвы нужно освободить разум и сердце от посторонних мыслей. Просьба о помощи должна быть искренней, душа смиренной, вера сильной.

Православные молитвы святой Анне Кашинской

Святая великомученица Анна Кашинская перенесла много бед и испытаний. Богатая дворянка по рождению не нашла счастья как жена, мать, но своим смирением, любовью к Господу она нашла счастье в вере. Большую часть жизни провела за чтением молитв, усмиряя плоть строгой аскезой. Помогала всем страждущим по мере сил. После смерти княгини люди стали обращаться за помощью к ее светлому образу. Святая продолжает помогать. Написаны православные молитвы, с которыми люди обращаются к ней.

Молитва благоверной княгине Анне Кашинской

О преподобная и преблаженная мати Анно! Смиренно припадающе к честным мощем твоим, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди присещати чад твоих, аще бо телом и преставилася еси от нас, но и по смерти жива пребываеши и не отступаеши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу, Богу нашему, аще бо мощей твоих рака пред очима нашима выну видима есть, но святая душа твоя, со Ангельскими воинствы у Престола Вседержителя предстоящи, достойно веселится. К тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на Небо, мытарств горьких и вечныя муки избавится и Небесному Царствию наследником быти со всеми преподобными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым, и Благим, и Животворящим Его Духом, ныне, и присно, и во веки веков. Аминь.

К прочтению:  Понятие краткого чина соборования и полный текст службы поскору

Тропарь

Днесь восхваляем тя, преподобная мати,/ великая княгине инокине Анно:/ яко бо лоза плодовита посреде терния,/ процвела еси во граде Кашине твоими добродетельми,/ всех удивила еси чудным твоим житием,/ темже Христу Богу угодила еси,/ и ныне, радующися и веселящися,/ пребывавши с лики преподобных жен,/ наслаждающися райския красоты и веселия./ Молим убо тя:/ моли о нас Человеколюбца, Христа Бога нашего,/ даровати нам мир и велию милость.

Ин тропарь, глас 4

Просветившися Божественною благодатию, преподобная,/ и правостию умною душу твою привязавши в любовь Христову,/ тленныя, и красныя, и временный нивочтоже вменила еси./ Крестным знамением на мысленный враги мужески вооружившися,/ постническими подвиги, постом и молитвами/ углие страстей угасила еси, достославная Анно,/ и по смерти источавши благодать притекающим к мощем твоим./ И ныне, в Небеснем чертозе с мудрыми девами предстоящи Христу,/ моли о нас, почитающих святую память твою.

Акафист преподобной великой княгине Анне Кашинской

Кондак 1

Избранней и предивней угоднице Христове, скорой помощнице и молитвеннице нашей, похвальная воспеваем ти, о нас пред Христом Богом предстательнице. Ты же, яко имущая велие дерзновение ко Господу, молися, да избавит от бед и скорбей ны, зовущия:

Радуйся, святая благоверная княгине, преподобная мати Анно.

Икос 1

Ангелов Творец честную отрасль благочестиваго корене благоверных Российских князей избра тя во образ всем, сияющую верою, любовию, чистотою, да вси, зряще твое богоугодное житие, со благоговением и радостию глаголем ти сице:

Радуйся, яко от младенства благодати Божия исполнилася еси; радуйся, яко в житии твоем добродетельми многими просветилася еси.

Радуйся, правило веры и благочестия; радуйся, образе кротости и смирения.

Радуйся, светило любве и воздержания; радуйся, даров Святаго Духа честное вместилище.

Радуйся, скорбных утешение; радуйся, княгинь и инокинь Российских похваление.

Радуйся, живущих в мире тихое пристанище; радуйся, благочестивых родителей утешение.

Радуйся, градов Твери и Кашина и всея земли нашея украшение; радуйся, ныне с лики ангельскими на небесех Владыце всех предстоящая.

Радуйся, святая благоверная княгине, преподобная мати Анно.

Кондак 2

Провидев Господь ангелоподобное житие твое, яко святое имя Его прославиши и, якоже заповеда святый апостол, бдительна, святолепна, целомудрена, здрава верою, любовию и терпением пребудеши, от юности твоея призва тя пети Ему: Аллилуиа.

Икос 2

Разум небесный тебе даровася, богоизбранная отроковице, непрестанно помышляти о небесных в боголюбивем крове благоверных родителей твоих. Сего ради приими от нас похвалы сия:

Радуйся, родителей благочестивых плод благословенный бывшая; радуйся, добродетели и благочестие их унаследовавшая.

Радуйся, благочестию и молитве от них наученная; радуйся, чтению Божественных Писаний навыкшая.

Радуйся, жития святых и поучения их возлюбившая; радуйся, от святителей ростовских научение приимшая.

Радуйся, с родители твоими благословению и наставлению иереев Господних присно внимавшая; радуйся, аки крин благовонный во Отечествии твоем процветшая.

Радуйся, от младых ногтей твоих страх Божий имевшая; радуйся, от юности твоея горняя мудрствовавшая.

Радуйся, сим путь спасения нам показавшая; радуйся, непоколебимое на Господа Иисуса упование неизменно сохраньшая.

Радуйся, святая благоверная княгине, преподобная мати Анно.

Кондак 3

Сила Вышняго от юности Твоея воистину осеняше тя, и храняше, и возбуждаше на молитвы, пощение и милосердие, во еже благочестивым предком твоим подражати и Господеви воспевати: Аллилуиа.

Икос 3

Имущи благочестивыя родители, прилежала еси богоугодному житию, благодатию Божиею во всяцем деле блазе всегда подкрепляема сущи. Темже дивящеся таковому от юности твоея рачению, со умилением зовем ти:

Радуйся, яко Господь Бог благоизволи от юности освятити тя; радуйся, яко Богатый милостию обогати тя благодатию Своею.

Радуйся, яко Господь исполни тя страха Божия, премудрости и разума; радуйся, яко от младенчества Господеви прилепилася еси.

Радуйся, яко со страхом Божиим и усердием храму Божию и службам церковным присно прилежала еси; радуйся, яко и в доме неусыпно правило молитвенное исправляла еси.

Радуйся, яко всякое дело твое с молитвою сопрягашеся; радуйся, яко труд твой благодарением Богу скончавашеся.

Радуйся, чистоты душевныя и телесныя хранительнице; радуйся, неустанным благотворением и милостынями верным скорая помощнице.

Радуйся, девам чистым премудрая устроительнице; радуйся, чадом нашим добрая учительнице.

Радуйся, благоверная княгине, преподобная мати Анно.

Кондак 4

Буря бед и напастей утесняше тогда Отечество наше и веру православную, и вси бедствоваху от нашествия иноплеменник и междоусобныя брани. Ты же, юнице, сердцем чистая, во уединении суще, изливала еси в молитве пред Господем душу твою, ангельскую песнь вопиюще: Аллилуиа.

Икос 4

Слышавши боголюбивая княгиня Ксения, мати святаго князя Тверскаго Михаила, о благочестии твоем, княгине Анно, рече послом своим: слышах, яко есть у Ростовскаго князя дщи зело добродетельна, премудра же и прекрасна; сию убо, Божиим изволением, видети желаю в супружестве за сыном моим. И абие по благодати Божией исполнися желание сердца ея, да тобою Бог прославится и да вси воспевают тебе:

Радуйся, невесто, промыслом Божиим предуказанная; радуйся, голубице чистая и непорочная сердцем.

Радуйся, мудрая евангельская дево, во свете веры и дел благих ходившая; радуйся, яко невозвратным путем по заповедем Владыки твоего шествовала еси.

Радуйся, яко за преславныя добродетели твоя внити в чертог Царя Небеснаго сподобилася еси; радуйся, всем женам российским похвало и утверждение.

К прочтению:  Полный текст акафиста ангелу-хранителю и как правильно читать

Радуйся, чистотою твоею всем родом твердое научение; радуйся, яко согласие супругом, по молитвам к тебе, подавала еси.

Радуйся, неисповедимыми судьбами Божиими от Него прославленная; радуйся, новая чудеса и знамения многа чтущим тя явившая.

Радуйся, яко царя боговенчаннаго и отрасли дома его на поклонение мощем твоим подвигла еси; радуйся, яко и сердца верных к почитанию и воспрославлению твоему привлекла еси.

Радуйся, святая благоверная княгине, преподобная мати Анно.

Кондак 5

Яко светлая звезда, богомудрая невесто, присными твоими сопровождаема, с великою славою во град Тверь во храм Спаса нашего, прибыла еси, князи же и народи, велелепно сретающе тя, радовахуся о тебе, вопиюще Богу: Аллилуиа.

Икос 5

Видевше тя вельможи, клирики и мирстии людие богоспасаемаго града Твери, на брак честный с возлюбленным князем их Михаилом притекшую, изыдоша в сретение твое и вопияху ти, глаголюще:

Радуйся, от Ливана невесто, во образ единения Христа и Церкве, сочетатися браком со князем нашим грядущая; радуйся, чистая голубице, пришествием твоим мир с Богом и в человецех благоволение знаменующая.

Радуйся, от Бога князю нашему в делех управления помощнице уготованная; радуйся, за невинныя и люте страждущия ходатаице, промыслом Божиим предуказанная.

Радуйся, о нуждах и потребах наших пещися от Бога поставленная; радуйся, сокровище матерняго попечения, от Господа нам данное.

Радуйся, светило милосердия, над градом нашим восходящее; радуйся, звездо утренняя, присно радость нам возвещающая.

Радуйся, облаче всесветлый, дождь любве и помощи всем достойным твоего заступления искапати обещаяй; радуйся, во образ женам христианским свыше пронареченная.

Радуйся, вдовицам и сирым покрове, провидением посланный; радуйся, юным девам и женам прибежище и укрепление.

Радуйся, святая благоверная княгине, преподобная мати Анно.

Кондак 6

Проповедуют о богоугодном житии твоем, блаженная мати, в супружестве и княжении, добродетели твоея: велие благочестие, смиренномудрие, милосердие, истинныя матерняя любы ко всем, поющим о тебе Богу: Аллилуиа.

Икос 6

Возсия богоугодное житие твое, яко красная заря, призывающая всех на богоугождение и на делание свое со усердием, да вси последующе ти зовут:

Радуйся, со князем, супругом твоим, во всяком благочестии и чистоте пожившая; радуйся, и чада твоя во страсе Божии воспитавшая.

Радуйся, Церкве Божией благодеявшая и благолепие храмов Божиих любившая; радуйся, и по кончине твоей любовь многу в душах граждан боголюбивых возжигавшая.

Радуйся, яко от всякаго недуга прибегающия с верою к тебе исцеляеши; радуйся, яко от лютаго насилия диавольскаго молящияся к тебе изымаеши.

Радуйся, яко присно всякое попечение о блазе владомых имевшая; радуйся, в скорбех и страданиих несчастным, сирым и бедным, помощнице теплая.

Радуйся, больных целительнице скорая и чудная; радуйся, ищущим пути ко спасению наставнице благодатная.

Радуйся, яко по преставлении твоем сподобилася еси от Бога дара чудотворений; радуйся, полки иноплеменных молением твоим от града Кашина отгнавшая.

Радуйся, святая благоверная княгине, преподобная мати Анно.

Кондак 7

Хотя Господь истинное благочестие твое явити и в терпении тя укрепити, скорби многи попусти на тя, да просветишася, яко же злато в горниле, и да поеши Богу: Аллилуиа.

Икос 7

Новаго страстотерпца яви Господь, супруга твоего благовернаго князя Михаила, емуже сострадающи венцем от Бога венчалася еси, благоверная княгине, да прославляюще прославльшаго тя Господа, поем сице:

Радуйся, праведная Анно, носящая дух сокрушен к сильному Богу разумов; радуйся, многия скорби и беды претерпевшая.

Радуйся, молитвою вся побеждавшая; радуйся, терпением и упованием супруга твоего утешавшая.

Радуйся, от единаго Господа помощи ожидавшая; радуйся, к Нему милостивому с горькими слезами припадавшая.

Радуйся, от Господа якоже злато в горниле скорбей очищенная; радуйся, якоже камень драгий чистотою сияющая.

Радуйся, винограде, из точила приносяй вино благовонное; радуйся, манно, питающая и услаждающая всех требующих.

Радуйся, источниче разума, от Бога разумов вся напояй; радуйся, росо, орошающая и оживляющая страну твою, от нашествия иноплеменных пострадавшую.

Радуйся, святая благоверная княгине, преподобная мати Анно.

Кондак 8

Странник в неверней стране явися, благоверный супруг твой, всеблаженная Анно, егда завистию и клеветою сродник своих к безбожному царю ордынскому приведен бысть. Ты же скорбь сердца твоего покрывающи, излиха вопияла еси Богу: Аллилуиа.

Икос 8

Весь еси желание мое, весь сладость Сладчайший Иисусе! Сице моляшеся Михаил, князь христолюбивый, и тако глаголаше: аще Бог соизволит, хочу ити сам во Орду ко беззаконному царю, хочу сам дати ответ и душу мою положити за овцы стада Христова по слову Его. Ты же, супружнице князя благочестиваго, вдохновленная благодатию свыше, рекла еси ему: поистине блажен будеши во вся роды. Сего ради вси приглашаху ти сице:

Радуйся, блаженная мати в женстем естестве мужескую крепость имевшая; радуйся, долготерпеливно упованием на Господа укреплявшаяся.

Радуйся, глаголавшая князю: Господь будет твой помощник; радуйся, рекшая ему: за Господа пострадав, воистину блажен будеши.

Радуйся, яко и сама уготовлялася еси пострадати за Спаса Христа; радуйся, спострадавшая супругу твоему в скорби мнозе.

Радуйся, аще и не плотию, обаче сердцем за Христа страдавшая; радуйся, токмо постом, молитвою и благодатию Божиею подкреплявшаяся.

Радуйся, воплем крепким ко Господу взывавшая; радуйся, глаголавшая: изми нас, Господи, от человек лукавых и от мужей неправедных, ополчавших брани, избави нас.

Радуйся, супруга твоего презрети славу и всю сладость мира сего тленнаго увещававшая; радуйся, и нам крепкое упование подающая.

Радуйся, святая благоверная княгине, преподобная мати Анно.

Кондак 9

Все сердце Твое содрогнуся, богомудрая, егда вестник печальную весть принесе, яко благоверный супруг твой Михаил во многих страданиих смерть мученическую претерпе, и абие в скорби велией, преклоньше колена, ко Отцу Небесному, возстенала еси: буди воля Твоя. Ангели же, возносяще душу блаженнаго на Небо, пояху: Аллилуиа.

Икос 9

Витии многовещаннии не возмогут изрещи скорби твоя и крепость любве твоея, егда со чады твоими текла еси во сретение мощей блаженнаго князя, супруга твоего. Темже и мы, ублажающе болезни сердца твоего, глаголем сице:

К прочтению:  Тексты молитв Смоленской иконе Божьей Матери и о чем просят перед Одигитрией

Радуйся, огненное искушение Господа ради претерпевшая; радуйся, приобщитися страстем Христовым удостоившаяся.

Радуйся, с верою и любовию понесшая крест твой и Христу последовавшая; радуйся, прелести мира сего спасения ради презревшая.

Радуйся, яко и во явлении Славы Его возрадуешися и восторжествуеши; радуйся, в бедах и скорбных обстояниих помощнице нам скорая.

Радуйся, яко и сама в житии твоем Христа ради многоскорбная была еси; радуйся, душ смятенных умиротворительнице тихая.

Радуйся, унывающим утешительнице дивная; радуйся, недоумевающим советнице мудрая.

Радуйся, призывающим тя молитвеннице теплая; радуйся, с верою и упованием умирающим споручнице крепкая.

Радуйся, святая благоверная княгине, преподобная мати Анно.

Кондак 10

Спасительнаго подвига ищущи, блаженная многоскорбная княгине Анно, теплыми молитвами непрестанно Бога моляше, да не лишит ю достояния святых и наследия Небеснаго Своего Царствия, поющую Богу: Аллилуиа.

Икос 10

Стена нерушимая, пристанище и предстательство к тебе притекающих была еси, блаженная, утешение и веселие. Сего ради зовем ти:

Радуйся, и во вдовстве бывшая правительнице мудрая, Ольге святей подобная и милосердная; радуйся, чада твоя во страсе Божием содержавшая.

Радуйся, ходити в заповедех Господних и являти ко всем милость поучавшая; радуйся, блаженная, нищия питавшая и убогия призиравшая.

Радуйся, странныя в дом твой вводити повелевшая, пищу и одежду им подававшая; радуйся, сирыя и вдовицы заступавшая и всем просящим помощи помогавшая.

Радуйся, много душею за чада твоя поболевшая; радуйся, супружнице добляя.

Радуйся, иноческое строгое житие во вдовстве проводившая; радуйся, печальми земными угнетенным мир вечный раскрывающая.

Радуйся, у Распятаго на Кресте за ны, грешныя, мира и тишины непрестанно просившая; радуйся, в нынешнем житии всем помощнице теплая.

Радуйся, святая благоверная княгине, преподобная мати Анно.

Кондак 11

Пение и молитвы непрестанныя возносити Богу хотящи, блаженная, пришла еси во обитель девичу и тамо, с великим смирением молящися, повелела еси себе пострищи во Ангельский чин, и тако, помощию Всевышняго Бога, в малом времени превзошла еси добродетельми вся бывшая тамо постницы, поющи Господеви: Аллилуиа.

Икос 11

Светоподательный светильник была еси, богоблаженная: князи бо, княгини, чада твоя и вся благочестно живущая во градах Твери и Кашине, обитель твою посещавшия, непрестанно поучала еси Бога боятися, Тому всегда угодная творити и жити в любви друг ко другу. Сего ради вси прославляху тя сице:

Радуйся, мирския суеты отрешившаяся; радуйся, Небеснаго Отечества возжелавшая.

Радуйся, Христа всем сердцем возлюбившая; радуйся, к подножию ног Его присно припадавшая.

Радуйся, великим ангельским образом украсившаяся; радуйся, на иноческия подвиги и борения устремившаяся.

Радуйся, иноческому послушанию всецело предавшаяся; радуйся, всю себе в жертву непорочную принесшая.

Радуйся, ум и сердце твое молитве посвятившая; радуйся, яко Христос во успении твоем в чертог Свой тя всели.

Радуйся, яко и мощи твоя нетленны сохрани, многими чудесы и исцеленьми к тебе приходящих обогати; радуйся, наставнице инокиням и собеседнице Ангелом.

Радуйся, святая благоверная княгине, преподобная мати Анно.

Кондак 12

Благодать и велие дерзновение твое пред Богом ведуще, тебе, преподобная мати, молимся: молися о нас ко Господу, да избавит ны от всех бед и напастей и сохранит и утвердит ны во святей вере, во святом благочестии и чистоте, да тихое и безмолвное житие поживем и поем благодеющему тобою Богу: Аллилуиа.

Икос 12

Поюще твое прославление, ублажаем тя, преподобная, яко многомощную о нас молитвенницу пред Господем, утешительницу и покровительницу, и возглашаем ти сице:

Радуйся, подвигом добрым подвизавшаяся; радуйся, течение скорбное постом, бдением и молитвою непрестанно совершавшая.

Радуйся, носившая на земли венец терновый; радуйся, унаследовавшая на Небеси венец нетленный.

Радуйся, супружнице страстотерпца Христова; радуйся, с ним спострадавшая и венчавшаяся.

Радуйся, молитвами твоими град Кашин от смертоносныя язвы избавившая; радуйся, яко веру к тебе несумненную и надежду известную в любящих тя возгрела еси.

Радуйся, от Господа всех благих нам подательнице; радуйся, во всех скорбех и обстояниих утешительнице.

Радуйся, от враг видимых и невидимых защитнице; радуйся, о нас пред Господем в день праведнаго воздания предстательнице.

Радуйся, святая благоверная княгине, преподобная мати Анно.

Кондак 13

О, преподобная и преблаженная мати Анно! Молися присно Христу Богу нашему даровати людем православным на враги победы и одоление, и миру умирение, и всей Российстей земли великое утверждение, нам же грехов оставление и жития исправление, да тако Небеснаго Царствия наследницы будем, в радости поюще со Ангелы Богу: Аллилуиа.

Этот кондак читается трижды, затем 1-й икос «Ангелов Творец…» и 1-й кондак «Избранней и предивней…».

Кондак

Яко пресветлая звезда,/ явилася еси в Российстей земли, во граде Кашине,/ преподобная мати Анно,/ во всех благочестивых и верных женах,/ аки крин, процвела еси чистым и непорочным твоим житием,/ во инокинях же совершенными твоими труды и подвиги,/ и возшла еси к Вышнему граду, радующися и веселящися,/ яко добре совершивши твое течение,/ и ныне честныя твоя мощи,/ аки бисерие драгое, явишася,/ на исцеление всем, приходящим с верою./ Тем и вопием ти:/ радуйся, всекрасная душею,/ и моли Христа Бога/ о спасении душ наших.

Ин кондак, глас 8

Скоропослушную помощницу, вси, сущии в бедах,/ благочестно воспоем, Анну святую,/ днесь любовию сошедшеся во обретение честных мощей ея./ Воспоем песнь Единому в Троице Богу, радующеся,/ сподобльшему нас видети пречистое сокровище честных мощей ея:/ от мног бо лет сокровены быта,/ напоследок же нам явлены/ и источают многа и различна исцеления./ Яко да молитвами ея к Богу/ от всяких находящих зол избавимся,/ радостною душею и веселием сердца благодарная воспоем, глаголюще:/ радуйся, утверждение граду нашему.

Величание

Ублажаем тя, преподобная мати, великая княгине Анно, и чтим святую память твою, наставнице инокиням и собеседнице Ангелом.

Оцените статью
Православный религиозный информационный сайт на все случаи жизни